تجمع الجزائريات المتأخرات في الحمل و أهلين بالتونسيات الغاليات

[أمة الرحمان السلفية]

اهلا وسهلا عزيزتي وحبيبتي نور الهدى توحشتك بزاف بزاف خليتي فراغ كبير حنونة اسمحيلي مالقيت واش نكتب راني نكتب ونبكي عليك كي قريت واش كتبتي ربي يفرج عليك حنونة رني نبكي بصوت علي كنت معمرة يسمعوني الجيران يقولو واش بيها الله يفتح عليك حنونة

[Nourelhouda]

اهلا تورية واش راكي لاباس!؟!؟!؟!؟

[om anes]

توتو عمري والله تواحشتك بزاااااف واش راه البيبي إن شاء الله بخير
سلمي على نور العيون بزاااااااااااف واش عندها هي ولد ولا بنت إذا بنت خطبيها قبل مايطيرو بيها ههههه

[Nourelhouda]

اهلا امة الرحمن اختي العزيزة و الغالية،،، ربي يخليك يا حنونة و كل دمعة نزلت من عينك ربي يديرهالك في ميزان حسناتك يا اختي،،،،، ربي يحفظك و يخليك،،،،، راني هنا وين يطلعلي المورال بيكم،،،، و كي نهدر معاكم نرتاح،،،، و درك نضت ندير كيكة جوز الهند لقيت بلي جوز الهند عندي قليل و زيد واقيلا خسر،،، امالا وليت قعدت في الصالون،،،،، نعطيك لاغرسات امة ديريها و خلينا ننساو الهم و الحزن،،،،، مابيد انت الطباخة الماهرة تاعنا،،،،،هاي لاغوسات البنات : كيشغول سمولينا:

كيكة الجوز هند

المقادير
نص كاسة سميد
نص كاسة طحين
كاستين ونص جوز هند
كاسة سكر
3 بيض
2 معلقة صغيرة فانيلا
2 معلقة صغيرة باكنج باودر
كاسة حليب
كاسة زيت

الطريقة
نضع البيض بالخلاط مع الفانيلا ومعلقتين صغار ليمون (حسب الرغبة )
بعدين بنضيف السوائل
بعدها بنكون خلاطين المواد الجافة وبنبلش نضيف السوائل ونحرك

بندهن الصينية او انا برشها زيت
بندخلها الفرن على درجة 350 فهرنهايت وبنكون محمينو من قبل

القطر
كاسة ونص سكر
كاسة مي
معلقتين صغار ليمون
بنخلي القطر يبرد

بعد ما تستوي الكيكة بنقطعها وبنضيف القطر وهي سخنة والقطر طبعا لازم يكون بارد
بعدين بنزينها بجوز الهند،،،،،، بصحة و عافية،،،،


انا كي طيب و نديرلها الشاربات من الفوق عندي شككولاتة تاع اللي نديروها فوق الايس كريم نديرو فوق السمولينا و نخليه يشربها،،،، ايييوىوووووو شحال تجي بنبنة،،،،، انا المشكل تاعي مقاسات المول يعني مانعرفش تما مول يجي فيه المقاسات دائما تتعوجلي هههههه بصح الطعم خيال،،،،،م

[om anes]

أمة اختي خلاص شبعنا بكاء
رحت لعرس السلفية لي تدخل في يدها بنها غير أنا وزيد النسا هبلوني بالأسئلة
عندك ولاد .لا....يستغربو مالا راكي بالحمل ......لا ..؟؟؟؟؟؟؟؟ طيحتي ؟؟؟؟؟؟؟؟؟؟؟ هبلووووووووووووووووني قريب قلتلهم خليتهم مع بوهم أوووووووووووووووووووف
أخواتي تأكدو بلي الأولاد ماشي هما كل شيء فالدنيا .....................

