تجمع سيدات وبنات المغرب..

[huyam]

Salam banoutat kif 3amlin twehechtkom
Chokrane lga3 li kaysawel fiya
Ana mazal chad fiya had lwham nt9aya w3ayfa lmakla wlahila kan moût ghi bjou3 wakha lkhir moujouda lhamdoullah
Smholi mli ndkhol Wana nchki hhhh
Walakin ma9dich Allah ysameh lina men lwalidin wsafé
Li fdoliya tswlni ch7al rani nwzan hhhh
Iwa 3awdoli ach khbarkom?

[أم شّهد]

المشاركة الأصلية كتبت بواسطة ام مروة

السلام عليكم الحادكات اش خباركم اليوم وفين وصلتو فالتوجاد درمضان
ختي كوتر راه دابا كل سيمانة غتلاحظي تغييرات وحوايج جداد عند شهودة وعموماهاد تغييرات الملحوظة بزاف كتكون حتى تكمل عام انشاء الله، الله اهديها ،وانتي فاتك داك الاكتىّاب ديال الولادة ولا باقي
انا الحمد الله بخير والبيبي كيكبر شوية بشوية فالكريشة اللهم لك الحمد ،لا مزال اختي معرفت اشنو عندي اخر موعد مبغاش ابان فين خليها على الله حتال المرة الجاية انشاء الله

داكشي لي كاين اختي كل مرة كتبدل على لي فات والحمد لله..اختي دابا انا شوية اللهم لك الحمد واخا راجلي ماكيعاونيش وﻻكن ماعندي ماندير كنحاول نعالج راسي والحمد لله على كل حال..الله يجازيك بخير اختي خديجه ويسول فيك لخير والله يثبت حملك ويفكك على خير حتى يشرفنا هاد مجهول الهوية ههههه

[أم شّهد]

هيام حمدي الله اختي كتباني ليا كيوالو بالنسبة للوحم ديالي شفت لموت بعينيا كنت كنقولها والله غنموت واقيلا حيت كنت عايشة بقدرة اﻻهية ماكناكل ماكنشرب تقريبا 5 شهور وانا فالعداب الاليم وزياده على هادشي تشلو ليا رجليا ماكنقدرش نتمشى وﻻ نوقق بصفة نهائيا وبزااااف مايتقال والله يجعلها ليا من مغفرة ذنوب وصافي حيت تعديت ديال بصح

[ام مروة]

زوزو هي غدا نيت عندك الموعد انشاء الله اكون كلشي بخير وتسمعي خبار زوينة وتجي تبشرينا احبيبة هاني متشوقة معاك نعرف اشنو مخبي تماك والمهم اكون لباس عليه.

[ام مروة]

المشاركة الأصلية كتبت بواسطة أم شّهد

داكشي لي كاين اختي كل مرة كتبدل على لي فات والحمد لله..اختي دابا انا شوية اللهم لك الحمد واخا راجلي ماكيعاونيش وﻻكن ماعندي ماندير كنحاول نعالج راسي والحمد لله على كل حال..الله يجازيك بخير اختي خديجه ويسول فيك لخير والله يثبت حملك ويفكك على خير حتى يشرفنا هاد مجهول الهوية ههههه

اميين يا ربي احبيبة ربي اخليك ويخلي ليك شهودة الغزالة ،غير صبري شوية بشوية غترجعي لطبيعتك العادية انشاء الله

[ام مروة]

اسماء على السلامة دابا افوتك الوحم انشاء الله وتفتح ليك الشهية غير صبري ، شحال كنتي توزني قبل الحمل وشحال فيك دابا ؟ ايوا شفتي الفضول ديال بصاح

[huyam]

صباح الخير البنات
كوثر اختي الحمد لله نتي راكي تفكيتي و بقاو غي ذكريات و شهودة نساتك كلشي الحمد لله
خديجة كيدايرة و كيدايرة البنيتة والكريشة كبرات شوية؟ انا يا لاللة كنت نوزن 54 كنت مخيرة ودابا راني نوزن 50 انا والبيبي هههه وليت غي كتكوتة هه
دنيا سهام وسهام شيماء ليلى حنان بانو عليكم الأمان هادي شحال ما هدرت معاكم توحشتكم

آه لبنات بغيت نسولكم قطعت الطيارة باش نمشي للمغرب فالتالي ديال غشت و غادي نكون 6 شهور ونصف و نرجع من بعد شهر واش معليش ما كاين حتى ضرر
علما انه تبقا الطائرة 2h30 ولا3h طبعا الطبيب قالي سافري ماكاين مشكل ولكن بغيت ناخد رأيكم

[om-maram]

Sbaaah nouuur ya ahla omahaat kidyrin katakitna li f kricha oli berra krichaa nchaalh kolchi f hefd wesonnn , zouozouu lah ifareh qalbek nchaalh lyouma ibaan bb dylk omykonchi hichmaan ,,, assoumaaaaaa hbiba ghi sfri ana safet f eme mois olhamdolilah daz mzyn hiya ktkhle3 chwiya ms bon 9ray 9oraa n mzeyan od3i lah osafi rehla mofaqa nchaalh ,, sosoooo fiiin ghabra umkn si jaad safi bdaa f chaghaaab , chochoo habobti kisbhti ntina obb dylana oanouussti lfnewn , loolaa kisbhti kish lkatkout dylna ojanati la7biiiiibbbbbaaaaa , kakwaaa lah i3awnek 3laa chhiwat li bagha twjdiii obousa lkatkouta , didijaaa kidaaayraaa marwaaaaati okrichaaa labaaaas ontina bdittti twjeeedd wla baaaqiii ,

[ام مروة]

صباح النور والربح عليكم جميع ، اسماء انا الحمد الله لباس ربي اخليك والكريشة هاهي كتكبر حتى نتي غتكوني لاحضتي تغيير دابا فالكريشة ديالك ياكي ؟
ايوا يا لالة انا فديك التلت شهور الاولى ليكان فيا لوحم خايب نقصت 10 كيلو ولدابا واخا راني فالشهر الخامس والحمد الله وليت كناكل بعدا شوية ولكن انا كيما هي مزال مزت والو وزعما البيبي كيكبر تبارك الله ولكن المهم راهو كيتحرك والطبيبة كالت لي اخر مرة نمو ديالو مزيان اللهم لك الحمد
اما على السفر راكي تقدري تسافري مافيها حتى ضرر عليك انشاء الله، انا فاش كنت حاملة بمروة ف 8 شهور سافرت ومزال 6 ساعات والحمد الله كان كلشي بخير غير غيعطيوك واحد لونكاجمون تسني عليه باش تحملي مسووليتك هادا بعدا هو النظام ديال الخطوط المغربية اما الخرين الله اعلم. غتكون سفرة موفقة انشاء الله0

[ام مروة]

دندن صباح الانوار والمسرات كيدايرة وواحد الامورة الغزالة لباس عليها ،حنا ياختي لباس علينا اللهم لك الحمد، راني يالله اليوم انشاء الله غنبدا ندير شي مسيمنات اولا بطبوط صغير حيت واحد الكوزينة يالله البارح كاديتها حيت عطلو لينا البلاكار متصاوبش بكري ، ايوا هانا فيد الله غندير لي كديت عليها شوية بشوية هاد الايامات ماحد الخبز واكل الدق هههه ، اما ايلا دخل رمضان كنضن السخفة دالجوع ماغاتخليني ندير والو والله اعلم ،المهم الله ادخل علينا هاد الشهر الكريم بالصحة والسلامة ويجعلو شهر مغفرة على جميع الامة الاسلامية انشاء الله .