الغاليات بنات فلسطين @هنا التجمع الجديد@

[لولو الفلسطينية]

يسعد مساكم
منورين صبايا
ام عبد الله
ابعتيلي رابط حسابك الفيس بوك .. عشان اضيييييفك
ممم انا مش كتير بحط بنوتي بالدراجة بس بتتحرك فيها لما بحطها خخخ بس اغلب حركتها رجوع لورى ههه

[لولو الفلسطينية]

ام عبد الله
بنتي ماخدة مني و من ابوها بس لأبوها اكتر
ههه الله يخليلك اسيد و يحميه

[نور العمر]

مساااا الخيررر كيفكم ... ومنورااات التجمع ان شاء الله عطول هاللمه انا اليوم من ساعه2 وانا برات البيت كنت عند الدكتور وع ال 6 دخلت البيت ...وكان عنده زحمه كانت مراجعة بنتي وطلع معها نفخه بسبب التهاب اللوز نزل على معدتها والله جننتي طول الليل والنهار على صوت واحد اعطاها الدكتور ابره وهلء ارتاحت ونامت وانا عملت الها مساج حوالي السره... صابرينا بنتك بجنن صلاة النبي عنها حجزتها ل ابني هههه فيها شبه من بنتي بس بنتي شعرها اخف مش راضي يطول خخخخ ومبروك السنان حلا وام اسيد اولادكم بجننو صلاة النبي عنهم عرسان ما بدكم تختاارو العروس من التجمع

　

[حلا الماس]

هلالالالالا بالنور كله
سلامتها بنتك يا نور ... والل هالجو كلو مرض للزغار والكبار

تسلمي وربي يخليلك ولادك .. كيف بدي اختار عروس وما شفنا ولا صورة للعرايس لازم نشوفهم بالاول ههههههههه

[حواء مثالية]

هههههههههههه والله هلا لولاد اهتماماتهم غيرررررررررررر بالكم شو بفكرو فينا

[حلا الماس]

هههههههه حواء الولاد بيفكروا بقصص وشغلات يطلعوا عيونا فيها

[حلا الماس]

صبااااااااااااح الخير ..

وينكم بنات ؟؟ كنتوا نشيطات وعين الله عليكوا
فجأة اختفيتوا ؟؟!!! ... يلا تعالوا اشربوا معي قهوة

كبرياء
ما طلت مبارح من مرة .. مع انو مش عوايدها
كبرياااااااااااااااااااااااا .. كبريااااااااااااااااااااااااااا وينك ؟؟

نور
طمنيني كيف ضلت بنتك اليوم ؟؟ ان شاء الله اتحسنت

انا كمان شوي بدي اروح على روضة حلا عشان تستلم شهادتها وجائزتها وبعدها على مركز الصحة عشان اطعم خليل ويوسف وبعدها على حماتي .. ويا دوب افضى لبعد العصر عشان اعاود ارجع ادخل هون .. ياااااااااا يوم حافل

يا رب يا رب ارجع الاقي حد داخل وهيك بارمين شي 3 ولا 4 صفحات .. ♥

حبكم انا

[كبريآء أنثى ـآ]

صبآآآآآآآآآآآآآآآآح النووووور حلا
ممممم والله كنت مشغولة وزوجي كان قآعد ولما يكون قآعد بكون عآبط اللاب توب من وقت اللي يصحى لحد مآ ينآم ههههههههههههه
أنا الحمد لله منيحة وبنتي كمان منيحة
ههههه منمونتي ما شاء الله عليها بتحب تقعد بالدراجة بتصير تقاتل عليها لما تشوفها وبتجري جرآي فيها
بتصير تلحقني ههههههههه وبتيجي عندي ع المطبخ بتجنني بتصير تلعب بكل حاجة بس لحتى الآن مآ كسسرت شي هع هع ☺

صحيح صبآيآ ..
أنا شايفة اللي بعمر بنتي طلعلهم سنون أما بنتي لآ والله قلقانة كتييييييييييير عادي يعني ولا كيف ؟
بس هية بتعضعض كتيييير وبتكز على لثتها كتيييير بس مش شايفةأي بوادر للأسنان والله خفت أنا
طمنوني صبايا بليييييز
أنا هلأ بطعميها كل شي ... شو ما بنتغدا بطعميها منه لأنه الممرضة حكتلي بلشي طعميها كل شي هاد لما كان عمرها 6 شهور
بس من جديد بلشت أطعميها كل شي
برجع ان شاء الله بس أخلص شغل يعني هيك ع 12 او بعد بشوي ان شاء الله

[لولو الفلسطينية]

هااااي
شو الاخبار؟
نور
سلامتهم ولادك ..كيف صارو هلا
كبرياء
ماااااا تقلقي عادي جدا .. اصلا ما في عمر معين للأسنان يعني كل طفل و الو طبيعة نمو .. في اطافيل ما بطلعو ولا سنون قبل تسع شهور و في بتاخرو اكتر كمان يعني طبيعي الوضع ...اصبري و العض جايك جايك هههه الله يخليلك اياها
باقي الحلوات يسعد مساكم

[~{{ DoDo }}~]

يسعد اوقاتكم جميعا يا حلوين

حواء وام اسيد ولولو وحلا وكبريا ونور العمر وكلكم كلكم

شو عاملين
انا اليوم عاملة كوسا محشي وفليفلة تفضلوا

كبرياء
ما تقلقي يا حلوة ابداااا
كتير بعرف اطفال اصحابنا وقرايبنا ما طلعوا اسنان
الا بعد السنة
وفيه عال ٩ شهور
هاد بيختلف من بيبي للتاني وبيعتمد عالوراثة او على عوامل تانية
بنتك طبيعية ول تقلقي ولا على بالك ،، الله يخليلك اياها المنوشة الحلوة يارب وتضل تغلبك

لولو
يختي صابرينا اسم الله اسم الله سكر بتجننننننن
الله يخليلك اياها ويفرحك فيها يارب

وام اسيد وحلا ولادكم اسم الله بيجننوا الله يخليلكم اياهم يارب حبيباتي