قصة وﻻدتي ..

[غيداء الحلوة]

السﻻم عليكم .. اخباركم ياجميﻻت منتدى حوامل . * اليوم حابه اقص عليكم قصة وﻻدتي .. لي عشره ايام من الوﻻده وجبت ولد مثل القمر وسميته رائد .. قبل الوﻻده باسبوعين كان الرحم مفتوح 3 وكان عندي حالة وﻻده ولكن الرحم مارضى يفتح بسبب !! القرفه اللي شربتها مع اني شاربه قد فنجان القهوة وطلعت للبيت والرحم مفتوح 3 المهم ماعاد شربت شي لمده اسبوع اﻻ مويه بس والحمدلله تنظف جسمي من القرفه واﻻسبوع الثاني رجعت اشرب حليب مع العسل واوقات يانسون ..المهم قبل الوﻻده ب 3 ايام صارت تنزل معي افرازات شفافه*بدون رائحه يعني مثل الموويه لكن تنزل على خفيف..استفسرت ع النت اللي تقول مويه الجنين واللي تقول افرازات عاديه واللي تقول مقدامات وﻻده .. وكنت خااايفه مرة انه يكون تسرب وتنقص المويه على الجنين ..يعني افكاار ووسواس وقلق لمده 3 ايام كنت خايفه اروح المستشفى اطمن ويمسكوني تنويم .. في اليوم الثالث ماااعاد قدرت اتحمل من كثر القلق والخوف من المويه اللي تنزل دقيت على امي اسألها وانا ماودي اشغل قلبها وﻻ ودي تدري بي اني تعبانه لين اولد .. ولكن سألتها وقالت لي انه شي طبيعي وﻻتخافي..هذا الكﻻم بعد صﻻة العشاء .. وطبعا كالعاده سهرانه مع ولدي .. قبل اذان الفجر سويت لي بابونج ابريق مليانه واشرب وامشي وانا عندي تقلصات خفيفه من اسبوع لين اذان الفجر واقوم اصلي وزوجي كان عنده اخر اختبار فاخذ*ولدي من عندي وراح غرفه ثانيه وجلس يذاكر وولدي عنده هستر فيه*.. وانا منسدحه ابغى انام ماقدرت كل مره تزيد التقلصات وتقوى وقريبه من بعض كل 2 دقيقه واتحمل اتحمل لكن خﻻص ماعاد قدرت حتى اتنفس اذا جت الطلقه وانا اقوم اسوي لمساتي اﻻخيرة للبيت اطلع الزباله الله يكرمكم واقفل الغاز وارتب غرفتي ومﻻبس زوجي واطلع شنطتي وشنطة ولدي عشان اوديه لجدته واغير مﻻبسي وارتب شعري طبعا كل هذا وانا اتحمل اﻻلم وحسيت شي نزل امسح بالمنديل اﻻ هو دم عرفت اني وصلت لمرحلة الوﻻده الجديه .. واروح لزوجي اقوله وديني المستشفى تعبانه قال مابقى اﻻ ساعه على اﻻختبار والجامعه بعيده*وزحمه اذا رجعت بوديك على باله ادلع.. قلتله اوقولك عندي وﻻده خﻻاااص احسني باولد وجهه انقلب وخاف المسكين قال اجل يله بسرعه .. ويله البس وطيران للبيت اهله ننزل ولدي وطيرااان للمستشفى وراح لاختبارة المسكين .. وانا دخلت الطوارئ كان فاااضي وحسيت بالراحه ..وكشفت الدكتورة قالت مفتوح 8 ماشاء الله .. وﻻده .. المهم جهزوني وعلى غرفة الوﻻده ودخلت برضو ماكان فيها احد وارتحت اكثر لو اسمع وحده تصارخ باخاف واتوتر وركبو التخطيط تقريبا ساعه وفتحو الكيس اﻻ الطلق زاد وصرت احس بالدف وجت دكتورتين 3 ممرضات سعوديات ويله دفي ويله دفي وادف لين تعبت وتعب الجنين وطلع شارب مويه وتبرز المهم ماعاد قدرت ادف واعطوني اوكسيجين شوي الدكتورة جابت جهاز الشفط وحاولت تشفط وانا اصرررخ من اﻻلم يعوور ويضغطون على بطني وهدو حيلي وماصدقت ولولد طلع ربي له الحمد*والشكر وكانت وﻻدتي بين 8 الى 10 دقايق وخيطوني تجميلي وطلعت بالسﻻمه .. وخلصت حكايتي .. وعقبال الباقين يااارب .. الله يسهل وييسر لكم ..

[ام ياسر1]

ماشاء الله تبارك الله
الف الف الف مبروك ماجاك

[أمي غلاي]

الحممدلله ع السلاممممه ومبررروك ماجااكك وعقبال الباقين يولددون بالسلامه

[qurtz]

الحممد لله ع السلامه ^_^

وتبلغي بعياالك

[موزه فوشيه]

ماشالله ،،،، الحمدلله على سلامتك وسلامه البيبي

جبتي بنوته ولا ولد ؟

[غيداء الحلوة]

الله يسلمكم ويبارك فيكم .. حبيبتي جبت ولد

[شموسه]

الف الف الف مبروك ماجبتي
واللحمدلله علي سلامتكم
,,,,,,,,,,,,,,,,,,,,,,,,,,,,,,

[zouzou 012034]

الف الف الف مبروك الحمد الله على سلامتك

[H1do]

ماشاءالله الف مبروووووك الله يصلح المولود ويقررر به اعيونكم والحمدلله ع سلامتك

[انثى تكره الظلم]

مبررررروك الله يفرحكم بيه ويتربى بعزكم