على فكرة
انا تجربتي من الطبيبات مو سنة والا ثنتين ٤ سنوات وذقت فيها المرررررررررررررررررررررررر ولاهي طبيبة والا ثنتين
عشان كذا لاتلوموني وغير كذا انا ماتعالجت مع طبيبات الكووووووون كلهم بس مجموعة كبيرة مشوار ٤ سنوات مو بسيط والحمدلله على كل حال كانو يقولن لي صديقاتي من يتعالج عند طبيبات من اول ماتزوجت ! ويبغوني اروح لطبيب سوداني مرة مشهور بمعالجة العقم ومنت انا رافضة ! وزوجي كان رافض ! بعد المشاكل والاشياء اللي شفناها
قلت لزوجي خلاص بروح لطبيب تبي تروح معي اهلن وسهلن ماتبي اهلن وسهلن بعد وسبحان الله كان زوجي يفكر بنفس الطريقة خصوصاً بعد انو كانو ينافخون علينا كل طبيبة اردى من الثاني ولاتقولون بحكومي
كنت اراجع بالحبيب الريان ودلة ! وبعض المستوصفات الصغيرة !
وكنا مرتبين قائمة باسماء الاطباء كذا بقنة, الشهراني, بندر
وسبحان ربيي اللي كان كاتبلي الحمل على يد الشهراني !
لما رحت لبقنة حولني للشهراني عشان اسوي منظار ولما سويت المنظار وعالج المشكلة سويت عنده حقن مجهري ويارب لك الحمد نجحت من اول محاولة واهم شيي النفسية كويسة وكان يهديني انا وزوجي يالله قمة بالاخلاق ماشفتها عند الطبيبات اللي كنت اراجع عندهم!
وبعدين من قالكم الاطباء وقت متابعة الحمل يكشفون على الحامل من تحت ارحمو عقلي بالله ؟! السونار عند اخصائية الاشعة اذا عندك مشاكل ثانية تشرحين له ويشخصلك الحالة ويعطيك الادوية الاطباء الثلاثة اللي رحتلهم مايكشفوووون ابد الا وقت عملية اطفال الانابيب والعمليات الاخرى ولعلمكم المريضة تلبس لبس العمليات ويكونون مغطينها تغطيه كويسة مايشوف منها نتفه يلبسونها بنطلووووون واسع حق العمليات وفيه فتحة صغيرة جدن على مقياس فتحة المهبل يعني مايمديه يتفرج ! يجي يدخل ويسوي العملية طوالي
وهذا شي انا جربته شخصياً
فليش اسأل شيخ ؟! وش المشكلة في الموضوع !
وكيف الطبيب ياخذ ويعطي ويسولف مع المريضة كلهم مريضات ونفسيتهم تعبانة ! وغير كذا المفروض ماتدخل المريضة عند الطبيب الا وزوجها او اخوها معها ! وبصراحة هذا اتهام عظيم ! انو المريضة تميل للدكتور : الدكتور يبغى يسمع شكواها وهي تعلمه بكل اللي فيها كلها خمس دقايق وتطلع وين يمديها تميل وتسولف هي وياهـ ! وفيه مشايخ كثير ومعروفين يراجعون عند اطباء لزوجاتهم سواءً حمل او اي مرض ثاني
هو يعتمد على رغبة الوحدة وخلاص اذا انتي تبين طبيب اوكية واذا انتي تبين طبيبة شي راجعلك
بالنسبة لي انا ماتفرق معي طبيب والا طبيبة وقت الحمل لانو ولله الحمد حصل مبتاغي بس ولاني حملت بحقن فصرت اتابع مع نفس الطبيب اللي سوالي الحقن تحسبناً لاي امر طارئ ومن خوفي لاروح لطبيبة ثانية وتخبص فيني !
لكن وقت الولادة باذن الله يهمني انو امراة تولدني لانو بوجهة نظري صعبة انو اولد عند رجل بها الوضعية ونص جسمي كاشف !
الشي اللي انا لا اؤيدهـ
سالفة رجل يولدك لانو حسب ماسمعت
انو منطقة ماتحت الصدر الى رجلينك مفتوحة وماهم مغطينك
في هالحالة تسال شيخ
شيخ قبل اذا هي عندها معرفة انو طبيب بيولدها
والله سبحانه وتعالى هو الوحيد اللي يعلم مافي الصدور ان كان خير والا شر
يعني حتى الطبيب يوم بيولدها بيستانس على المنظر ارحمووو عقلي بالله عليكم اكيد بيتقرف من المنظر وكذا اذا الحريم يتققرفون فما بالك الرجال اذا كان زوجها مابيتحمل المنظر فمابالكم بالطبيب !
فوجهة نظري
كله على حسب الرغبة اذا طبيب او طبيبة
قبل كان ممنوع المراجعة عند المستشفيات وبعدها تطورنا وصرنا نروح نعالج عند طبيبات وبعدها تطورنا وصرنا نروح نعالج عند اطباء !
مالها داعي ابدن من وجهة نظري انو ندخل مشايخ وفتاوى وانا صحتي رايحة فيها اللهم لك الحمد على كل حال !
وحنا عارفين انو علاجنا بيد الله ثم عند الشخص هذا ! طبعاً اللي ترغب بالسوال شي راجعلها
وغير كذا عارفة نفسي وغيري عارف الصح من الخطاء والذنوب والمعاصي من الحسنات
وحبيت المناظير النسائية ماهو متخصص فيها الا كذا طبيب في المملكة واقول طبيب مو طبيبة انا لما كنت ادور استشارية مناظير في العسكري ماكان عندهم وهذا الكلام قبل سنتين تقريباً الحين فيه طبيب وطبيبة
المهم فيه كلمة قالتها احد الاخوات هنا اللي يشوف مو زي اللي يسمع
وانا اقول اللي يشوف مو زي اللي يسمع او يظن !
وتبقى هذي وجهة نظري الشخصية
كثير راح يئيدوني فيها وكثير راح يعارضوني فيها
وكل واحد له رايه انا ماصادر راي احد بس احب اوضح اذا كان الشي اللي قدامي صح او خطاء
والاهم من هذا كله اختلاف الراي لايفسد للود قضية