بتروحين تولدين (تخبرين أمك أو لا؟!)

[منى العين]

انا لا طبعا انا ببكري ولدت ولا احد يدري وكلمتها هي اول وحده
استانست مرررره وقالت اشوى كنت بحاتي وبخاف و الحين الحمد لله ان عرفت بعد ما الله سهل عليك

[أم حمودي وعبودي]

أنا بالأول أروح المستشفى وبعدين زوجي يخبر الي يخبر هههههه

[ام ميمو وسوسو]

هههههههه والله ماتدروا انا كل العالم تدري اني بروح اولد لاني افقد اعصابي وبس ابكي واقول اني ح اموت وتصير محزنه عند اهلي واهل زوجي ولما اولد الكل فوق راسي بس والله احساس حلو تحسي بغلاك عندهم والكل يحاتيك ويدعي لك خخخخخخخخ

[لبيه]

والله اني مابقول لآن الوالدة ب آمريكا يعني ماراح تكون موجودة ولو كلمتها وخبرتها باسبب لها قلق وخوف بس .. بعد مااولد احسن :=)

[ام عبدالرحمن969]

انا في بكري ماعلمتها لان عندي اخوات اكبر مني وكانوا يعلمون امي وكانت تبكي وتمررض وتنهار ويرتفع ظغطها ويجيها صداع نصفي فقررت اني مااقول لها ولما جيت اولد كانوا معطيني موعد طلق صناعي لاني عوشرت فكلمتها وانا رايحه المستشفى قلت لها بطلع للبر مع زوجي نبي نشوي وقعدت تدعيلي هذا الكلام ٩في الليل ولا ولدت الا الساعه ٩الصباح وكان وقت ولادتي عطله يعني اهلي سهرانين للصباح وكلمتها وبشرتها وقعدت تبكي من الفرح وقالت ولادتي اكثر ولاده فرحتها لانها ماتعبت ولا مرضت والحين ان شاءالله في ولادتي هذي ماراح اعلمها لين اولد ان شاءالله

[غصن مايل]

انا ماقلت لامي بولادتي ببنتي البكر

[nakhla]

في ولاداتي الثلاث ما قلتلها لاني اعرف خوفها علي وما احب تعبها وما قول لحد لوكنت اقدر اروح لحالي حتى زوجي ما خبرو ما حب ازعج حدا

وسبحان الله في كل ولاداتي كانت الوالده تحس تقولي في هاذيك الساعه اتذكرتك كنت اصلي وادعيلك

حتى ميعاد الولاده اقولها واحد متأخر عن الحقيقي بأسبوعين

[zainaby]

انا على حسب الوقت لو وقت النوم بالليل مستحيل اصحيها .. وقلت لزوجي يخبرهاعلى اخر شي عشان لا تنطر وتحاتي ساعات طويله

[ورد القلوب]

انا بأول ولادة ماكنت ناوية اخبرها

بس بعدين اتصلت استشيرها لان قالوا لازم ينيموني بالمستشفى

وعرفت كان 10 الصباح وخليتها على اعصابها ماولدت الا 2 بالليل
وكانت تحاتيني طول الليل لحد مااتصلت لها وخبرتها بولادتي

[جويداء]

انا بكرية وقسم بالله هالموضوع محيرني مرررررررررررررررررررررررررررره


انا في مدينة وأمي وأهلي في مدينة

انا عايشه عند أهل زوجي وهذه أول ولادة لي ومادري أولد عند أهلي عند أمي ولا أولد عند أهل زوجي خاصه ان امي عندها الضغط عالي وعمرها فوق الستين وتخاف علي مرررره وتقلق علي مرررره

نفسي أولد في بيتي ثم أخبرها بعد الولادة

لكن ما أدري أهل زوجي ايش راح يقولون علي لاني بكرية وماولدت عند أهلي ولا أهلي جوني بالولادة (لاني ماراح اخبرهم الا بعد ما اولد)

ايش رايكم

ايش اسوي