تجمع الجزائريات المتأخرات في الحمل و أهلين بالتونسيات الغاليات

[احلى شيء الاموموة]

المشاركة الأصلية كتبت بواسطة صبورة

امومة
فكرتيني فيالعيد العام الليجازعيدت في دارنا اول مرة 8 سنين زواج و انا نعيد في داري و مع راجلي و نفرحوا بالكبش..كانتعندي الرحلة..راجلي جاه تحويل فالخدمة لميت القش انتاعي و رحت لدارنا وهو راح للخدمة في البلاصة الجديدة.تخيلي من النص انتاع رمضان و انا في دارنا حتى 20 يوم بعد العيد الكبير باش افراوهالوا...و السكنة اللي من حقنا الراجل اللي فيها تحول للصحراء و خلى مرتوا فالسكنى هاديك..و قعد راجلي يبات مع السيليباتار..وصل العيد انا تقلقت و هو اكثر مني..ماكناش نتخيلوا باللي مانشروش الكبش و مانعدوش مع بعضنا...و يمى و خياتي المتزوجين كانوا فرحانين بي راح نعيد في دارنا..المهم من بعدها عطاولوا سكنة في بلدية قريبة للخدمة بصح يروح كل يوم يجي..و درك الحمد لله..زدنا ارحلنا راني نسكن الفوق والبيرو تحتي..و ان شاء الله نعيدوا بالصحة والهنا..

امة الرحمان

مبروك عليكم الكبش..تعيدوا بالصحة و الهنا...بصح راكي غايضتني تعيدي عند عجوزتك..
...انا مستحيل نعيد عند عجوزتي ساصاب بالاختناق عندها و ضيق التنفس يالطيف..تخيلواهي العيد عندها غير مقدس..واحنا لما تسمع بنا شرينا الكبش متفرحش لوليدها..و هي اللي ضبحت علينا و ضربتنا بعين العام اللي فات و ماعيدتش في داري..تخيلوا المرة هادي واش قالتلي انت غير راسك و راسوا علاه تشريواالكبش؟..اشريوااللحم واسكتوا.
.قلتلها انا العبرة ماشي باللحم ..سيدنا ابراهيم عليه السلام رزقوا ربي بسيدنا اسماعيل على الكبر وطفل واحد..وراح يذبحوا في وجه ربي..وانا نروح نعز دراهم الكبش على الله اللي خلقني.. قلتلها هادي جامي تصرى..قالتلي كل واحد والتفكيرانتاعوا..ياحفيظ يا ستار كي نروح عندها تقول مانيش فالجزاير مايفرحوش بالعيد..تخيلي عندها شهريتها وشهرية شيخي ولادها خدامين و2 سيارات و 2 ولادها عزاب واحد يلعب بالدراهم لعب.. ويحب يعيد .هو زعم اللي راه يخلصلهم الكبس هادوا عامين اوواحد يخلص7ملاين فالشهر بصح بخيل ..وهكداك وماتتحمسش للعيد وماتحمدش ربي..بكري بلاك عيدت 3 مرات في حياتها ..و كاين ثاني خو راجلي متزوج بولادو و لاباس عليه و شرى الكبش مرة وحدة في حياتوا.. و مرتوا باباها يخلص انتاع المجاهدين و عمرهم لا شراو الكبش فالعيد..يغيضوهم الدراهم..احنا في الوسط الحمد لله كامل الناس تفرح بالعيد ويشريوا لكباش و النساء الجارات يروحوا عند بعضهم باش يشوفوا الكباش ..يعني روعة..و اللي ماعندوش باش يشري يلمولوا الدراهمو يفرحوا ولادوا... .و هادوا 4سنوات الاخيرة هدرت مع شيخي وقنعتوا بالعيد..وقلتلوا الاية الكريمة .لَن يَنَالَ اللَّهَ لُحُومُهَا وَلا دِمَاؤُهَا وَلَكِن يَنَالُهُ التَّقْوَى مِنكُمْ كَذَلِكَ سَخَّرَهَا لَكُمْ لِتُكَبِّرُوا اللَّهَ عَلَى مَا هَدَاكُمْ وَبَشِّرِ الْمُحْسِنِينَ ..
كانه اقتنع و عاد مايديرش على راي عجوزتي..و رجع كل عام يعيد..
و هي راهي تقول لو كان مايجيش وليدي فلان اللي فالصحرا و الله مانشري الكبش...تخيلوا..لهذه الدرجةالتزيار والبخل مانحكيلكمش..مانيش عارفة اذا الجواجلة كامل هكدا..الحمد لله راجلي ماخرجش ليهم تقولي ماشي منهم..انسان كريم و يقدس العيد . .. . .















































.

صبورة اختي علابالي راكي حاسة بيا ظروفك كي ظروفي...واش نديرو كل واحد واش كتبلو ربي في الدنيا هاذي....عندي 3 سنين زواج اول مرة راني رايحة نعيد في دارنا ...2 مرات مع راجلي وعجوزتي...ومرة عيدت وحدي كنت في الجلفة....والله نص فرحانة يمة وحدها هذا العام اول مرة اخواتاتي لبنات تزوجو وقعدت وحدها فرحانة كي رايحة نعيد معاها ....ونص زعفانة راجلي في الخدمة وما يعيدش مسكين ...الحمد لله على كل حاااال...ربي يطول في عمرنا ونعيدو مع بعضانا العام الجاي....
وعجوزتك ربي يهديها ..كاين بزاف لي يجهلو القيمة الدينية نتاع العيد ...يحسبوا العباد تذبح غير على خاطر اللحم والشواء وبرك ...ربي يهديهم....

[صبورة]

المشاركة الأصلية كتبت بواسطة احلى شيء الاموموة

صبورة اختي علابالي راكي حاسة بيا ظروفك كي ظروفي...واش نديرو كل واحد واش كتبلو ربي في الدنيا هاذي....عندي 3 سنين زواج اول مرة راني رايحة نعيد في دارنا ...2 مرات مع راجلي وعجوزتي...ومرة عيدت وحدي كنت في الجلفة....والله نص فرحانة يمة وحدها هذا العام اول مرة اخواتاتي لبنات تزوجو وقعدت وحدها فرحانة كي رايحة نعيد معاها ....ونص زعفانة راجلي في الخدمة وما يعيدش مسكين ...الحمد لله على كل حاااال...ربي يطول في عمرنا ونعيدو مع بعضانا العام الجاي....
وعجوزتك ربي يهديها ..كاين بزاف لي يجهلو القيمة الدينية نتاع العيد ...يحسبوا العباد تذبح غير على خاطر اللحم والشواء وبرك ...ربي يهديهم....

امومة
ماتتقلقيش حنونة ربي كتبلك تعيدي مع يماك..مصائب قوم عند قوم فوائد..هههه..العام اللي فات اختي العازبة كانت مكسورة من يدها..و خياتي كامل متزوجين يعيدوا في ديارهم..يعني يمى و خويا و اختي اللي مكسورة من يدها..و يمى مسكينة وحدها ماتقدرش نهار لعيد..تخيلي ربي عمل هاداك السبب باش نقعد و نعاون يمى العزيزة نهار العيد...
المهم خلي حق راجلك انتاع اللحم و العصبان في الكونجيلاتور...