زوجة اخوي مسوية مصيبة ساعدوني الله يفرج همومكم؟؟؟

[غيم الجنوب]

السلام عليكم يسعد صباحكم ان شاء الله بخير♡مابطول عليكم بس انا في هم مايعلمه الا الله والله يفرج هم اللي يساعدني صراحة مالقيت الا انتوا تساعدوني السالفة انا عندي اخ يعاني من عدم التركيز وطيب بزيادة وشخصيته ضعيفة ومهزوزة وينضحك عليه بسهولة المهم زوجوه اهلي بوحدة نعرفها وهي كبيرة يمكن عمرها34 واخوي عمره 32 بس على نياته لو نطلبه ملابسه عطانا السالفة ان بنت اختي اكتشفت ان زوجته تحب واحد وعلى علاقه معه وبينهم مكالمات ورسايل حسبي الله عليهم وعندها ادله ورقم الشخص موجود عندها وهي علمتني بالسالفة علشان نشوف حل وانا من عرفت والموضوع شاغل بالي ومو عارفة كيف اتصرف مع العلم ان اهلي طيبين معها وكلنا ومدلعة فوق ماتتخيلوا معها سواق بما ان ضروف اخوي ماتسمح له يسوق وعندها شغالة وكل شي يوصلها وموناقصها شي وابوي وامي كبار بالسن ماقدر اقولهم واخواتي مو قريبة منهم بس عندي اخ كبير محتارة اعلمه اولا؟تكفوون ساعدوني مابي اتهور واسوي شي غلط شوروا علي اش الحل؟

[منتهى الشوق]

ﻻتتهوري وتعلمي احد من ستر مسلم في الدنيا ستره الله في اﻵخرة

انتي ممكن ترسلي لها مسج من رقم مجهول وتهددينها انها لوماابتعدت

عن هالشاب وعدلت نفسها راح تكشفيها عند زوجها واهلة وخليكي قاسية

معها بالكﻻم وهدديها كمان تبلغي عنها الهيئة طبعا ﻻتخليها تعرف شخصيتك

وفي المقابل لما تشوفيها امدحي اخﻻقها والتزامها وقولي لها ترى اخوي

محظوظ انه لقى بنت حمولة تصونه وتراعيه ..خليها تخجل من تصرفاتها
بدون ﻻتحس وراقبيها وشوفي لوين توصل وربنا يهديها

[fony]

وعليكم السلام ورجمة الله وبركاته

حبيبتي في البدآية لآزم تتأكدي إنتي بنفسكك من الموضوع ، عشآن لآ تظلمونهآ ..

بالنسبة لتصرفكك يعتمد على شخصية زوجة أخوك ، إنتي ادرى بطباعها وكيفية التعامل معها ،

يعني ممكن إنك تروحين لـ عندها وتفتحين معها الموضوع وتتناقشون فيه وتنهونه بحل يرضي الجميع ،

وممكن تدخلين أحد كبير عمك أو أي أحد حكيم وعآقل لو المسألة كبيرة وم تقدرين إنتي تتصرفين ..

يكلمهآ وينصحهآ ويتفآهم معهآ ، وبعدهآ اكيد بتقدرون تقررون كيف تتصرفون معها


الله يكون بعونكم .. والله يصلح حالكم ي رب

[ahlam-f]

حبيبتي بالبدايه تااكدي من السالفه وثانيا اذا ماودك تصير مشاكل امسكيها لحالها وقوليلها انك عرفتي بالموضوع وانصحيها وقولي انك حاسبتها مثل اختك وماعلمتي احد وماتبين المشاكل بينكم ونبهيها عن هذي الامور لو يعرف احد بسالفه من اهلها او اهلك ممكن يذبحوها << مجرد تخويف لا اكثر .. وزي ما قلت تاكدي اول زين قبل تتخذي اي حاجه ..

