حمل خارج الرحم الي جربت او لا تتفضل معنا

[fafini]

المشاركة الأصلية كتبت بواسطة نهر الريان

والله ذكرتوني بمعاناتي انا من 6اشهر صار معي حمل خارج الرحم بعد سنتين من انتظار الحمل
انا عندي ولد عمرو 4سنين حملت فيه طبيعي من اول شهر زواج والحمدلله وحملت لما كان عمرو سنة لكن اجهضت وبدأت معناتي مع الحمل ضليت فترة سنة وشوي عم احاول احمل بدون فائدة من ست اشهر تأخرت علي الدورة حللت بالبيت طلع خطين فرحتي ﻻ توصف رحت عالدكتورة عملت تحليل دم قالت انو الحمل في بدايتو وماشافت شي عالسونار حكتلي ارجع بعد عشر ايام رحت وهون كانت المفاجأه اكتشفت انو الحمل خارج الرحم مع انو ماكان عندي اي اعراض غير مغص خفيف مستمر في بطني ووجع ظهر اعتقدت انها من اعراض اي حمل وحكتلي فورا عالعمليات وعملت عمليه لانو الجنين كان فيه نبض مابينزل بالابر وشالو الانبوب الايمن والله شعور صعب قبل ماادخل عالعمليه شفت الجنين بالسونار والبو عم ينبض وعم استناه صرلي سنتين وبالاخير مجبورة انزلو ومن بعد العمليه الى الان نفسيتي جدا تعبانه الدكتورة طلبت مني اعمل مانع ست اشهر بس انا من تاني شهر عم حاول احمل مافي فايده والشهر الماضي عملت تلقيح صناعي مع ابر منشطة ومااستفدت الحمدلله على كل حال والله يرزقني بالحمل السليم المعافي انا وكل وحده مشتهيه الذرية يارب

ربي يعوضك بالحمل السليم المعافى باقرب بوقت واختي ركزي على منقوع الميراميه باذن الله بتفيدك وبس سؤال الخطين عندك لما طلعوا كم كان صرلها متاخره الدوره

[نهر الريان]

انا حاليا عم بشرب ميرامية وبردقوش بالنسبة لتحليل الحمل المنزلي طلع خطين من تاني يوم فاتتني فيه الدورة
اختي انا مقيمة بتركيا زوجي بيشتغل هون بس مشكلتي اللغه وخصوصا بالامور الطبية يعني بصعوبة لاتفاهم مع الدكتورة
ودورت كتير على دكتورة عربية ومالقيت

[نهر الريان]

راوية حبيبتي قرأت قصتك الله يصبرك ويرزقك بالولد الصالح معانتك نفس معانتي تقريبا كمان ضليت لوحدي بالمشفى وانا بغربة وماعندي حدى وعانيت من اهمال الممرضات والحمد لله على كل حال

[نهر الريان]

بدي اسأل عن البويضة هلأ انا بانبوب واحد ومرة قرأت انو البويضة شهر بتطلع من مبيض اليمين وشهر من اليسار هل معناه اني عندي فرصة للحمل شهر اي وشهر لا ياريت اللي عندها معلومة تفيدني

[راوبه]

المشاركة الأصلية كتبت بواسطة نهر الريان

بدي اسأل عن البويضة هلأ انا بانبوب واحد ومرة قرأت انو البويضة شهر بتطلع من مبيض اليمين وشهر من اليسار هل معناه اني عندي فرصة للحمل شهر اي وشهر لا ياريت اللي عندها معلومة تفيدني

شوفي حبيبتي المبيض الي ينشط أكثر هو يخرج البويضة يعني مش كل شهر بويضة لا
ربي يرزقك ذرية صالحة
حبيبتي هل حبلت بع د الحمل خارج الرحم ام لسا

[نور الهداية"]

المشاركة الأصلية كتبت بواسطة نهر الريان

بدي اسأل عن البويضة هلأ انا بانبوب واحد ومرة قرأت انو البويضة شهر بتطلع من مبيض اليمين وشهر من اليسار هل معناه اني عندي فرصة للحمل شهر اي وشهر لا ياريت اللي عندها معلومة تفيدني

اعتقد انه من الممكن ان يقوم المبيض بانتاج بويضة كل شهر
و بما انه لازال لديك المبيض الذي بدون انبوب
فهو ايضا ينتج بويضات
و من مدة قرات انه في واحدة حملت من مبيض بدون انبوب و مع ذلك البويضة خرجت و تلقحت و ذهبت للرحم
ان الله قادر على كل شئ
ربنا يرزقك بالذرية الصالحة و يفرحك يا رب

[fafini]

المشاركة الأصلية كتبت بواسطة نهر الريان

بدي اسأل عن البويضة هلأ انا بانبوب واحد ومرة قرأت انو البويضة شهر بتطلع من مبيض اليمين وشهر من اليسار هل معناه اني عندي فرصة للحمل شهر اي وشهر لا ياريت اللي عندها معلومة تفيدني

غاليتي كنت بحسب انك من لبنان كنت بدي ادلك عدكتور بروفيسور عقم وشاطر ومجرب وبالنسبه للبويضات هاد الكلام غير صحيح ما الها نظام معين وما تخافي لسه فرصتك كبيره بالحمل اهم شي ما تقطعي المجامعه ولا شهر وربي لما بده يعطي بيقول كن فيكون