** ليبيا زين علي زين ليبيا ورد وياسمين ** تجمع الليبيات

[جوهرة ليبيا]

باركولي

علي حاجتين


الاولي



رنو نحت الحفاظ بروحها ماشاء الله لكن في الليل قاعده خايفه انوض فيها وانلبس فيها في شمال بعد ماترقد ومانخليهاش تشوفه


اصلا كرهاته سبحان الله


وتانيا درنا خراص لجمونتي رفعتها للعياده المركزيه طبقولها بالمسدس لين بكيت معاها حاره مسيكينه من العيطه لين رقدت

في رنوده العياده دارولها من اول يوم ماشفتهمش

ولت حبيبتي بنيه بنيه بالخريصات زادوها حلاوه ربي يحفظها هي ووخيتها

[جوهرة ليبيا]

ويارب ايكونوا كل البنات بخير

وتوه سلاااااااااااااااااااااام

وتصبحوا علي الف خير

[sosolibya]

صبااااااااااااااااااااح الحب

صباح الخير

صباح الود..

كيف حالكم ياحلوات..

ههههههههه مجنونة ياجيجي وانت علاش تقيسي في غلاك وتهربي.
سلامتك ياغالية...

شنو قاعدين راقدين...

هيا تعااااااااااااااااااوا..

انا بنوض نعول على روحي سلااااااااااااام..



ومبروك خريصات القمرة ياجيجي


وألف مبرووووووووووك تنحاية شمال ألأمورة..

ربي يحفظهم..

[جوهرة ليبيا]

اهلا سوسو كيف حالك وحال الحلوين وزوجك وعويلتك كلهم

الله يبارك فيك تعرفي مش مصدقه توا لمل اتقولي ماما نبي اندير ببي نبوسها وانعاود وانقيمها وعالحمام طول ههههه

من ناحيت مجنونه فاني مجنونه تعرفي راجلي مش متاع مقالب وبصاره توا انا ابديت لاهيه في الصغار وهو ايبصر عليا وايديرلي

في المقالب بعد متعلم مني ههههههههه

[sosolibya]

مسااااااااااااااء الخير..


جيجي وين قريبتك بالضبط

وتفضلي عندي ياحلوة

[جوهرة ليبيا]

المشاركة الأصلية كتبت بواسطة sosolibya

مسااااااااااااااء الخير..


جيجي وين قريبتك بالضبط

وتفضلي عندي ياحلوة

والله ياريت ياسوسو نتمني من كل قلبي انشوفك ونتعرف عليك عالطبيعه

قريبتي اول مره نمشيلها بكريه قالوا تسكن في جودايم سبوعها غدي بما ان مشوار والناس تروح بكري

يعني المغرب باذن الله انروحوا

[dr.loly]

السلام عليكم ورحمة الله وبركاااته

[dr.loly]

كيف حالكن اخواااتي الغاليات

[dr.loly]

اليوم اول مرة نطلع بروووحي في نيوكاااسل يانا عليا ساعتين ونانجهز ف العيال خخخخخ لين جيت متأخره

قعدت ربع ساعه في روضة الاطفال تعرفت ع البيبي سيتر يهبلن

وفتت اخر الحصة انا الحق مش هامتني القرايه ع قد روضة فروسا نزل برم ف المكان ولم شوي العاب ههه

رغم ان عنده اشكال والوان بس ف الحوش مايبي الا الكواشيك وخيوط وسماعات خخخخ

والولي كانت رااااااااقده بكره يستعدوا وان شاء الله قلبي يستحمل ونسيبها

هو نظام ساعه بعدها بريك نصف ساعه بعدها سااعه ونصف


عموما هدرزتت مع وحده مسلمه قالتلي عادي جدا اول مايجونا الاطفال ف منهم صعب ويبكي وما يتأقلم بس بعدها يتعووود


شفت بنت وحده معانا ف قروب عمر فراس اكبر بشهوور بس ماشاء الله تجاوب بالانجلش عليهن

قالولي كنت تبكي بكثره وترضع من امهااا بس


وتوا منسجمه معاهن..


لقيت وحده ماسكتها تغنيلهااا وهي ترد عليهااا


عموما تحمست ان فراس يختلط بأطفال واحسن حاجة مش زحمة 3 لقيت بس

اطفال مش عارفه ع حسب قالولي

وحسيتهن مهتمات ومثقفات بأمور الاطفال بكل

وتجهيزاتها حلوووة وشرحتلي نظامهم كيف


بس للاسف لازم مع كورس قرايه كان بروحها روضه ماتجش
ونا طبعا اختترت هذه لان اقرب من حوشناا وف نفس الوقت تعتبر اكثر وافضل اهتمااام من الكبيره لي بدون كورسات عادي

[dr.loly]

جيجي ماشاء الله ع رنوده قعدت عرووسه خلاص وتعلمت الحمام
حسيت ب شعوورك اكيد بيكون حلووووو وعقبال فروسي والباااقين

وانتمني نتستفيد من تجاربكن بخصوص هالموضوع

توا فروسي عمره سنة و 9 شهور انحس فيه صغير خصيصا ان ما زال ما يدويش كيف بيتفاهم معاايا؟؟

بس يفهم بعد نحكيله مثلآ هات هذه او لا او سيب او تعال

بس كلماته ماما .. بابا .. ميا .. هاتا .. مما يعني بياكل

اليوم قالتلي عادي مازال .. وزورار الاطفال نفس الشئ بس عارفين الام ديما توسوس ع عيالها