[ام نرجوسه]

اختي قبل ما أعطيك رأيي حبيت أسأل أخوك عنده اولاد او لا؟؟

[غيم الجنوب]

الله يجزاكم خير يارب ويفرج همومكم بس مااقدر اسكت لان اخوي طاير فيها لدرجة انها تحرضه يعاند امي وهو من حبها وضعفه يسوي اللي تبي واكثر من مرة تسوي مشاكل مع امي لدرجة امي جاها قولون بس ابوي يسكتني علشانها ويقول انكم تبون تخربون بيت اخوكم ومن ذا الكلام لانه طمعان يجون له عيال بعد عمر طويل يوقفون معه والمشكله هي ماتقدر اخوي لاني فتحت جواله بالصدفه ولقيتها مرسلة له رسالة كلام ماينقال بين الرجل وزوجته تسب يعني وهو غلى نياته《ومادري اخاف اكلم اهلي وابوي يقلب السالفة علي واخاف اواجهها وتستصغرني لاني اصغر منها !!!الله لايسامحها كانها معيشتني في هم

ام نرجوسه لا ماعنده عيال وقبل فترة الشغالة حصلت بغرفتها حبوب منع الحمل!!!توافقوني اقول لخوي الكبير ولا ا1يش اسوي

[العليا]

مرحبا اختي ... الله يعينكم و يعين اخوج ...

ممم اختي حتى لو انج اصغر منها روحي وواجهيها و عطيها كاش بالادله اللي عندج لكن احرصي انج تكونين فاتحه عيونج عدل عليها و على نفسج لن هالنوعيه يمكن تفتش وراج عن الادله او تتصيد اي شي و هالنوعيه جبانه جدا انتي خلج اقوى منها و قولي لها اذا ما تركتي عنج هالحركات و التزمتي بيتج و زوجج بتروح هالادله و السالفه كلها عند اخوي الكبير و هو بيتصرف

لا تسكتين لها ابدن هالسالفه تعني عرض اخوج و الناس ما ترحم و انتي حاولي تنغزينها يدام اخوج اللي هو زوجها و شوفي ردت فعلها ...

حريم اخر زمن ما اقول غير الله يهديها ... اوصخ الناس هالنوعيه اعوذ بالله منهم

[ام نرجوسه]

