دردشة اهل القطيف والي حواليها اتمنى اثبيث

[حلم جميل]

نآنآ وام خليل
الله يبارك فيكم ان شاء الله
الشهر التاسع احس شعور حليوو وفي نفس الوقت شي يخووف
نآنآ انتبهي لروحك والله يسهل علييك ان شاء الله
على قولتك بتتفأجين لما تولديين هههه<< زييي للحين مو متخيله اني حامل وبجي اليوم اللي بولد فييه وتجي اللحظه اللي يطلع فيها البيبي ويحطونه على صدري احس شعوور حليوو وفي نفس الوقت احس روحي من الفرح بصيييح ومابعرف ويش اسوووي
الله يسهل علينا ياااارب ونقوم بالسلامه ونفرح بالبيبي :)

[um fatima]

المشاركة الأصلية كتبت بواسطة ام زهرتين

السلام عليكم اخواتي اني عضوه جديده في المنتدى شفت مواضيعكم وحبيت اشارك واتمنه تعطوني رد مناسب ويريح القلب اني قررة اروح الحج وعقبالكم جميعا والله كتب لي اني احمل واني فرصه اني احج السنه وماعتقد اني اجله الي سنه الجايه لاني عندي ولدين واني الحين حامل بثالث لو اجله بيكون ثلاثه وبيكون صعب اني اروح السنه الجايه ووضعي بلحمل الحمد الله اكوووويس اتمنه اسمع اراكم

هلا اختي ام زهرتين حياش الله معانا في تجمعنا ,, وقلدناش الدعاء والزيارة ..
بالنسبه ليي رحت الحج اول للعام تقريبا وكان معنا تقريبا 3 او 4 حوامل في الحمله وطبعا لازم تخبري الحمله انه عندش حمل وهم اكيد يسألو لما تعبي معلوماتش,,, الحج رحله ايمانيه روعه فيها تعب اكيد ،،، بس من التعب اللذيذ على قولتهم ... بس ان شاء الله ,,,الله بيعطيش الصحه والعافيه والحملة والممرضات ماراح يقصرو وياش,,, والكل يتعب في الحج واحيانا تشوفو الغير حوامل تعبانين اكثر من الحوامل اذكر اني لما رحت وكانت تجيني لوعة واعراض حمل عدله والكل يسال عني اذا كنت حامل لو لا من كثر حبوب الغثيان اللي كنت اخدهم ههههههههه ,,,والحمد لله الحوامل اللي ويانا في الحمله كانو مستانسين وايد وحتى لما خلصنا الحج صار الحج عندهم احلى ذكرى وخصوصا انش تروحي اطهر مكان وانتين تحملي مولودش في دداخلش وثوابش مضاعف واللحين صارت العمرة زحمتها نفس زحمة الحج حسب كلام اللي راحو ,,,وكل الحوامل اللي ويانا ماجاهم شر جابو ولاد قمارة زيهم الله يحفظهم ليهم يارب ,, لا تخوفي نفسش ولا تسمعي كلام اللي يخوفش الله يحفظش ويحفظ البيبي من كل شر ولا تنسينا من دعائش اختي .. وتروحي وترجعي بالسلامة ..

[um fatima]

المشاركة الأصلية كتبت بواسطة f6omah

سلام من الله عليكم اجمعين ..

ودي اسأل كم سؤال

- الشيبسات وكثرة اكلها تضر الجنين ؟

- العلك وبلعه اثناء المضغ خاصة ان كانت عادة هل تضر ايضا ً؟

وشكراً جزيلاً لمن تجيبني

هلا اختي اخبارش ويلكمو بش في تجمعنا ..
باجوبش باللي اعرفه .. الشبسات كلها الوان ومواد صناعيه ومواد حافظة هذي مضرة للجسم بشكل عام و حطي في بالش انه اي شي تاكليه الجنين يتقاسمه وياش سواء بالفائدة او الضرر .. غير كذا انه يحتوي على نسبه كبيرة من الاملاح اللي ما ينصحو بها خلال فترة الحمل .. حاولي تقللي على الاقل مرة او مرتين في الاسبوع احس تكفي .. واذ ماتقدري سوي لش بوب كورن وقللي الملح على الاقل افضل من الشبسات واذا مليتي وحبيتي تغيري جيبي لش بطاطس بدون ماتقشريه وفطعيه حلقات جدا رفيعه وحطي فوقها ملح وفلفل اسود وزيت زيتون وعلى الفرن بتطلع مقرمشه ولزيزة كنش تاكلي شيبس ليز بالضبط ..
هذا بالنسبه للشيبس اما العلك مادري اذا كان مضر اولا بس احنا متعلمين من يوم احنا صغارانه مو زين اذا بلعناه بس مادري ليش واني من يوم بنتي صغيرة لاحظت عليها انها لما تاكل علك وتبلعه يجيها امساك قوي على طول علشان كذا صرت اخوفها وقامت ماتبلعه ..
هذي معلوماتي واجاباتي على اسألتش وان شاء الله باقي البنات يفيدوش ..