[صبورة]

المشاركة الأصلية كتبت بواسطة nourelhouda

سلام الزينات العذرات الحبيبات العزيزات على قلبي واش راكم لاباس!؟؟!؟ توحشتكم كامل بزاف بزاف،،،،،، و راه عندي اخبار جديدة،،،،،
المهم البارح راجلي باش خلص الانترنت بديت نبكي هههههههههه،،،،،،،، و اليوم باش رحعت كان كاين مشكل في الخيط تاع التلفون،،،،،المهم،،،
نهار روحت لداري ياك قلتلكم موعد الدورة 29 سبتمبر المهم جاتني الوجعة تاعها عمبالي هبطت حتى قلت للبنات بلي رانا كامل ممنوع السباحة،،،، كي رحت لداري نمسح ماكاش كاين افرازات بيضاء و زادت النهار الثاني ماجاتش و ماكان عندي حتى اعراض والو كان عندي غازات هي اللي هبلتني المهم استمر تاخرها ثمانية ايام و من الاعراض اللي حسيت بيها غثيان و صدري كبر و صداع في راسي و نعاس غريب عجيب و تعب و دوخة و تغزات في المبايض و نحس كرشي كاين كورة فيه،و اليوم السابع من تاخرها جاني الم تاع الدورة قلت خلاص هبطت البارح هو اليوم السابع تاع التاخر نظت الصباح دوشت و روحت للطبيبة و لقيتها غالقة رجعت للدار،،،،، كنت حابة نشري تحليل حمل و خفت على خاطر كلما ديرلي تاخر نشري تحليل تهبط ههههههههه يسود سعدها،،،،، المهم رجعت للدار و في الليل جيت نصلي العيشة مسحت لقيت نقطة دم زهري خفيفة عاودت مسحت ماكاش والو. قلت الدورة هبطت ما صليتش و البارح البرد في الدار و انا نعرق و ميتة بالسخانة قريب متتت المهم الصباح نضت عاودت مسحت ماكان والو افرازات بيضاء فرحت قلت كي نرجع ندوش و نصلي و رحت خدمت و درك رجعت و كنت راح نشري تحليل و نديرو راجلي كان مشغول و حطني في الدار ديركت،،،،،، الفائدة درك بدلت حوايجي و رحت للحمام مسحت لقيت الدم رجع و الم دورة راه يقطع فيا،،،،،،، و راح الامل الله يسود سعدها،،،،، راني زعفانة بزاف على خاطر عشت الدور و زدت راني درت خطة باش نخبر راجلي و العائلة كامل و حسبت حتى و قتاش نولد 10 جوان 2014 و درت شريط حمل قلت غير تتاخر عشرة ايام نحلل و قلت رمضان الجاي نكون بالبيبي تاعي و فرحت قلت العيد الكبير هذا نكون بالحمل و العيد الكبير العام الجاي ان شاء الله يكون البيبي تاعي بين يديا،،،،، راني بالقنطة و كرهت حياتي علاش دارتلي تاخير علاش فهموني و زيد مع التاخير جاني امساك و الغازات عمرها ماحكمتني هكذا،،،،،،،،،، و الله ما خممت في الحمل كل يو نستناها و كي تاخرت ستة ايام قلت خلاص سور راني حامل و امنت روحي امالا جاتني ايت قولولي واش ندير راح نهبل كرهت و عييت كي شافتني راني نسيت و مانيش ندير كيما بكري دارتلي روطار بلعاني ،،،، ماخليت حاجة ما درتها تحاليل الكلوروكس و غيرها،،،،، الله لا تربحها كرهتها لوكان جات بني ادم نقتلها و نباصي علاجالها،،،،،،،راني زبل حاشاكم و حتى كي جاتني جاتني دم ديريكت ماشي كيما موالف يومين لون بني و من بعد دم،،،،،،،اوف استغفر الله،،،،، انا كنت حابة نجي نبشركم و كلما نقول راني حامل نتفكركم و دعيتلكم والله بصح ربي ما كتبليش،،،،،،، اسمحولي صدعتكم بص راني كارهة حياتي ما قلت لحتى واحد و راجلي سقسلني على الدورة قلتلو جاتني كي كنت في العاصمة دارتلي تقديم صدقني مسكين،،،،،،، يا رب اغفرلي،،،،،

