التجمع الجديد للمقبلات على الحقن المجهري أو أطفال الأنابيب

[7 ام عبدالرحمن 7]

المشاركة الأصلية كتبت بواسطة رووح الأمل

سلام عليكم بنات أتمنى تقبلوني عضوة جديده بينكم انا تأخرت في الحمل ورحله للعلاج آخر شي اقتنع زوجي بعملية الأنابيب لأنه فيه ضعف تاخرنه 4سنوات ورحنه حاليا لدكتور معرف في البحرين اسمه أحمد بركات وقررنهه
العمليه وابتدئ وياي الإبر جونال225
وبعد مدة بنحدد موعد السحب بس وربي خايفه رغم أني مستعده اتحمل بس طمنوني مابي يصيدني ألم ولا احتباس سوائل الي عندها فكرة تخبرني والله يسهل أموركم

روح الامل دام رحتي لاحمد بركان باذن الله ناجحة العمليه ما شاء الله الاغلبيه اللي يسوونها من اول مرة تنجح وانا منهم الحمدلله يارب
لا تخافين ما بصيدج حبس سوائل بس اللهم الم بعد سحب البويضات بالنسبه لي قعدت جم يوم وراح الالم

بس عيبه هالدكتور مايعطي نصاايح بالنسبه للاكل مثلا بقولج عقب الترجيع لا تركبين درج ولا تحملين شي ثقيل بس

اهم شي الراحة التامة ولا تسنعين حجي البنات اللي يقولون عادي تحركي ومن هالحجي ترا الاجسام تختلف والاكل بعد حاولي الفاست فوود ما تاكلين لا عسل لا تمر ولا المشروبات اللي تجهض كثري خيار وسفرجل وخس واهم شي لا يصيدج امساك وكثري ماي وحاولي في اليوم مرتين تشربين قلاص حليب مع قفشتين نشا هاي بعد الترجيع

واهم شي تكونين متاكدة وعندج ثقة ف الله انج راح تحملين والاستغفار والصلاة ع النبي
وعقب تعالي بشرينا