حبيباتى سيدات ليبيا تفضلو لأعرف ما حالكم

[هدية الخالق]

المشاركة الأصلية كتبت بواسطة جوهرة ليبيا

هدوو ربي يحفظلك راجلك وبنوتك وترجعوا بالف خير

وربي يرحم موتي المسلمين ياااااارب

سوسو كيف حاله اوبيك وكل عام وديما ملتمين وصحه القريش

المشاركة الأصلية كتبت بواسطة شموسه 88

هديه ربي يحفظلك زوجك ويطولك في عمره واتروحو سالمين غانمين ربي ايصبر هل المرحوم والله قصه محزنه ابجد ياربي لطفك بينا
انا عندي سلفلي اوسلفتي عايشين غادي في كنده مش مش عرافه ولاية شنو تو نسال زوجي وانقولك

الله يسلمك شموسة وان شاء الله الف لاباس على عبسي ربي يحفظهلك هو واوخيته واللي في الطريق ويحفظلك زوجك ويخليهلم يااارب

[هدية الخالق]

المشاركة الأصلية كتبت بواسطة أثري في مدادي

هديــــــــــــــــــــــــــــــة
~~ رز موفــــــــــــــــــــــق ،،، وإن شاء الله ديما منورة

~~ فكرة التقعميزة مع القوقل فكرة طيبة ، لأنها تعطي أفضل النتائج ، باش تستمتعوا ببعض وتستفيدوا حتــــــــــــــــــــــى
وخاصة إنها إمرأة على خير

~~ الله المستعان ،،، اللهم اغفر له وارحمه وصبر أهله وذويه
واسألي الله العفو والعافية دوما
والصبر عند البلاء والشكر عند السراء

تسلمي يااثري بارك الله فيك
والرز ماشاء الله جي مية في المية والرجالة كملوه
لكن المراة ماجتش للأسف راجلها قال عندها شوية دوخة ماهي حامل هيا كنت حابتها تجي مع اني محتارة كيف منتفاهموا لكن قلت تغير جو شوية وتويع خاطرها لانها زي حالتي راجلها من الصبح لبعد النغرب برا وهيا بروحها ان شاء الله ح تولد عن قريب وتلقى من يونسها

[ليبياقلبي]

شن اخباركم وكل سنة وانتم طيبين ومبروك عيدكم وبارك الله فيك سوسو انت وام فروسة علا سوالكم عليا الباقي نسوني بكل الله غالب بالدات جيجي انا ديما نسال عليها وهي ولا كانه الله غالب نسيتني في موشضوع

[ليبياقلبي]

طمنوني جيجي جابت ولا مازال ولو جبتي ابعتلي رقمك عالخاص بنجيك في جيابك
وشموسة وين مسافرة انت
طمنوني عليكم لانا مقدرتش نقرا الصفحات
ام فراس سالتني علا ايفادي لالا مصر لاتوا راجلي محصليش التاشيرة بس مستحيل نسببه ايفادي

[أمل ليبيا]

السلام عليكم

اكيد كلكم راقدين نوم العوافي
اني كيف روحت من العشا مدايرينه بمناسبة عيد الاضحى ماشاء الله الليبيات هما منظمين كل شئ مع انه مشترك للمسلمين من جميع الجنسيات بس بنات بلادي ديما ربي يعطيهم صجيجتهم مهتمين بكل شئ
والعشاء كان رز ونوعين سلطة ولحمة محمرة ومشروب وحلويات وكيكات مشكله ووزعو ع الصغار اكياس فيها سن توب وحلوة ومستكة وشكلاتات وطبعا حسبو فطومتي واعطوني حصتها ياخيتي سلمها



اليوم الصبح جارتي جابت بنية ماشاء الله فجأة مع انه موعدها قبلي ب9 ايام

[أمل ليبيا]

سوسو وشموسه حااااااظر توا نبعتلكم حسابي في الفيس واجنادين بعتلها مسج بس ماردتش عليا قاعده !!

[جوهرة ليبيا]

السلام عليكم ورحمه الله وبركاته

الحمد لله اليوم بنتي حالها باهي ربي يحفظها وتلعب والله امس قطعتلي قلبي

هدوووووو مفاجاه حلوه ربي يونسك باهلك يارب

اثري كيف حالك وحال الصغار وكل العيله

ام نوزه ولوووووو والله ديما في البال بس متعوده علي غيابك واتجي اطلي مره مره ربي يحفظك ويحفظلك صغارك الحلوين وبوهم

مازال قاعده انكافح ماجبتش ويارب انجيب في موعدي قاعده متمشيتش واختي بدير لمات وجميع الطباخات مشغولات هههه خاطري نحظرهم وهي بتهبل علي خاطري تبي ادير قبل منجيب ونحضر لماتها

ادللي ام نوزه بس لااااازم نسال راجلي قبل لاني ماعمريش اعطيت رقمي لحد ويشرفني انك اتكوني من الحضور

امول خلعتيني هكي ايصيرلي لما نسمع بوحده جابت فجاه

وسلمها فاتي الحلوه حصلت حصتها من توه ربي يسهل عليك وتشوفيها بكامل صحتها ياارب

[أم ورد]

السلام عليكم ورحمة الله وبركاته
كيف حالكم كلكم
وكل عام وإنتم بخير وتقبل الله منا ومنكم

[جوهرة ليبيا]

وعليكم السلام ورحمه الله وبركاته

كيف حالك ام ورد تشرفت بمعرفتك

كيف الحمل معاك عرفتي جنس النونو او مازال <<قصقاصه

ربي يتمم حملك وولادتك علي خير

دعواتك اختي في الله ربي يسرلي ولادتي

[أم ورد]

شموسة ألف ميروك الحمل وربي ايتمملك على خير يارب ولاباس على عبسي
سوسو الحمد لله على سلامة الوالد وربي مايغيبه عليكم
هدية ربي يحفظلك زوجك ويخليكم لبعض لبن اتشوفوا اصغار اصغاركم يارب
جيجي لاباس على بنيتك وربي ايسهل عليك