يالطريق اللي تمرك ترى حظك كببر
يا كبر حظك ويا كبر حظ المدرسه
.
.
ويا كبر حظ المديره ويا حظ الوزير
خطوا اسمك با لوزاره بفن وهندسه
.
.
يا صباح الخير لا من تلوت بالسرير
من دلعها والطفش كل شي تعفسه
.
.
أذكر الله يا نهار على الغرفه تنير
الجبين اللي ينافسك ربي يحرسه
.
.
ينتظرك الماء على شوق يا لخد الحرير
ويا سعادة صبح مريولك اللي تلبسه
.
.
لا أشرت بالصبع يمينه ولا حضرة أمير
أصبع فيه الحلاوه وفيه الغطرسه
.
.
شفتها في صبحها آه يا صبح العبير
دق ناقوس الهوي في ضميري وجرسه
.
.
زولها اللي يشلخ القلب لا قامت تسير
من غنجها تربة الأرض يا لله تلمسه
.
.
واقف ٍ في مفرق الدرب وقفات الخفير
صادر إيعاز من ريس ٍ ما انجسه
.
.
صاروضعي صعب والصوت مخراجه عسير
صرت مثل اللي يشاهق ومكتوم نفسه
.
.
قلت اببداء بالتحيه على بالي خبير
ما اجمّع....... ما اجمّع وهرجي اعكسه
.
.
الصباح أصبح مساء والطويل أصبح قصير
يا صباح الليل...... والهرج.. كله دنفسه
.
.
ليت من يبحث معك حق تقرير المصير
حبك اللي شل فكري ومره يلحسه
.
.
افهمي ..لعبك وشغلك بقلبي ما يصير
والعواذل فعلهم جعل ربي يكنسه
.
.
قالها قبلي وأنا أقول حكمة شكسبير
يا نكون أو القضاء نطلبه في مجلسه
.
.
نا ندور حل للي حصل أمره خطير
صابني منكم تشنج ونوبة هلوسه
.
.
يا اتفاق الحل والشور دايم فيه خير
أو نفوز بموعد الحل وأحد ٍ يدرسه
.
.
وسط قلبي لك ملفات وكراس تحضير
والصور بكل ركن وزوايا مدبسه
.
.
كل حب ٍ غير حبك يا جعله يطير
واطلب الله طول ليلي عسى الله يطمسه
.
.
شارب ٍ حبك مثل شرب كوكتيل العصير
شغلة الشامي ولا هيب شغلة بربسه
.
.
وسط مكنون الحشاء ما ينافسك الخشير
والضماير لك دفاتر... وفصل ....ومدرسه