مواليد<<شهر ربيع الثاني♂ ♀ فبراير (1435,2014)

[جريحة المحبه]

اهلين كروشاتنا الغاليات

كيف احوالكن ان شاءالله تمامزز

يغار تروحين وترجعين بالسلامه يارب

احساس وامنيه مبروك دخولكن التاسع الله يهون علينا جميعا

امنيه ماتشوفين شر يالغلا عليك بالرقيه والدعا والاستغفار وشرب زمزم وان شالله ماتشوفين شر وتبشرينا

انا لي يومين مشغوله نقلنا غرفه النوم للمجلس لاان جيراننا مطبخهم مقابل غرفه نومي
ودوك يالروايح ثوم وكشنه وكل شي صارت غرفه نومي تقل مطبخ تهي تهي

واقنعت زوجي اننا ننقل الغرفه مت من الروايح

المهم حمدلله هانت ياربي مدري متا امشي كل يوم اليوم
حتا موعدي مارحت لمه الله ييسر بس

[ام احلى بنوتين]

اهلين كروشات
اخباركم
انا الحمدلله بخير بس انشغلت اشوي لان عرس اختي قرب وقاعده اجهز لاني بسافر إن شاءالله. .

[ريم العيون]

أنا ان شاء الله معكم موعد ولادتي 24 مارس ولكن احتمال أولد قبل ف شهر 4
لأني عملية ومعي نزيف والمشيمة نازلة مرررره
والآن متنومة ف المستشفى
الدكتورة تقول نبي نجلسك عندنا لين تولدين
دعواتكم لي يوقف الدم
وارجع لبيتي وعيالي
وادخل التاسع انا والبيبي بالسلامة يارب

[احساس طفوله]

جريحه ربي يبارك فبك عقبالك وانتبهي لاتتعبين نفسك بشيل الاغراض انتي للحين بالثامن لازم تنتبهين لنفسك

ام احلى بنوتين ع البركه زواج اختك الله يعينك ماراح تلفين فستان بسهوله الحوامل يالله تلقين شي حلو انا عندي زواج ولد خالي بالاجازه بس ماني ناويه اروح عجزت وانا ادور فستان يطلع شكلي حلو احس متعقده مره من جسمي

ريم العيون ياقلبي انتي ربي يسهل عليكي ويتمم لك وتطلعين لاولادك وبيتك بالسلامه يالله هانت مابقى شي اصبري وربي يأجرنا ع صبرنا

[امنيه 28]

جريحه
انتبهي لنفسك وروحي لموعدك خلاص انا توبه مااهمل مواعيدي الله ييسر لك ولي ولكل الحوامل
ام احلى
الله يوفق اختك والف مبروك الزواج ويعينك يارب
ريم العيون
الله يحفظ لك جنينك ويفرح نظرتك ويهون عليك
احساس
الظاهر انا نفسيا لما دخلت التاسع جاني طلق خخخخخ
البارح جاني طلق الى الساعه ٤ واقوم اضف اغراض يارا وعلاجاتها واجهز شنطة المستشفى وادق ع اختي عشان اودي يارا عندهم
ع بالي ولاده بس خف وتفشلت من زوجي
عاد يوم قمت اصلي الفجر قال انا قلت لك مو ولاده لاتصيرين زي سالفة الذيب اكل اغنامي هههههههههههههههه وبكره لاقلتي ولاده وصارت صدق مااوديك

[ندووش]

صباح الخير للجميع

جريحه فعلا ما الوامك عاد الا الروائح . يالله هانت ما بقي الا 12 يوم و ندخل التاسع و يبدا الجد و الاجتهاد

ربم العيون الله بقومك بالسلامه

لم احلي من جد حوسه عاد هذا زواج اختك مهم جدا . عاد لا اوصيك لا ترقصين و تخربين زواج اختك خخخخخخخخخخخخخخخخخخ


امنيه ههههههههههه انتبه لا يصير لك مثل الراعي و الذيب هههههههههه و تروحين فيها

او مبروك دخولك التاسع انتى و احساس

[ندووش]

بنات تدرون شايله هم ام اخلص الاربعين بعد بفتره بسيطه زواج اخو زوجي

مره شايله هم . ودي اطلع طلعه خطيره جدا جدا و اغير اللوك


بنات باخذ رايكم ودي اصبغ بس مترددة انا من يومي شعري اسود لو مثلا بصبغ ايش اختار لون

و لون بشرتي بيضا . انا متعودة عالاسود حتى بزواجي ما صبغت

[امنيه 28]

ندوش
شفتي الموقف هههههههههه
اما الصبغه انا جربت كل شي والحين لي سنتين لون شعري الطبيعي
ومحتاره مثلك ودي اغير عن الالوان اللي صبغتها زمان

وشوفي انتي دامك ماجربتي الصبغات ابد وماتحطين حنا بشعرك انا يعجبني الاشقر الزيتي ونفسي القى احط يضبطه لي
مررررره لونه خطير
وانتم مشاغلكم بجده ماشاء الله حلوه

[جريحة المحبه]

مساأإ ءكم خير ومحبه

ندوووش انتي مثلي انا يوم تزوجت ماصبغت يوم جبت بنتي صبغت خصل وارضيه وقصيت ايضا تغيرت ماشاءالله

انتي لاطلعتي من النفاس اصبغي وقصي وانقشي

احس الصبغه هي اللي تغير الوحده

الله يقومنا بالسلامه ويفرح نظرتنا ياكريم

[امنيه 28]

بنات
معي طلق من البارح مو متواصل بس متعبني وبطني متحجر ورجلي اليمين فيه شي ضاغط عليها
مدري اروح اكشف بالاسعاف والا لا !!!

المستشفى بعيد واخاف تصير صدق ولاده

ناسيه الطلق مررررره استغفر الله
وع اعصابي

كيف اكتشف هو طلق كاذب والا صدق :(