السلام عليكم
شوفي اختي طالما انه ما عنده عيال أسمعي رأي
اول شيء لازم تتأكدوا من خيانتها لي اخوكم يعني لازم تتأكدوا 100% ﻹن لو ظلمتوها رح تندموا أشد ندم فخلوا بالكم وما تنسوا الظلم ظلمات يوم القيامة
وثانيآ وقبل ما أقولك رأي ابي اقولك إن هذا الموضوع شغل تفكيري لفترة من الزمن. ﻹن عندي أخوي. كمان ضعيف شخصية وطيب كتير وبينضحك عليه بسهولة ويوم الي امي فكرت تخطب له اقترحت علينا انها تروح تخطب له وحدة من أحد البلدان العربية الفقيرة وكمان تاخذها من بنات البادية. على شان ما تضحك عليه أمي كانت مفكرة أنه لو جابتها بها المواصفات وعوضتها بالفلوس والدلع رح تخاف ربي فيه وتعامله كويس وما تظحك عليه. بس انا منعت امي من انها تخطي هالخطوة ﻹن الواقع حايكون عكس هالتوقع تمامآ يعني فهمتها إن المراءة أهم شيء عندها هوه أن تحظى براجل سوي. و لو المراءة ما أخذت الراجل على قناعة. مارح تعوضها فلوس الدنيا ولو كان عنده مال قارون
وهذا ما حدث معاكم
يا أختي طالما أنها ما أخذاته وهي حابة أنها تربح أجر فيه. وأن سبب أرتباطها بيه أنكم رح تتكفلوا بكل نواقصها وانكم رح تدللوها وتعوضوها بالمال والدلع فا صدقيني هذه ما رح تهني أخوكم ورح تستمر تضحك عليه حتى ولو خليتوها قاعدة عنده وشددتوا عليها المراقبة. ورح تزيد اتعبكم اكثر واكثر. فا واجهوها بي العملة الي عاملتها وخلي يكون بين يديكو أدلة حتى ما تنكر واعطوها مستحقاتها وخلوها تروح في حال سبيلها
ﻹنهالزواج ما فيه تكافؤ من اﻷول وبها الحالة رح تاخذوا ذنب ضحكها على اخوكم المسكين لو ما وقفتوها عند حدها وكمان رح تاخدوا ذنبها هي ﻹنها من حقها اﻷرتباط برجل سوي (اكيد انتي حاليآ وانتي بتقري كلامي رح تقولي بس نحنا ما جبرناها أنها ترتبط بي اخونا)
بس انا بقولك اكيد أنتم حالتكم المادية ووضعكم اﻷجتماعي ممتاز وهي أكيد وضعها المادي مو مليح وبها الشكل أكيد رح توافق ﻹنها شافت أن طاقة القدر أنفتحت لها وانها رح تعيش بوضع أحسن فا لها السبب وافقت واكيد أتفاقكم معها كان هيك من اﻷول. يعني اكيد أتفقتوا معاها أنها تكون زوجة لي أبنكم وتهتم فيه مقابل أنكم تقضوا لها جميع نواقصها وما تخلوها محتاجة لشيء وطالما أنها ما التزمت بها اﻷتفاق فا أنا من رأي أنكم تخلوها تروح لحالها وتدوروا لي أخوكم على وحدة تناسبه وتكون على نياتها مثله وانتم. كذا او كذا رح تتحملوا مسوؤلية حياته وحياة زوجته فخلوكم على وحدة تكون مناسبة ليه على شان تكسبوا أجر وعلى شان ما تكون محط شك وتكون راضية فيه هوه في شخصه مو طمع في مال او غيره
أختي ما أدري ممكن توافيني الرأي في الي قلته وممكن لا بس صدقيني إني بتكلم معاك وكأن المشكلة تخصني. ولو كنت مكانك رح أعمل الي قلت لك عليه وما رح اجاملك واقولك لا خلوها وراقبوها وما أدري أيش
ﻹن انا كمان عندي أخ على باب الله مسكين وضعيف وطيب واخاف أنه يصير يوم فيه ما صار في اخوك
ولكن ما تنسي لو عملتي بي رأي وخليتوها تروح لحالها خلو سرها معكم وما تفضحوها أستروا عليها وخلوا ربي يحاسبها على فعلتها
وانسوها وخلوا تركيزكم بس على كيف أنكم تنقضوا أخوكم من هالمراءة. قبل لا قدر الله تعمل عملة أكبر

[ام مريم ورحمة]

اول شي لازم تخبري امك هذا هو مفتاح حل الموضوع وبعدين امك تتأكد من كلام بنت اختك وتمسك على البنت ادلة وتواجهها انتي ما تتدخلي ابدا لان ممكن لو هي مش كويسة واخلاقها سيئة تسلط عليكي واحد مثل اللي تكلمه وتسويلك فضيحة انتي بلغي الوالدة ومالك دخل حتى لو كبيرة بالسن الله يقويها وهي تكلمها خليكي وياها ماتكون الوالدة وياها بروحها اولاد الحرام ما خلوا لاولاد الحلال حاجة

[هبة الرحمن]

الله يكون بعونك لانك فموقف لايحسد عليه ..لان ليس بالامرالهين انك تفضحي امراة محصنة مافي دليل قاطع على انها تخون زوجها وايضا ماتقدري تسكتي على شرف وعرض اخوك..نصيحتي لازم تتاكدي من الامر جيدا فيمكن ليست هي من مراسلة هداك الشخص يمكن اختها او اي احد ستعمل موبايلها وتكونو ظلمتوها بظنكم .. وان تاكدتو انها فعلا مذنبة فوقتها لازم تخبري اي شخص من العائلة يكون رزين ويعرف يتصرف وعملو لها خطة توقعها ويكون وقتها عندكم دليل قوي وقاطع على خيانتها ..