تعبانة كتير فهموني شو بصير معي محتاجاكم

[im mohmmed]

السلام عليكم

كيفكم وشو اخباركم


انا بالشهر التاسع بالاسبوع ال 38 وتعبانة جدا بطني متحجر واخر مرة حكالي الدكتور موسعة 4 سم وهالاشي حكالي اياه الاسبوع الفات ولحتي هلأ ما ولدت وخايفة اروح ع الشفا بس بحس بوجع دايما بضهري وبطني وفيه عندي افرازات بيضا كتل بيضا ونزل علي الدم اول الشهر وانا بالاسبوع ال 36 وخطوط بيضا مع دم بني واحمر بالبداية بعدين اختفي

وانا حاسة هلئيت بطني متحجر وضهري من النص وبطني بجعني بس مش وجع كبير وخايفة امشي واتحرك انصحوني شو اسوي والله منا عارفة شو اسوي مستنية ردكم امانة

صحيح هادا اول بطن الي وبطني صغير مش كبير

الله يريح بالكم ويئومنا بالسلامة يارب وييسر ميلادنا يارب

[شموخ امرأة]

معك توسع 4 سم وصابرة ع حالك وفيكي الم !!!
حياتي روحي المستشفى ع طول خليهم يزيدوكي طلق مشان تلدي
هلا انتي عديتي مرحلة الخطر
روحي الله يسهل ولادتك ويقومك بالسلامة ياااارب
اح ـترامي

/

[عآشت للحب]

يمكن يعطوكي طلق صناعي روحي وشوفي وضعك
وﻻ تنسي اﻻدعيه واﻻستغفار

[بنِت النوُر]

ياقلبي مايصلححححح كذا يظل الرحم فاتح 4 ويتركونك البيبي بيتعب بعدين ..لازم تروحي ع الاقل طلق صناعي وتولدي اهم شي البيبي ولا الم الطلق واخد لاتسكتين ع نفسك ..

لازززززززم تروحي وتخليهم يولدوك بمنتدئ 2 قريت وحده نفس حالتك سكتت ع نفسها وبعد ماولدت ولدها تعب وتنومت 10 اياام كان وضعك مو زين لانها اهملت نفسها والرحم مفتوح

الله يسهل عليك يارب

[زينب ام ياسر]

الله يسهلك يارب روحي لا تهملين نفسك

[im mohmmed]

خوفتوني والله خلص حتوكل ع الله واروح ع الدكتور

ادعولي

ربنا يجزاكم الخير ويوفئكم

[p!nk rose]

حبيبتي هالتوسع كلو وماصار ولادة و شكلو مارح يصير إلا إذا ولدتي قيصرية ومابدك الطلق الصناعي لأن بيموت من التعب ووجع عالفاضي أهم شي سلامة ابنك و بتخافي من الحبل السري يلتف على ابنك لا تنسي هالشغلة لهيك استعجلي بالولادة و مو ضروري تولدي طبيعي أهم شي سلامتك و سلامة جنينك

[المهندسة ام تيم]

حبيبتي لالالالا تصبري على حالك لازم يولدوكي روحي للمستشفى وربي يطمن قلبك

[dr.loly]

يمكن مو 4 سم اختي لان بعد يوصل ل 4 تعتبر حالة ولادة خلآص ....

[im mohmmed]

الحمد الله هيني ولدت الصبح والبيبي منيح الحمد الله

عئبالكم يارب وعئبال كل يلي مشتهي يارب بالذرية الصالحة