حبيباتى سيدات ليبيا تفضلو لأعرف ما حالكم

dr.loly · 10-11-2013, 07:26 PM

اوشي امتي اديروا ف العصبان

اوشي · 10-11-2013, 07:28 PM

عندي راجل اختي عرضو عليه وزارة في بداية تشكيل حكومة زيدان شوي رفض

وحتى راجلي عرضو عليه منصب محترم جدا هنا في شحات شوي رفض

فقلت الهم ليش قالو البلاد ماشية للهاوية

فقلت الهم كان كل واحد محترم وخايف علي ليبيا وخر لاورا اكيد ليبيا تمشي للهاوية

تعرفي عندي رغبة شديدة اني نمسك ليبيا

والا يردونا الملك رضا ادريس السنوسي وهو اللي يتولى امور البلاد

لان ليبيا توة تبي واحد مش 1000 يحكموها

dr.loly · 10-11-2013, 07:30 PM

قبل بنعدوا ثالت يوم لاسكتلندا
بس امس جتنا رساله من مركز الوقايه من امراض النطق والسمع

دازين يأكدو ع موعد الاء يوم الخميس ثالت العيد,,,,

عشان يديرولها تخطيـــط السمع كامــل

مشكله توا خشيت بنلغي الحجز مالقيتش ولا فندق جناح فاضي م الجمعه الا فندق اثنين فاضيات والباقي الثلاتاء

زوجي قالي كل تاخيره فيها خيــره

قبل خاطري فيه الراديسووون بلو ....

شكلي نختار واحد عريق استايل فيكتوري وخلاص بلاش من الحداثه ماعنديش حظ خخخخخخ

dr.loly · 10-11-2013, 07:32 PM

والله يا اوشي عندهم الحق يرفضوا

حتي الشعب بعض منه مزودها مايبوش يصبروا كل حاجه يبوها تجي بسرعه

كل واحد يمسك يبدوا فيه طوووول ... حتي الكويس ما نجا منهم ..

واللي سرق سرق .. واللي حول ملايين حووول .. والضحيه ليبيا للاسف

حسبي الله ونعم الوكيل فيهمـ

اوشي · 10-11-2013, 07:32 PM

نحنا نديرو في العصبان بعد العيد لاني نمشي لطبرق ونرد بعد ما نجي نديره

وبالنسبة للغية الحجز بالك فيها خيرة ... اهو عاد جو روايات عبير من غااااااااااادي

اوشي · 10-11-2013, 07:34 PM

قعدت نذكر في اسماء الروايات خخخخخ ماجت علي بالي ولا وحدة

وسوسو مازالت حافظة انم هامبسون

الله عليك ايام كانت نقيه وهادية ...

وكان كل نقص فينا نكملوه في روايات عبير

توة نحكيلك موقف

dr.loly · 10-11-2013, 07:37 PM

ههههههههههههه عندك الحق هنا وااااجدت الفنادق في أدنبره

لين تحيري ... بس نا نحسب في المسافات وقربهن من الاماكن السياحيه والحيويه

لقيت غرفه مزدوجه توا ف الماريوت... بس ازعمه يحطولنا سريرين رضع؟

لان هنا لازم تقولي كم اعمار اطفالك وشن نوع غرفه تختاريه بالضبط .,,

وجو غرفه لبالغين وطفلين مالقيتش جربت لطفل حصلت هذا الاثنين

بعدين زوجي قالي الجمعه واليبت والاحد ديما يزحمن عشان عطلة نهاية الاسبوع ...

فعلا به لي تأجلت لان الاحد كان هذا راح علينا هك اغلبهم يسكرو بدري
وتزحم بكل ف العطله خصيصا السبت

dr.loly · 10-11-2013, 07:38 PM

مش غير نقيه ...

كانت صاحبتي تقول انحطوا ف الفراغ العاطفي فيهن خخخخخخخخخخخخ

بس جيل توا البعض منه العكس ههههههه

لنقاهن سماح بجد توا صاحبتي تقولي ديما اكيد عايشه اجواء روايات عبير

سوسو بالك عشان مالهش واجد قاريتهن ههههههههههههه كلا انا لي فوق العقــد من الزمن مش مذكره واجد او نهائي ههههههههه

اوشي · 10-11-2013, 07:38 PM

كنت نقرا في رواية وانا قاعدة في سريري متغطية بالبطانية لان مانحصلوهن الا في بداية القراية هههه

وانا مش فاطنة الروحي ثاريتني نضحك والا وامي جاية طايرة واتكر مني الرواية وتقولي شن اللي ضحكك

وتمت تقرا بعد ما لقيت مافيها شي قالت لي واللي لو ما تجيبي ممتاز انحرش عليك بوك

خخخخخخخخ

بس بعد ما حلت مصر تمو ايجيبو في روايات عبير مقلدة حاشاك كلها سخافات وقلة ادب من هنك ماعتش تميت

انعدل واجد الا اذا لقيت وحدة من الروايات القدم

اوشي · 10-11-2013, 07:41 PM

نحنا طلعنا من جو العيد لجو ليبيا وزيدان والمقبور وكلامه

وطبينا في روايات عبير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM