تجمع حوامل المدينة المنورة

[أم أبو بكر]

المشاركة الأصلية كتبت بواسطة ام سالم...

ام ابوبكر
اول شي سلام كيفك انشاءالله الله يرزقك اميييييين يارب
وبعدين انت عندك مشاكل عشان كذا ماحملتي او ماعندك شي
انارحت كل مكان بس اكثرشي فدنى مستشفي العام حقت الولاده اناعندي والد عمره 4 اسنين دخل 5 حملت وسويت تنضيف وبعده ماحملت توي لي 6شهور اراجع والله كويسه كثيربس مودكتورواحد كذا دكتور اول شي تحليل وبعدين اشاعه وبعدين يقولك كل شي فيك بصراح روحي المستشفى الحكومي احسن لك

الله يسعدك ...
ويقر عينك بطاعة المولى الغفور الودود....
ويجزاك عني كل خير...
ويرزق الجميع الذرية الطيبة الصالحة

[بذخ~]

{.. اهلين بناات
اخبآآآركم ؟ّ
تصدقو صايرة اقرى وأضحك بجد المدينه مستشفياتها مدري كيف
كلنا محتااااااااارين فين نراجع وفين نولد !
وكل ما حطينا ببالنا مستشفى تسمعي ناس ما تنصحك فيها ..
ما نقول الا الله يعييننا ويختار لنا اللي فيه خير يآآرب }

[مهتاب]

السلام عليكم يابنات المدينة
والله أنا لما شفت هذا التجمع الحلو حبيت أنضم لكم ، الله يسعدكم بجد أستفدت من خبراتكم ولأني باقي على موعد ولادتي أسبوعين حابه أسألكم عن مستشفى الأحمدي وبالذات عن الدكتورة أمل كيف تعاملها وكيف الخياطة عندها؟؟ ياريت تفيدوني لأني راح أقرر في هاليومين أولد عندهم أو في الوطني... والسؤال الثاني كيف الغرفة اللي يخرجوني فيها بعد الولادة وفين راح تكون...لاتقولوا في البدروم لأنه راح يجيني إحبااااااااااااااااط....
آسفه على الإطالة.... وياريت ما تطنشوني...
والله يجزااااااكم ألف خير

[آلاء]

كيفك مهتاب
الله يقومك بالسلامة
انا كمان محتارة وين بدي اولد لاني اول حمل الي



يا منتهى احلامي ليش بتقولي الله لا يحيجنا للولادة

[شدونه]

السلام عليكم
كيفكم و ش اخباااركم وكيف الحمل معكم
انا حبيت اشارك معكم لانى حاامل بالشهر الثااانى
انا كنت اراجع فى حملى عند دكتوراه بالمستوصف الاهلى اسمها سمر مررره ممتازه
بصراااحه ترتاااحى لها من اول زياره
بس للاسف ساافرت نهاائى وانا محتاره اراجع عند مين لانى مرتااح لاحد على طووول
وكمان على المثبتاات من اول مااعرف انى حامل الى نهااايه حملى
رحت الاسبوووع اللى فاات عند دكتوره نهاد سنبل بصرااحه حلو كشفها بس مارتحت عندها ماادرى لعشان اول زيااره وانا دائما اولد بمستشفى احد لانها قريبه من بيتى وكمااان الحضاانه ممتازه عندهم

[منتهى أحلامي]

المشاركة الأصلية كتبت بواسطة آلاء

كيفك مهتاب
الله يقومك بالسلامة
انا كمان محتارة وين بدي اولد لاني اول حمل الي



يا منتهى احلامي ليش بتقولي الله لا يحيجنا للولادة

هلا فيك اختي
والله عني اكره مستشفى الولادة وما ادري ليه اخاف منه نادرا ما اسمع احد يمدحها سيئة جدا في تعاملهم والله مو وحدة ولا اثنين كثير حولي ومن قرايبي وجماعتنا
وحتى في الانترنت
صحيح مستشفى مجهز ومتخصص بس تعاملهم سئ والوحدة في الولادة موناقصها وتبغى اللي يحن عليها
حبيبتي الولادة تساهيل وتوفيق من ربي يعني الوحدة تدعى الله وتتوكل عليه وماتدري في ذيك الساعة كيف بتكون
انا ما اخوفك بس اقولك عن اللي اعرفه واسمعه والآن صحيح في ممرضات سعوديات ويمدحوهم بس للاسف عشانه مستشفى مجاني وفيه كثير فتلاقيهم احيانا ما لهم خلق
وفي بعضهم يتوفقوا بناس طيبين

والله حتى الاطفال تعاملهم مومرة معاهم عشان كذا اقول الله يحيجنا لهم لا انا ولا اطفالي

انا هذا ثاني حمل لي وبكري ولدته عند دكتورة كنت اراجع عندها طول حملي الله يجزاها كل خير
والله يتمم لي حملي هذا وييسر لي ولادته

والله يهون عليك اختي ويرزقك ولادة سهلة مريحة وين ما كان يكون
وارجع اكرر لا تخافي والله من واقع تجربة عليك بالدعاء في كل وقت وحين وربي يستجيب دعاءك واشربي ماء زمزم بنية تسهيل الولادة فماء زمزم لما شرب له

وفيه مستشفيات يمدحوها مثل المواساة والاحمدي
توكلي على الله
وتذكري( لا يكلف الله نفسا الا وسعها )

[دف القمر]

كيفكم كروشات المدينه
انا محتارة ويييييييين اراجع الدار وصفا المدينه والوطني يخوفون
فمحتارة بين العقالي او الدكتورة حسان بخش
الله يسهل لنا امورنا ويسسرها

[مهتاب]

حبيبتي آلاء والله أنا أضم صوتي لصوت أختي منتهى في رأيها بمستشفى الولادة مع أني ماجربت الولادة فيها...أنا هذا ثاني مولود لي بس في ولادتي الأولى مااحترت كثير يمكن لأني ما أعرف ايش يعني ولادة وولدت في الوطني عند نجمة ...بس ألحين أحس إني راح أموت من الخوف...

أختي شدونه... الله يعينك وييسرلك...أنا أعرف وحده في حملها الأول والثاني تاخذ مثبتات وكانت تراجع عند نجوى بالدار بس ماتولد عندها ...بصراحه أنا نجوى ماأرتحت لها مع إني مره وحده رحت لها ..
الله ييسر للجميع اللي فيه الخير....

[ام عبودي 615]

والله احترنا وين نولد بالمواساه او الاحمدي طيب ايش رايكم كل وحده تقول لنا ايهما الافضل من ناحيه البنج انك ماتحسين بالخياطه والحظانه وخياطتهم حلوه اولا والدكتورات ..
عن نفسي المواساه ممتاز من جميع النواحي بس ماأحد يمدح بالدكتوره غاده ان شاء الله ماتولدني ... ياليت يكون فيه ردود
حجازيه .. انا نفس الشي مع اني والده قبل بس حملي هذا احس بخوف الله يسهلها علينا

[آلاء]

منتهى شكرا كتير الك على ردك
هو فعلا تساهيل رب العالمين
بس انتي بتعرفي اكيد اديش الوحدة بيبقى بالها مشغول بالولادة ومكان الولادة
الله يقومنا كلنا بالسلامة



مهتاب بدي قللك لا تخافي بس انا خايفة كمان
ربي ييسرلنا ويسهل علينا امين