رجعت لكم بعد غيبه طويله

[فروووحه a]

مشكورين حبيبتاتي على ردودكم اللي تشرح الصدر

بخصوص اشعة الصبغه ناويه اسويها بس خااايفه خااااايفه كثير يقولون توجع امانه طمنوني كم تستغرق مدتها والامها مثل شنووو !

[ahlam-f]

هلا وغلااا فرووووحه اشتقناالك ..
ان شااء ربي مايضيع تعبك وتبشرينا
بحملك قرريب ..

[نـ ' ب ' ـرة]

هلا يا قلبي منورة،

انا من راي البنات انك تنتظرين هالشهر وتتابعين مع الدكتور، في حال ما حصل حمل اسالي عن ممرخة كويسة ودايم الممرخات الكويسات ما يمرخون الا وقت الدىرة وبالتحديد ثالث يوم، انا ظليت يمكن ٨ شهور احاول احمل ، وما ربي يكتب، وبادين قلت بروح لممرخة، والحمد لله من اول يوم مرختني فيه حسيت بفررررررق وربي حتى بالنفس حسيت اني قادرة اتنفس احسن من اول، وهاوشتني لاني بعد ولادتي ببنتي ما تمرخت فصار رحمي نازل طبعا مرختني لمدة ثلاث ايام، والحمد لله حملت بعدها على طول اللهم لك الحمد طبعا مع الدعااااء ، كثري دعاء واستغفار وربي بيفرجها، ومو شرط تحسين باعراض للرحم النازل بس من اللي سمعته ان بعضهم يحسون مع البول الله يكرمك كان شي بينزل يعني قريب من وصفك، والله يرزقك الذرية الصالحة :)

[مريومتو؛]

حبيبتي اشعة الصبغه سهله جدا بشكل ماتتصوريه صدقيني الكلام اللي يقولوه البنات مجرد مبالغات مزودينها شوي مدتها من خمس إلى سبع دقايق والمها مثل الم الدوره الخفيف اهم شي توكلي على ربك واستعيني فيه وبتتيسر

[مهرة uae]

اسال الله العظيم رب العرش العظيم ان
يرزقج الذريه الصالحه قريب يارب و يفرح قلبج ...
والله يرزقج ويرزق كل منتظره بالحمل السليم ياااارب
عليج بالصبر و الصلاه و الاستغفار وقراءة سورة البقرة بنية الحمل
يارب يرزقگ ويقر عينگ بالذريه الصالحه المعافاه السليمه
من غير زياده ولا نقصان يارب عاجلا غير اجل.
.... انتي وانا گل المنتظرات