مواليد<<شهر ربيع الثاني♂ ♀ فبراير (1435,2014)

[& ام روان &]

يازا هذا الي حسيت فيه ورحت المستشفى بس ماولدت الا اليوم الثاني وبطلق صناعي
الله يهون عليك يارب




قوت هو مو من علامات الولاده لكن البيبي نزل ومجهز نفسه الله يهون عليك

[ام احلى بنوتين]

علامات الولاده نزول دم او مويه او يكون في الم وتقلصات شديده في البطن والظهر

[جريحة المحبه]

مساآء الخيرات لااحلا كروشات ووالدات

كيفكم حبايبي?

امنيه. مشكووره ياعمري ع السؤال

بس امس انشغلت رحت للطوارئ عقب مانزل علي مويه
وقالت المويه قليله والرحم مازال مقفل
ولازم تنويم ورفضت وطلعت ع مسؤليتي
وقالت لازم يسوون لك تحريض عشان يجي الطلق بعد الله
بس خفت لاتنشف المويه ولايجين طلق
المهم يوم صار امس بالليل شربت ملعقتين خرووع مع عصير وعقب ساعه ونض تكرمون
نمت بالحمام مغص مو طبيعي
وبعد ساعتين جاني طلق حامي قعد تقريبا ثلاث ساعات
قلت بس هذي ولاده ويوم صارت الساعه ست اختفى الطلق ونمت وصحيت للظهر
مافيني شي
وصار كل شوي ينزل علي مويه خفت كثير
والحين انتظر الفرج من الله

بس نصيحه يابنات لاتستعملون الخروووع شوفوا وش سوا فيني
جاب لي الطلق ونزل معي مويات والحين اختفا كل شي


يارب فرجك القريب تعبت كثير
ولاودي اروح ينوموني اخاف يستعجلون بالعمليه

يارب تفرجها علينا جميعا بالولاده الطبيعيه
ياحي ياقيوووم

[ندووش]

جريحه غلط الا سويته ليش تشريبن زيت خروع و الرحم مقفل

انتبهي لنفسك و البيبي و ليش تطلعين على مسؤوليتك كان جلستي ترى عندك روح الله لا يضيع تعبك

روحي الله يهديك و سوى الا يقولون عليه ماعاد بقي الا كم يوم و تخلصين التاسع يمكن مع التحريض تولدين طبيعي

انتبهي لا تسوين شي من راسك ثم تندمين

الله يسهل لك

اذا شفتي كلامي روحي الطوارئ و اكشفي مره ثانيه و الا غيري المستشفى

[احساس طفوله]

مرحبا بنات اخباركم رجعت لكم بعد ايام تعب الحمدلله ياربي الي عدا هالايام ع خير صراحه القيصري عذاب ربي لايكتبه ع احد اليوم طلعت من المستشفى وبنوتي للحين يقولون بنتطمن عليها اكثر الله يطلعها لي بالسلامه وسميتها همس

جريحه يارب تيسر امرك روحي للمستشفى ترى نقص المويا مو زين للجنين

[يغار الحلى]

الله لا يضيع تعب احد ياارب .. روحي تنومي جريحه نقص الموياء خطيره ع الجنين

المستشفى مالك مفر منها و الله دخلتها وانا ابكي و الممرضات يحسبوني ابكي من الالم جابولي كرسي

صح وقتها معاي الم بس عادي اقدر امشي و مشيتها عليهم اني تعبانه وانا لا عشان مبغى ادخل

لكن غصب عنا اش نسوي .. الله يبعدها عنا يارب ..

قوت تعتبر من قرب الولاده اصبري هانت ان شاءالله كم يوم و يجيك طلق و ترتاحي يارب

ندووووش ترضعي طبيعي .. اش ناويه تستخدمي مانع

انا حاليا ارضع و زوجي يبغاني ارضع ست شهور .. و محتاره استخدم حبوب واترك الرضاع

ولا اجلس ع حساب التبويض و ارضع ..

[احساس طفوله]

امنيه انا يوم الجمعه باليل الساعه10باليل جاني الطلق وروحت عن اهلي اول ماحسبت التعب ومن روحت والالم كل ماله يزبد لين جت الساعه الالم صار قوي وبنتي طفشتني كانت تصيح بتنام وانا مو قادره من الالم اخذها زوجي ونومها بالقوه وراح معها نام وكنت مابي اروح المستشفى لين مايصير بين الطلقتين 5دقايق عشان مايبهذلوني بس من الساعه3 لين 6 الفجر والالم كان بينه بس10 دقايق وكل ماله اقوى من اول وانا اكسر ااخاطر كل ماحسيت الم دخلت الحمام اخذت دش دافي اخر شي يوم جت الساعه6 رحت اامستشفى وكانت بنتي بحضني نايمه والجو باااااارد شلتها بطنيتها ماقدرت البسها جاكيت وقلت لزوجي ودني المستشفى وبعدين رجع بنتي لاهلي دخلت وع طول جت تكشف الدكتوره قالت فاتح8سم جلست احمد ربي من الفرحه يوم قالت خلاص انتي ولاده وجهزوني للولاده وقالت يالله ادفعي ويوم بديت ادفع قالت لحظه بشوف الراس قريب او لا فجأه صرخت قالت لا وقفي دفع وقفي انا ماقدرت لاني بديت ادفع والبنوته قاعده تدفع نفسها صراحه كان تعب نفسي اكثر من جسدي يوم قالت انا حادخلكي العمليات ضروري لان الحبل السري ملفوف ع راس ورقبة البنوته اذا طلعت طبيعي راح تموت واذا كانت عايشه راح تكون مشلوله انا طبعآ جلست اصيح ودخلوني العمليات وجبت بنتي الساعه8 الصباح يعني انا رحت للمستشفى الساعه6 وولدت الساعه8 يعني لو تأخرت شوي كان ولدت بنتي بالبيت وبنتي حطوها بااحضانه لانها انكتمت بالمهبل 5 دقايق بعد مارجعتها الدكتوره بس الحمدلله الدكتور طمني عليها يقول بس نتطمن عليها كم يوم ونطلعها كانو خايفين من التشنجات بس ااحين تأكدو ان مافيها شي هذا مختصر اكشن ولادتي ولله يسهل ع باقي الكروشات ويفرحون بنوناتهم ويطلع لي بنتي بالسلامه

[احساس طفوله]

صج تذكرت شي لما ولدت وخلصت جت جنبي وحده ناقصه عندها المويا والرحم مقفل وكانو بيعطونها طلق صناعي راحت امها وسوت لها حليب بزعفران مع مويا ورد وخلتها تشرب وكلها 3ساعات وقاست الدكتوره ولقت الرحم مفتوح والطلق بدا سبحان الله حبيت اعطيكم المعلومه يمكن تفيد احد منكم خصوصآ انها كل مكوناتها طبيعيه

[ملكة القلم]

يسعد مساكم صبايا

انا اختها ل ملكة القلم حبيت اتطمنكم عنها هي ولدت اليوم ولادة طبيعية وجابت بنوتة متل القمر

ان شاءلله منشوفلكم وهي بتسلم عليكم كتير

[& ام روان &]

الف مبرووووك ملكه
الحمدالله ع سلامتك تتربى بعزكم يارب








بنات بنتي مابرزت اليوم الله يكرمكم وبطنها انتفخ شوي وش الحل !!!!