الحمدلله ابشركم ولدت وهذي قصتي وابرة الظهر

[meehoo]

بسم الله الرحمن الرحيم
الحمدلله من قبل ومن بعد
ابشركم ولدت قبل اسبوعين وجبت ولد فـِـيْ مستشفى دله ودكتورتي ايه محمد سودانيه عسل الله يسعدها ويوفقها وين ماتكون يارب ...
طبعا انا خلصت التاسع واخذت اسبوع من العاشر ورحت موعدي بالمغرب عند دكتورتي كشفت علي شافت الرحم مفتوح 1 سنتي طبعا له اسبوعين 1 سنتي مافتح اكثر وسوت لي تحريض الحمدلله ماوجعتني يدها خفيفه ماشاءالله قالت بكره تعالي الصبح الساعه 7 تنويم وطلق صناعي
وقالت روحي الحين امشي وبعدها تعشي زين ونامي ارتاحي وراك ولاده لازم يكون فيك طاقه
قلت طيب ووجهي مقلوب وبكريه وخايفه وسبق نزلت من الخوف 😭
المهم رحت ٱ‏​نـِـِا وزوجي نمشي ونفرفر بالفيصليه 😂 مشيت لين تكسرت رجولي شوي الا احس بكهربا نفضتني وخفت وكملت مشي ورحت البيت وتعشينا وبعدها صار يمسكني الالم كل 5 او 7 دقايق كذا وزوجي يحسب وانا خايفه
بدا معي الساعه 11 الليل تقريبا
تحملت ليين الساعه 1 الليل وبعدها خلاص ماعاد اتحمل الالم قال زوجي مشيناااا خلاص قلت لٱ خلاص بجلس لين الساعه 7 موعدي الصبح مره وحده حق الطلق الصناعي وتشوفني
وسكت شوي الا ماعاد اقدر يرجع الالم قوي قمت اصيح ومشينا ع المستشفى واخذت ماما معي ع الطوارئ كشفت علي الدكتوره المناوبه شافت مفتوح 2 ونص قالت خلاص تنويم فوق وطلعوني فوق وانا اصيح ابي ابرة الظهر اعطوني ابره الظهر ههههع
هذا الكلام الساعه 4 الفجر وحاطين التخطيط والطلق منتظم وجت الدكتوره عندي وقلت لها تكفين ابي ابرة الظهر ماسكه معي الا ابيها من الخوف قالت لين الرحم يفتح 3 سنتي ونعطيك بس ننتظر عليگ مانعطيك طلق صناعي دام جاك طلق طبيعي وسوت لي تحريض وقالت امشي ومشيت فـِـيْ الاسياب لين خلاص طقت معي من الالم رجعت الغرفه وجت كشفت شافت فتح 3 سنتي الحمدلله قالت خلاص نوديك غرفة الولاده ونعطيك ابرة الظهر
بغيت اروح ركض ع الغرفه خخخخخخخخخ من الحماس
ودوني غرفة الولاده الساعه 8 الصباح ولطعني دكتور التخدير لين الساعه 10 الصبح انتظره
قلت شكلهم مابيعطوني الابره وابكي قالت السستر يامدام الحين يجي شوي والحمدلله جاء الدكتور استشاري تخدير ممتاز اسمه مكارم وعطاني الابره بعدها الحمدلله يارب لك الحمد ماعاد احس بشي وكشفو علي شافوه باقي 3 سنتي قالو خلاص لازم نعطيك طلق صناعي ابرة مع المغذي
قلت بكيفكم مادري وش السالفه وحطيت راسي من الساعه 11 الصبح الييين الساعه 5 العصر اثاري كل شوي يجون يكشفون وانا مادري عن شي كان مفتوح 9 سنتي وقامو يصحوني من النوم يقولون خلاص ولاده قومي وانا مالي نيه نايمه مو عشان مخدره لٱ تعب من امس مانمت ومكسره ابي انام وازعجوني خخخخخ
شافو نبض الجنين بدا يقل وجلسو يحاولون فيني ماقدرت افتح من التعب قامو خففو ابرة الظهر وبعدها صحصحت حسيت بالطلق عرفت ان الله حق
الحمدلله اني ماحسيت الا باخر شي لو ماخذتها مدري وش اسوي
والله رحمه من ربي
الساعه 6 فتح 10 سنتي وبديت ادفع وبنفس الوقت عشان تأثير البنج بدا يروح قمت استفرغ الله يكرمكم تعبت من الاستفراغ لين جو ثنتين جلسو يدفون البيبي مع كل طلقه يدفونه الم فضيع يارب لاتحرمنا الاجر
ليين طلع احلى عزوزي بالدنيا الحمدلله يارب
يوم متعب بس احلى ذكرى واحلى يوم شفت ولدي
الحين مافي نوم خخخخخخ امي تقول بعد تقولين ليته فـِـيْ بطني صدق
نامو ياحوامل
هذي قصتي وسلامتكم

[جنو القمر]

الحمدالله على سلامتك ومبروك الف مبروك يتربي بعزكم يارب

[فطوووم]

ههههههههههه الحمد للله ع سلامتك وسلامت النونو ومبرووووووووك ماجاكم الله

[شذى العنبر]

الحمدلله على سلامتك ومبروك عالمولود يتربى بعزكم
حمستيني اخذ ابرة الظهر طلبتها من الدكتورة مافيني اتحمل الطلق
الله يسهل علي وعلى كل الحوامل

[أم بندر الحلو]

ألف مبرووووك
والحمد على سلامتك وسلامة البيبي
الله يخليه ويحفظه لك

[meehoo]

آللـْـْـّہ يبارك فيكم
امين يارب
اي والله ابرة الظهر نعمه الحمدلله

[دلـــوعــه عـــــبوديـ]

ياعمري الحمدللع ع سلامتكم والف مبرروك والله يحفظه لك عزوزي ويكبره وتشوفيه رجال

[الجنه املي]

الحمدلله ع سلامتگ والله لايحرمك الاجر ان شاءالله...ويتربى بعزكم وربي يحفظه لكم وتشوفيه عريس ان شا الله ....وربي يرزق كل من تنتظر الحمل ياااارب

[فاقدة بنتها]

الف الف مبرووووووووووووووووك ياقلبي ويتربي بعزك يآآآآرب
والحمدلله على سلامتك ..

[سنفورة]

مبروك حبيبتي و الحمد لله على سلامتك