مواليد<<شهر ربيع الثاني♂ ♀ فبراير (1435,2014)

[yaza]

الله يبارك فيكم بنات
يازين الولاده بامريكا اهتمام ورعايه وادويه واغراض
تخيلو اندروير ومعقمات وبخاخات ومناديل معقمه. وفوط تبريد وممرضه تجي تدخل معاي دورة المياه تلبسني خخخخخخخ
اقولكم شغل فنادق سبع نجوم
ولا ضرب ولا عفس بطن اه بس اثاريني شفت الموت بولادتي الاولى

امنيه سميتها لارا واختها الكبيره لارين. وش رايكم بنات

[امنيه 28]

يازا
حلو اسمها الله يخليهم لك يارب :)
ومو كل المستشفيات سيئه عندنا
الحكومي زفت والخاص رعايتهم حلوه ويسوون لك زي اللي قلتي :)

[امنيه 28]

يله تمارا وام احلى
ننتظركم تبشرونا
الله يهون عليكم يارب :)

[جريحة المحبه]

ورد الحروف. يازا

الف الف مبرووك يتربون بعزكم يارب

[ام احلى بنوتين]

آمين يارب الله يرزقنا ولاده سهله ويخارجنا بالسلامة

[جريحة المحبه]

يوم الخميس الموافق 13/4
عجزت انام من الصبح معي طلق قوي ومويات تنزل
رحت لمستشفا خاص الظهر قالوا الرحم 2سم والمويه 2سم خلصت المويات والطفل متبرز ببطنك والحين تدخلين غرفه العملياات واقعد اصيح وادعي انه على كل شي قدير ترقدت عندهم ثلاث ساعات وجت لمي الدكتوره قالت مو من صالحك انك ماتولدين الحين بعمليه
المهم قال زوجي خلينا نروح لحكومي رحنا ودخلت ع الطواري ولقت الرحم 2سم والمويه قليله قالت لازم ترقيد ورقدوني عندهم يوم الخميس تسع باليل
وحطونيي بغرفه لحالي وانا اصارع الطلوق انا ناويه ماعلم اهلي امي فيها الضغط يرتفع قوه ماصبرت ودقيت ع اختي ججت لمي بعد الفجر وجايبه كبو وولاعتين لعل الولاعتين خربن كلهن قلت خيره
المهم كل شوي يحطون لي التخطيط بس اخر مره قالت السستر مافيه نبض وتركض ركض للدكتوره واقعد اصيح. قلت اكيد مات وفصلوا التخطيط وركبوا ثاني قالت الحمدلله فيه نبض هبلت بنا السستر عاد هاشتها اختي المهم قالت الدكتوره التخطيط مو كويس. لازم الحين ندخلك لكشك الولاده عشان يراقبون التخطيط وودوني للكشك تسع صبح الجمعه اول ماحطوني بالسرير وركبوا التخطيط قالت لي اختي لاجتك الطلقه عظي بطرحه ع سنونك جربت الطريقه مانفعت والحين يوجعنن سنوني من كثر العظ هع المهم من الخوف كل مافتح رحمي رجع يتسكر سبحان الله قالاولي من الخوف هدي نفسك. واقعد اصارخ واصبخ بالسرير عاد جا لمس دكتور حق العمليات يجي للحالات المستعصيه اللي مثلي واللي تصارخ كثير كشف. علي لقاه خمسه سم قالي ابسوي لك تحريض يابنات الموت الاحمر التحريض يوحش انا علمي بي اول مادخلت الكشك متغطيه عنه والحين. صار هو اللي يكشف علي سوالي تحويض 3مرات وانا اصراخ عليه وهو يضحك ماهاشني ولامره نفسه سمحه ماشالله المهم بعد التحريض عجزت انفس من الطلق واطلع لمهم بالسيب وافصل ابتخطيط ووامعط شعري واتمسك بالجدران وهو متجمعين علي وانفصل المغذي وصارت الارض كلها دم
عاد اسمع الممرضه تقول هذي مجنونه وجا لمي الدكتورحق العمليات وابدا اصارخ عليه
اخر مره كشفت الدكتوره سودانيه لقته الحمدلله مفتوح بس مافيني دفع ابد وابدا امسك ايدينها لعلي مخشتها خخخ وراحوا بي لغرفه الولاده لكن عجزت ادف وبتلت تشق وتوسع لي للفخذ تخيلوا والحمدلله فرجها ربي لكن طلع بدون مويه تخيلوا وبونه اخضرر قالوا يامجنونه متبرز وشرب من برازه قلت خلاص فيه شي بعد نص جوا لمي يخيطونن تخيلوا بدون بنج شفت الموت الاحمر بالخياطه واول ماخلصت الدكتوره قالت ماعندتس نيه تعذرين ع المخوش اللي بيديني قلت اسفه بس اني تعتبانه عاد الممرضه السعوديه تقول قولي لرجلك لاعمرك تحملين. خخخ
ابلشتهم وسويت افلام ماتخطر ع البال ماتوقعت الولاده كذا ياربي تجازي امهاتنا الجنه

قعدت بكشك الولاده من تسع الصبح الى سبع ونص المغرب
ابطيت سبحان الله والسبب الصراخ والخوف يرجع الرحم كل شوي يتسكر
والحمدلله ع الفرج

[ام احلى بنوتين]

يوووه ياجريحه الاكشن حقك يخوووف الحمدلله على سلامتك والله يكتب لك اﻷجر

[يغار الحلى]

الف مبروووووك ورد

يازا حلوووه اسمائهم بس قريبه حيل من بعض

جريحححه ههههههههههه واللـﮩ من قوة الطلق اني زيك اصرخ عليهم و ابكي بآعلى صووتي

لين خدروني مدريت بعدها عن شي ..

الله يكتبلك الاجرر و الحمدالله ع سلامتك اما خووفك مرره قوي ..

[امنيه 28]

جريحه
هههههههه تخيلت شكلك
بس الحمد لله اللي ماصار للبيبي شي وهو متبرز
وحمد لله ع سلامتك صراحه طولتي بوقت الولاده الله يعظم اجر الامهات


بنات ابي اسألكم
الحين اذا طهرت الوحده يضرها الجوع
اليوم لي ٣٧ بس منسده نفسي من قل النوم وكل اليوم ماذقت شي وامي تخانقني
وانا اقولها خلاص مو شرط ٤٠ يوم
*

[& ام روان &]

جريحه اكشنك يخوف ويعوور القلب ههههه

امنيه كنك مثلي امس اقول مولازم الاربعين كلهاهههههه
واكلم اختي ع الواتس وهاوشتني خخخخخخ

ومدري الله يعين
المهم وش ترتيباتك امنيه لطلعتك من الاربعين ؟!