اجهضت بسبب زوجي . . .

[رحمتك يا رب]

السلام عليكم
انا دئما كنت احب اتابع منتداكم الكريم واشوف ردود الاخوات وتفاعلهم مع الاعضاء
لكن ماخطر علي بالي اني بيجي يوم اكتب مشكلتي عندكم وانا ابكي .
انا تزوجت من سنه زواجي كان الحمدلله حلوا وزوجي ولد عمتي كان طيب وحنون ورمانسي معاي وكريم جدا لكن عيبه انه غيور وعصبي و احيانا يشك وانا بحكم اني اشتغل دكتورة بمستشفي و انواع الاختلاط كان الموضوع مسبب ازمة واحيانا مشاكل بسيطة لكن تعبت بالمستشفي و قالت لي وحدة من زميلاتي سوي تحليل حمل يمكن حامل وطلعت حامل و زوجي كان مسافر وانا قلت بقوله اذا رجعلي بالسلامة لكن بهذا الوقت توفي قريب لنا ربي يغفرله فا مكان الوقت مناسب لهذا النوع من الاخبار في ضروف صعبة ... لكن بعدها باسبوعين بعد الاعزاء قررت اسوي مفاجاة حفلة صغيرونة وافجاه بموضوع الحمل لان وقتها كان عيد ميلاده قرب قلت اسويها بنفس اليوم واضرب عصفورين بحجر واحد لكن " تأتي الرياح بما لاتشتهي السفن " . جاني لقاني اتكلم مع وحدة من زميلاتي بصوت خفيف في ركن المطبخ لان الموضوع يخص الحريم وما ابغاه يسمعني قام فجاءة جاء واخذ مني التلفون وجلس يقول الووو الووو البنت خافت و سكرت الخط من الخوف جلس يسب ويشتمني ويقول مع مين كنت تتكلمي يا قليلت الحياء وانا اساسا اختي قالتلي وانا ماصدقتها اساسا الحق علي اني متزوج وحدة تشتغل مع رجال وتخيلوا ضربني كفوف ورفسني علي بطني وظهري وانا حاولت اهرب لكن ماقدرت وبعدين جلست انزف دم واصرخ وقلتله اني حامل يا غبي و بطل يضربني وجلس يعتذر ويبكي ويقول فقدت اعصابي والله ماكان قصدي اعوذ بالله من الشيطان الرجيم وقال يالله علي المستشفي ولمن رحت الدكتورة تقولي الله يعوضك بالاحسن اجهضت بنهاية الشهر2 وهو واقف عند راسي يقولي انا ما ابغي عيال انا بس ابغكي انت ترضي علي ويبكي و رجعت البيت لان اهلي بالمدينة وانا بالدمام وهو يبكي وبعتذر وانا ماخليته يلمسني انا من صوب وهو من صوب حتي اني سرت انام بغرفة الضيوف وهو يحاول يتقرب من ويكلمني ويواسيني لكن انا احس في شئ مكسور ومو قادرة اسامحة ومتحسفه علي الا كان في بطني كنت مرة مبسوطة لدرجة ان دخلت المنتدي وجلست اقرا بركن الحومل وجلست ادور اسماء وجلست افكر تجهيزات الاستقبال . . الخ .. كنت مرة سعيدة اني حامل لكن لله ما اخذ والله ما اعطي
واليوم حاول يتقرب مني انا طلبت الطلاق وهو جلس يبكي ويترجاني اسامحة ويقول اذا ربنا يسامح جنا ليش ما نسامح لكن نفسيتي جدا تعبانة ومدمرة وابغي اعرف قراري صح والا لا

لكن انتم لو كنتم مكاني اش بيكون موقفكم ؟!

[ايرينا]

مشكلتك توجع القللب صحيح واضح انه متولع بحبك بس مو من حقه يتهمك بس تبي نصيحتي
لو جلستي كدا حيتطاول عليك ويشكك هو مو جايبك من الشارع انتي بنت اصول وتقربي له
ووظيفتك عاديه وانتي مو اول طبيبه
انا رأيي تجمعي اهلكم ومو كلهم لا اشخاص تلتمسي فيهم الحكمه بحل الامور وتعلميهم وتخوفيه بالطلاق والله هالشي بمصلحتك عشان يبطل يمد يده عليك
اصلا الششرع مايسمح له يمد يده وهو من تزوجك عارف بوظيفتك

[اطياف الورد]

الله يعوضكك ان شاء الله

[بلقيس محمد]

الله يعوضك الخير ياااااارب
لا حول ولا قوة الا بالله
الصبر والحكمه وتحتل المشكله ان شاء الله
لا تتسرعي في طلب الطلاق

[أسيرة الوقت]

اختي الله يعوضك يارب عاجلاً غير اجل ... ويصبر قلبك .. والله مو عارفه اش اقول لك ... بس اتمنى من ربي يسهل لك وييسرلك امورك ... ويعوضك في االبيبي

["ام تولين"]

الله يعووضك خيررررررررررررر حبيبتي


نصيحه مني الا الطلاق لا تتسسرعي فيه
لانك بتندددمين بعدين
يكفي انه اعتتذذذذررر منك واعتبر تهديدك له بالطلاق شيء جممميل
تعوووذي من الشيطان حاولي ترجع حياتكم مثللا قبل

يكفي تلاقين بهالزمن رجل يحب ويغااار

استخيري والله يقدملك االلي فيه الخيررررر

دعواتك لي...

[معانده]

والله دخلت قبل وقريت موضوعك بس مارديت
حسيت موضوعك صعب ومؤلم والله يعوضك
اذا كرهتي جانب اكيد فيه جوانب ثانيه حلوه
اهم شي لاتطلبين الطلاق وربي يسخره ويهدي اموركم

[الحنوونه]

الله يعوضك خير ف اللي راح

زوجك طبيعي يكون غيور وخاصخ ان شغلك اختلاط فاتحملي غيرته

وخليك صابره لان الغيره مشكله في كل رجال لازم يغار

بعدين شغلك يمكن هوا الا مسبب له الشك لانه المستشفى كل اختلاط ومعروف ان الرجال مايحبون ان حريمهم يخطلطون برجال

ف اقولك اصبري شوي بعدين ارضي عليه وخليه يوعدك مايعيدها لك مره ثانيه وانه يوثق: فيك وقولي له انا بنت ناس مو تحكم علي بطبيعه شغلي

وحاولي انك ماتتكلمي بصوت مره واطي عشان م يلعب به الشيطان لان شكله زوجك غيرته بزياده

الله يعينك ويعوضك خير

[الحياه حلوة#]

الله يعوضك باللي فقدتيه
وشدي عليه حسسيه بالندم لن مايبطل حركاته الغبيه
دامه متعلق فيك خليه يتعلق اكثر
هو من اخذك عارف انك طبيبه ليش بعدين الاستهبال
الله يعوض عليك ويسعدك

[حياتي توأمي]

الله يعوضك خير حبيبتي
لااااتتسرعي بالطلاق

ولو هو كان يعرف انك حااامل مستحييل كان تهجم عليكي
الحين صار اللي صار تقدري تحطي شروطك وبما انه ندمان وشاريكي فلاتتسرعي وتعاندي بالطلاق
ان الطلاق ابغض الحلال عن الله
وان شاء الله ربك راح يعوضك بحمل آخر
صلي الاستخاره وشوفي وين ترتاحي
الله يجبر بخاطرك يارب