تجمع الجزائريات الغاليات المتأخرات في الحمل ‏

[rayhana05]

المشاركة الأصلية كتبت بواسطة اترج

مساء الخيرات على الزينات
واش راكم ان شاء الله بخير
واش هدا غبت شوي لقيت التجمع تبدل
و علاه عليهم، اصلا كان القديم يفكرني بأمورة ان شاء الله تكون بخير
الف مبروك لمريم و خولة و لعقوبة لريحانة تسلك على خير
و لعقوبة للي ما زالو يفرحهم ربي ان شاء الله

ان شاء الله يا رب ادعولي و الله راني ميتة بالخلعة
و لعقوبة ليك اتروجة ان شاء الله نفرحو بيك و بكامل لبنات

المشاركة الأصلية كتبت بواسطة عبير الحرية

السلام عليكم

اهلااااااااااااا لبنات

واش راكم كامل

نور الهدى جمانة ريحانة سهام لمياء صبورة خولة بسومة نور اليقين الما امة الرحمان ام صهيب

امومة باربي اسماء واش راكم

اترج عاش من شافك واش احوالك

ام بلقاسم و اميرة و حورية و بسمة روجينا طولو الغيبة

الحمد لله عبورة و انتي وشراكي لاباس
وبنتك كشما ريحت شويا؟؟؟؟؟؟؟؟؟

المشاركة الأصلية كتبت بواسطة اترج

يعيشك حبيبتي عبير
انا راني بخير و الحمد لله
كان عندي روطار نتاع 12 يوم و تحليل البول و الدم سلبي رخت طبيبة عطاتني دوفاستن
ربييفرحني و كامل بنات ان شاء الله
و انتي حنونة واش احوالك و واش راهي بنوتة نتاعك ربي يحفظها ان شاء الله

اترج ان شاء الله خير يا رب و اتكوني بالحمل
قوليلي عند من راكي تبعي ؟؟
يعني شكون هيا الجينيكولوغ نتاعك؟؟؟؟؟

المشاركة الأصلية كتبت بواسطة خديجة درصاف

السلام عليكم أنا أيضا مشتركة جديدة و حابة أتعرف إسم خديجة عمري 25 سنة متزوجة عندي عامأجهضت منذ شهر تقريبا الحمد لله على كل حال ربي يرزق كل محرومة الذرية الصالحة يا رب

مرحبا بيك اختي خديجة بين خياتك
ربي اعوضك بالحمل السليم ان شاء الله
و ان شاء الله اكون التجمع نتاعنا فال خير عليك و انتي تكوني فال خير علينا
مرحبا بيك

[rayhana05]

لبنات البارح هدرت مع مريومة و حكاتلي القصة نتاع الزيادة نتاعها مسكينة
قتلوها تقول دخلوها للحرب ماشي باش تولد
ا خااااااااااااااااااااااااااه
كي ترتاح ان شاء الله و تدخل راهي تحيلكم
بصح كون تشوفو هذاك الينيس تقتلوه الله اباركقريب خرجتلو على ليكرون اهبل اهبل اهبل
تبارك الله ربي اخليهولها و اطولها في عمرو و تشوفو عريس
بعثتلي لا فوطو نتاعو مع جداتو منقدرش نديرها هنا
حتى الما شافاتو ما شاء الله لعقوبة لبنا كامل
صغير صغير صغير تقولش فار
قالتلنا بلي وزن 2كغ و 800
سوفرات مسكينة بصح ربي ارزقها ملاك ما شاء الله
ربي اقومها بالسلامة و راهي توصي على نور باش نبعثهولها
نور حلي السكايب باش نبعثلك الفوطو
بصح راني درت عليك رايحة نخطبو لبنتي ؟؟؟؟؟؟؟؟؟؟؟؟؟؟؟

[مريم بسملة]

السلام عليكم وشراكم يازينات

[عبير الحرية]

السلام عليم

واش راكم لبنات

انا راني ما علابليش واش بيا

امس و البارح في الليل بردت قلبي بالبكاء

مورالي في الصفر

و حاكمتني قلقة

زعما نصلي و نستغفر و ما حبتش تروح

[سهام فرنسا]

السلام عليكم عبورة وش بيك غير الخير هذا غير الشيطان رهو يوسولك
مريم بسملة أهلا بيك لاباس

[ASMA layal]

السلام عليكم

وشراكم ريحانة مريم بسملة عبير وسهام ان شاء الله لاباس

عبورة حنونة ارقي ماكانش خير من الرقية حصني روحك وبنتك وزوجك وربي يبعد عليكم اعين الحساد

[سهام فرنسا]

أهلا أسما لاباس يسقسي عليك الخير حنونة

[عبير الحرية]

ايه راني على بالي من الشيطان

و العباد ثاني يديرو اكثر من الشيطان

تعلاف اسماء قبل العرس خرج في وجهي بقع بنية فوق الخدود انا و راجلي كيما رقينا تنحات

و ضرك عندها شهر رجعو في راجلي راهم ما همش مخليني برك ربي يتولاهم ياارب

[اترج]

مساء الخير عليكم
ريحانة انا تبعت عند بزاف اطباء: لبعل، بن شادي، بن ناجي ... و درك راني مع بن عكشة فوت عندها 2 مرات و مانيش مرتاحة بزاف
و انتي عندمن كنتي متابعة

[اترج]

البنات شكون جربت عشبة المتنان
كانت ماما في حمام قالمة و التقت بواحدة قاتلها عليها
قاتلها يشربوها من ثالث يوم للعادة مدة 3 ايام عند الفجر و كل دورة يعاودوها حتى يتم الحمل ان شاء الله