اهلا نور الهدى ليك وحشة حبيبة...
نقولك حاجة ماتعمريش راسك..اللي كاتبوا ربي هو اللي يكون...الشيء اللي كتبتيه راني عشتوا 100 مرة و فالاخير تشرف الدورة مرات نبكي و مرات نضحك على روحي...على بالك البارح كنت راح نبعث لك رسالة على خاطر وحد طبيب الاعشاب مصري يسموه الدكتور سعيد..راهوا يجوز في قناة بانوراما..و عندوا فروع في كامللدول العربية و يجي للدزاير بزاف..و يتصلوا فالبرنامج انتاعوا من الدزاير بزاف المهم البارح كنت نتبع فيه كان داير حصة على الكيراتين انتاع الشعر....
حتى اتصلت وحدة من الاردن..قالتلوا انا فلانة من الاردن..راني نعرفك و انت جيت للاردن و عند الدكتور غازي و شفتوا الحالة انتاع راجلي و هو عندوا 0 الحيوان المنوي.. و راجلي تبع الخلطة اللي عطيتوهالوا.من المفروض يحلل كل 3 اشهر باش يشوف النتيجة..بصح هو ماحبش يحلل..قال لازم نصبر 6 اشهر كاملة..و قالت فالاخير راهي حامل شهر و نصف لما حملت راح راجلها عمل التحليل ماشاء الله لقى عندوا 35 مليون..تخيلي كان 0..و الدكتور لما سمعها قالت كلمة حامل تاثر و قريب بكا....من بعد الدكتور سعيد تفكرها و قاللها شحال عندك زواج قالتلوا 11 سنة..قاللها الله اكرمك لانك صبرتي مع زوجك..و قاللها حكيلي على الفرحة..قالتلوا الاقارب و الجيران و الاصدقاءراهم فرحانين معايا فرحة لا توصف..و قالت راهي راقدة فالسرير راهم ما يخليوهاش تتعب.....
البارح كي شفتها تحكي جيتي في بالي..قلت يا رب تدخل نور الهدى باش نحكيلها..على خاطر نظن عندوا فرع في العاصمة و تقدري ترويلوا..او اتصلي بالبرنامج و يعطيك الايمايل و بعثيلوا التحاليل انتاع راجلك....يا رب يفتح ليك...
..

[Nourelhouda]

ايه ام انس رانا كامل هكذا ،،،، انا جات لوستي من تيارت تزوجت مورايا و راهي بزوج دراري الله يبارك ربي يحفظهم،،،،، و زادت عجوزتي قالتلي على المسيد المرأة اللي تمسد شفت فيها و خليتها ترحي وحدها و انا نستغفر ربي في خاطري ،،،،،،، حتى شافتني بلي راني ساكتة سكتت،،،،،،ايا قوليلي واش ندير معاها انا نقوللهم وليدكم و هي تقولي روحي تمسدي،،،،،، الله يهديهم

[Nourelhouda]

اهلا صبورة العزيزة واش راكي توحشتك،،،،، يعطيك الصحة اختي قوليلي وين جاي و الاسم تاعو كامل و ان شاء الله نروح ليه او نحوس عليه في الانترنت،،،،، ربي يجازيك كل خير اختي و يرزقك الذرية الصالحة في القريب العاجل يا رب و نفرحو بيك،،،،،،

[صبورة]

امة ان شاء الله اليوم راكي خير من البارح..
وصال صيامك فالجنة..ان نويت بصح فسدتها علي اللي ماتتسمى..
ام انس واش راكي...ماتعمريش راسك بكلام الناس اكثر ماراهوا معمر..ربي مافيه غير الخير...عن قريب نفرحوا بخبر حملك...
مريم وين راكي غايبة
ام بلقاسم راكي تدخلي و تهربي....
امومة واش راكي اليوم.....
جومانة سماسم اترج اميرة وباقي لبنات يا رب تكووا بخير..

[Nourelhouda]

صبورة اسمو الدكتور سعيد حساسين!؟!؟!؟! و هو صغير شوية ماش كبير!؟!؟!؟!؟ رقيق و طويل و ماعندووش شلاغم!؟!؟!؟