[om khalil]

نآنآ
الله يسهل عليش ان شاءالله ويوصلش لوقتش بالسلامه
اهم شي جهزتي كل امورش وادوية النفاس
وبالذات شنطة المستشفى

f6omah
اهلا وسهلا اختي اني بعد افتقدت نورانيه ماشوفها تدخل
عسى بس المانع خير ان شاءالله


حلم جميل
ذكرتيني ببنتي اول ماحطوها على صدري قمت اصيح
ونسيت الم الولاده رغم كانوا يخيطوني وقتها الحمدلله
أما ولدي ماطقته اقول شيلوه لا اذبحه هههههههههه
مسكين ولادته كانت وايد صعبه الله يسهلها ليي هالمره ان شاءالله

[um fatima]

الله يسهل عليش اختي ام خليل ويارب ولادتش هالمرة تكون سهله .. الله يهون عليش وتقومي بالسلامة ..

[um fatima]

المشاركة الأصلية كتبت بواسطة حلم جميل

نآنآ وام خليل
الله يبارك فيكم ان شاء الله
الشهر التاسع احس شعور حليوو وفي نفس الوقت شي يخووف
نآنآ انتبهي لروحك والله يسهل علييك ان شاء الله
على قولتك بتتفأجين لما تولديين هههه<< زييي للحين مو متخيله اني حامل وبجي اليوم اللي بولد فييه وتجي اللحظه اللي يطلع فيها البيبي ويحطونه على صدري احس شعوور حليوو وفي نفس الوقت احس روحي من الفرح بصيييح ومابعرف ويش اسوووي
الله يسهل علينا ياااارب ونقوم بالسلامه ونفرح بالبيبي :)

الله يسهل عليش حلومة .. وتصيحي صياح من الفرحه طبعا ..
وتوقمي بالسلامة يارب ونسمع عن سلامتش .. تخيلي انتين ونانا تولدو في نفس اليوم .. علشان نسوي ليكم بارتي في التجمع

[om khalil]

ام فاطمة
الله يسمع منش ان شاءالله
اني ساعدني بولدي ابرة التخدير اللي بالفخذ كانت تهديني وايد بس طبعا كل شوي اصحى افزع وارجع انام
بس انا من السكر كان وزن البيبي ماشاءالله قريب 4 كيلو سبة السكر
يارب هالمره ما اييني ان شاءالله... مشكوره والله يسهل عليش حملش وولادتش ورباتش ان شاءالله

[ذكريات الماضي]

هاااااااااي كروشات

اخباركم ؟؟

وحشتووووني من كبيرتكم لصغيرتكم

برائه وينها ؟؟

ولدت لو لاء ؟؟

طمنونا عليها

[om khalil]

المشاركة الأصلية كتبت بواسطة um fatima

هذا بالنسبه للشيبس اما العلك مادري اذا كان مضر اولا بس احنا متعلمين من يوم احنا صغارانه مو زين اذا بلعناه بس مادري ليش

أم فاطمة
لانه يتلصق في جدار المعده ويسبب مشاكل في الهضم ومثل ماقلتي امساك مثل ماصار لبنتك الله يحفظها عاد وسط وحامي شوقتيني للشبس بس شلون اسويه بدون زيت :(

[um fatima]

المشاركة الأصلية كتبت بواسطة f6omah

مرحبــــــــــا

عن نفسي انا مو جديدة لاني كنت متابعة بدون تسجيل وآخرها سجلت معك بنفس الشهر بس ما اشارك الا قليل ..

لا عادي السؤال يجيب جواب ويجيب السوالف بعدين ما فيها شي نتبادل الخبرات ..

عموما عرفت ماحد راح يرد علي الا نورانية فيها الخير ما تقصر والله بس ماادري ليش ما تدخل عسى الله يسهل لها ويعطيها على قد نيتها ..

وشكرا للجميع

فطومة .. نانا ماتقصد شي .. احنا كلنا خوات هنا وماحد يزعل من احد وحياش الله ويانا ان كنتي جديدة او لا بالعكس التجمع صاير حلو انه كل يوم فيه عضوات يشاركو ويانا وان شاء الله يزيدو ..
اني جوابت على أسألتش بس اكيد معلوماتي ماتجي شي تحت معلومات اختنا نورانيع .. اللي صار لينا كم يوم مفتقدينها ان شاء الله بس يكون المانع خير وترجع تنور موضوعنا ثانيه ,,
ويلا يافطومة خلينا نشوف مشاركاتش مو بس تطلعي من بعيد لبعيد ..