* تجمع احلا كروشات بيولدو شهر صفر 1435 *

روح الخيال · 11-17-2013, 07:13 AM

زورق وزن البيبي مره قليل ..

اللي اعرفه ان نصف وزن الجنين الكلي يكتمل بأخر ثلاثة اشهر ..

تغذي كويس يمكن يزيد وزنه ..
واهم شي نفسيتك تكون مرتاحه ولاتقلقي عشان لاتصير عندك مضاعفات ...

ربي يسهل عليك

نوريا · 11-17-2013, 12:09 PM

زورق
الشهر التاسع يكبر الجنين فيه بسرعه انتي اهتمي بأكلك وتغذيتك وان شاء الله تولدين ووزن البيبي حلو وطبيعي

روح الخيال
لاتستهيني بالالم راقبيه واذا شفتيه منتظم ومتقارب روحي المستشفى
الحامل من تدخل التاسع تتوقع الولادة في اي لحظة
ربي يسهلها علينا كلنا

اخباري
قبل ثلاث اسابيع عملت سونار وكان وضع الجنين طبيعي راسه تحت والامور فل
قبل امس عملت سونار وللاسف بين ان راسه رجع معترض جهة اليسار وقالت لي الدكتورة لسة قدامنا فرصة مع العلم باقي اسبوع وادخل التاسع
انا خايفه مره واحاتي ودي تكون ولادتي طبيعية لاني بولد في بيتي وماعندي احد يهتم فيني
دعواتكم لي

سهى العطاس · 11-17-2013, 01:03 PM

ربي يسهل لك يارب وزن البيبي تغذي مزبوط ان شاء الله يزيد ربنا يوفقنا جميعا

احلا نغم · 11-17-2013, 01:10 PM

رووح الخيال الله يسهل لك يارب
يمكن طلق و يمكن طلق كااذب

زورق احسه قليل وانا بعد بالاسبوع 37 ووزنه كيلوين و 400 بس
الله يحفظهم و يجيبهم بالسلامه يارب

و بالنسبه لبطني لا حجمه كبير يمكن لاني مو بكريه بس البيبي صغنوون
المفروض يكون تقريباً 3 كيلو بهالوقت

احلا نغم · 11-17-2013, 01:12 PM

نوريا
ان شاء الله يرجع البيبي يلف و تولدين ولاده طبيعيه ميسره يارب

ايميليا · 11-17-2013, 07:05 PM

ودي بالنصفي بس اخااااف قلبي مايتحمل
شكلي بستخير
طيب وش رايكم اعمل العمليه بعد سبوع لاني خلصت الاسبوع 38

زورق · 11-17-2013, 07:50 PM

مشكورات عزيزاتي اللي رديتو علي جزاكم الله خير

انا مو بكريه عندي ولد وكان وزنه عند الولاده كيلو وسبع ميه غرام .. بس جايبته بنهاية الثامن بسبب تسمم الحمل وكان صغير مررره

وماشاء الله كبر بعد ماولدته ..

وهذا الحمل والله مو مقصره بالاكل .. بس مادري ليه صغير ..

وانا ابيه يزود لو كم غرام .. مو لازم يوصل 3 وفوق ..

بس خوفتني دكتورة الاشعه .. تقول لازم تتنومي هذا يوم الخميس ورفضت .. وبكرى موعدي عند الدكتوره وخايفه تجبرني على الترقيد

روح الخيال · 11-17-2013, 10:20 PM

نوريا حاولي تكثرين وضعية السجود والمشي وان شاء الله يرجع الراس فالحوض ..

ايميلياا استخيري وتوكلي ع الله ،، ويارب يكتب لك اللي فيه الخير لك ..

زورق طيب هي ليه بتنومك ؟!
بس عشان قلة وزن البيبي ولا لأيش !!

احلا نغم · 11-17-2013, 10:23 PM

زورق ليش ينومونك
بدري !!

ايميليا
حلوو استشيري دكتورتك
احس هالوقت مناسب
و بالنسبه للقيصريه و البنج النصفي اكيد ماراح يخلونك تشوفين يحطون حاجز يغطي عليك
بس تسمعين صرخة البيبي
و تشوفينه اول ما يطلع

و اتوقع بعض المستشفيات الحكوميه اجباري عندهم النصفي للقيصري

يارب عفوك · 11-17-2013, 10:32 PM

اشتقت للتجمععع
مساء الخير كروشات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كروشات تجمع محرم ..قصة ولادتي بروح قلب مامتها	زهرة الموسم	إستفسارات مرحلة الولادة	61	12-22-2013 05:41 AM
>> تجمع الي موعد ولادتهم محرم 1435 <<	ملكتني بهمسك	إستفسارات مرحلة الولادة	2367	12-10-2013 03:08 AM
تجمع بنوتات كروشات ••جمادي الاول 1434•••مارس 2013•••	أم الزين	إستفسارات مرحلة الولادة	16965	04-12-2013 02:05 AM
Smile تجمع كروشات الاحساء الحلوين	ام عبدالرحمن21	إستفسارات حوامل من الشهر السابع إلى الشهر التاسع	11	01-26-2012 05:40 AM
احلا ترحيب لي من احلا حوامل :)	يارب بنت	ملتقى عضوات حوامل	8	05-15-2011 06:03 PM