دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

انا بـــــــــــــاك

اسميني اليوم عانيت معاناه ، طالعه من البيت ثمان الا ، وثمان وكم دقيقه انا عند باب العياده

بس طبعا رايحه بدون موعد لان موعدي كان امس وما رمت اسير موعدين بنفس الوقت

فرحت امس الكورنيش وقلت باجر بروح خليفه ، ويوم اتصلتلهم قالولي اوكي تعالي

بس تعالي من وقت ع الساعه 8 ، ومع اني التزمت بكلامهم وييت من وقت

تميت ساعه ونص اتريه بس لين يابو ملفي من السجلات وودوه عن النيرسات

صراحه معااناااااااااااه ، ما خلصت الا 11 وشوي

وكل ما اقولهم شي او اعترض يقولون لي انتي يايه من غير موعد اصلا

انزين شسويلكم انا قلتلهم قبل الموعد باسبوع اني ما اقدر ايي فأبا اغير الموعد

قالوا مواعيدنا بعيده بنعطيج عقب شهر

قلتلهم عقب شهر بكون خلاص مربيه انا :(

المهم الحينه ان الدكتوره قالتلي ان مب زين اسوي خياطه بعد الولاده فورا

ولازم انتظر اقل شي 3 شهور والافضل ست شهور

لانه اللي فهمته منها ان جسم الوالده يكون معرض للجلطات بهالفتره

فالحرمه لازم ما تسوي اي عمليات الا في حالات الضروره القصوى فقط

والله هالدكتوره وايد زينه وتشرح لج كل التفاصيل

وتجاوب اسالتج بدون كلل او ملل ،اسلوبها فتان ما شا الله عليها

بصراحه هاي احسن دكتوره تعاملت معاها فكل ولاداتي

انصح كل الحوامل اللي مناطقهم قريبه يتابعون عندها

دكتوره موزه اخصائيه نسائيه وولاده فعيادة خليفه أ

كانت تداوم قبل فمستشفى المفرق بعد

طبعا الحين انا واعيه من 4 الفير وبطاريتي منخفضه حاليا

ابا ارقدلي ساعتين قبل ما العيال يردون من مدارسهم

قلت للدكتوره ما ابا اربي في الكورنيش قالتلي بحولج الرحبه عيل

تنصحوني اربي في الرحبه والا في النور اللي فشارع المطار؟

يارتي قالتلي سيري ربي فنيو ميديكل سنتر، بس ما اعرف حد مربي هناك

شو رايكم فالمكان يمدحونهم والا لا؟