** ليبيا زين علي زين ليبيا ورد وياسمين ** تجمع الليبيات

[جوهرة ليبيا]

اتفضلي ام ورسونه عادي اكتبي شن تبي وقولي رايك

تقدري اتقولي اني عرفت علي شن تعليقك لان حتي اني عندي انتقادات علي بعض الحاجات بس لازم الواحد مايقعدش نادم ويقتنع

ويفكر في التغير بعدييين

ولو تعطيني افكار ياريييت لان مجرد يكتمل مبلغ معين عندنا بنبنوا دور تاني والاول كله بنديره استقبال وجناح نوم

للضيوف ومطبخ تحضيري والحمامين نفسهم

وعلي فكرة حتي راجلي مهندس

[dr.loly]

أهليـــن أم وســــــــــــــونه..
والله يبارك فيك تسلمي..


شخبار الحلواااات .. ان شاء الله الزغيورة مش امتعبتكـ .. مره حكيتي انك تشرحي ف الفصل بها هههه


ربي يحفظها...

[dr.loly]

اليوم درت بيتزا اقراص أو ميني بيتزا للعشااا

زوجي مايحبهش مثلتااااات مش عارفه ليش خخخخخ


ودرت معاها شربه عدس بالدجاااج وليم



وخششت شرائح الدجاج قبل بندير اسكالوب معاهن قعدت نحسب قلت واجد سعرات حراريه


خصيصا لنا فترة العشا صحي مانبيش نخربها عاد تعودنا هههه

[dr.loly]

نستأذنكن تواااا

بنعطي نحطها ف كوشه

ويانا عليا الولي بدت وصلة البكااااا وفراس كذلك يبكي بعد تبكي واشر منهاااااااا بطريقه فضيعه

يابنات من عندها هكي؟؟؟؟؟؟؟؟؟؟؟؟؟؟؟؟؟؟؟؟

[جوهرة ليبيا]

اهلا فروسه

اني اندير في الدجاج في الكيسه باش يقعد طري علي الشباك ايجي يابس لكن الحوت لا يطلع مشوي يهبل

وتو انجرب فيها لحم الراس عندي امتاع عقيقه جمان نضيف ومقطع وغاسلاته تو انطلعه ان شاء الله

[جوهرة ليبيا]

ربي يحفظهم الحلوين ام فروسه

[ام وسونة]

وخيه ام فراس تسلمي ياغالية وصحيحة عشيكم

وخيه جوهرة طبعا تعليقي على صالة الاستقبال متاعك ان الوانها مش متناسقة اولا ومزركشه هلبا الحق المفروض لما الصالون

يكون مزركش السجادة تكون سادة والعكس فهمتيني وبالنسبة لفرشة الممر بعيدة كل البعد عن سجادة الصالة وورق الحائط حتى هو مزركش

يعني يبي شوية تعديل وحتشوفي الفرق وخاصة ان البار متاعك مخدوم بحجر فالمفروض الحائط يكون زواق عادي او ورق حائط سادة اني هكي مدايرة

في حوشي سامحيني والله بس حبيت نعلقلك وبإذن الله حنزل صور لحوشي في اقرب فرصة

وتسلمي ياغالية

[جوهرة ليبيا]

بالنسبه لبساط الممر غيرته في امجيبتي لبنوتي والبساط


وتعليقك اسعدني واتفضلي عااااادي جدا

اصلا عرفت الصوره اللي بتعلقي عليها فحدفتها

والصوره الاضاءه مش كلها امشغلتها لان الاضاءه امتاع وسط الحوش قويه فتغطي عالعيوب

وعلي فكره امقايله لراجلي نبي طاوله اكل رخاميه سااااااده اللي تنفتح وبساط دائري فقطططططط بدل الرسبشن

لكن اموصي عليها من شهر 2اللي فات وللاسف ماوصلتش حتي انسيناها توا اتذكرتها

[جوهرة ليبيا]

تو انزل صوره التغيرات اللي اني درتهم في الحوش وتناسق ذوقي هههههههه مغروره

لان تقدري اتقولي عزوزتي اللي امأتته الحوش بما انه ماعنداش خوات

[ام وسونة]

شكرا حبيبتي على صدرك الرحب واني حبيت نفيدك بلي نقدره وانتي كنت مذوقة وخديتي بكلامي

تعرفي عندي ليك اقتراح لو تلغي السجادات وديري موكيت وفوقه سجادة صغيرة احلى وبماانك غيرتي سجادة الممر

كويس معناها حوشك حلو توا زيك معناها نستنى في الصور الجدد