اجهضت بسبب زوجي . . .

[مريومتو؛]

نصيحتي لك خوذي اجازه من دوامك وسافري لاهلك لو اسبوع اعتبريها فترة نقاهه لازم تبتعدين عنه فتره
وقولي له ابي اروح عند اهلي ارتاح كم يوم وافكر وان كنت ابيك تجي برسلك رساله وتخيلي نفسك متطلقه ترا موضوع الطلاق ماهو بالسهولة اللي متخيلتها وانتي في بيتك وعند زوججك
وترا هو ماسوى كذا الا من شدة حبه لك لانه كل مازاد الحب زادت الغيره والتصرفات المجنونه
هو باين عليه انه طيب ويحبك

[SaraKh]

والله يا حبيبتي الغيره شي و الضرب شي تااااااااني
انا كمان زوجي يغار عليا لكن حدو الكلام حتى الصياح يعتبر تطاول
انتي مو جيا من الشارع انتي انسانهلها كرامه
اليوم ضربك و اتسبب بموت طفلك اللي ما انولد
بسبب عصبيتو !!
تقدري تضمني انو ما حيعصب زي كدا تاني ؟؟
الجواب واصح حبيبتي وانتي قرري

[عالم من أمنيات]

أختي قولي إنا لله وإنا إليه راجعون اللهم أجرني في مصيبتي هذه واخلف لي بخير منها .
لا تستعجلي الطلاق فهو يحبك وقد اعتذر منك وكل إنسان له نقطة ضعف فقط تفادي إثارة شكه إتجاهك فلا يوجد رجل كامل
الله يسرأموركم ويصلح ذات بينكم

[falhosani01]

الله يعوضك حبيبتي .. وماتدرين يمكن خيره

"وعسى انه تكرهوا شيئا وهو خيرا لكم"

بالنسبة لزوجك غلطاااااااااااان من ساسة لراسه .. حبيبتي ماريد اسوي مشاكل بينكم ولا اقولج الطلاق هو الحل

بس خليه يتعلم اذا تمادى مابتقدرين تحلين الموضوع بالمستقبل .. خليها اول واخر مرة يمد يده عليج

لا تغلطين غلطتي والله نصيحة مجرررربه .. ويوم يقولج اخته قالت .. منو تكون اخته عشان تحكم ولا تتكلم عليج

فديتج لا ترضين بسهولة ولا تدخلين حد في حياتج بروحج حلي الموضوع بس بعقل وحكمة ..

وان شاء الله اسمع خبر حمالج قريب جدا جدا بعد مايكون ريلج عقل والله هداه

حبيت اعلق على رد وحدة من الخوات "الحنونة"

مب من الطبيعي ان زوجها يشك فيها لانها تشتغل .. والشغل مب عيب هالايام كل الشغل مختلط

بس في رجال لو يحطون حريمهم بين الف رجال مايشك فيها لان عارف تربيتها وان خذها من بيت ناس مب من الشارع

تقبلي مروري

[أم أحلى بنوتهـ]

هذا إنسان فيه مرض الشك

الله يعينك عليه لازم هو يتعالج منها

خلي الطلاق آخر الحلول

والله يكتب لك الخير

[Noor Ali 12]

الله يعرضك

[زوجي غلاي]

اقولك شي حبيبتي الراجل مايحب زوجته تتكلم بالجوال بصوت منخفض او ادا رن جوالها تروح مكان ثاني وتتكلم او تمسك جوالها في وجوده لانه الرجل بطبعه غيور جدا وانتي تعرفين طبعه ماكان لازم تكلمينها كنتي ترسلي لها رسالة انا اشوف انك تسامحينه دام طلب السماح منك الرجل ادا غار ممكن يسوي اي شي مثلا لو انتي شفتيه كان يتكم بصوت منخفض ولما اخدتي الجوال منه وتكلمتي وما حد كلمك اكيد بتشكي فيه . من الاحسن تسامحينه ولاتعيدينها مرة ثانية ادا بغيتي حياتك تستمر بدون منغصات والله يخليكم لبعض وتحملين قريب . بيتك حبيبتي احسن لك زوجك يحبك وتدكري انه هو اللي عطاك الولد اللي في بطنك من بعد الله طبعا لا تتهوري بشي غلطتو فيه انتو الاثنين انتي خليتيه يشك وهو تهور خلاص سامحينه المسامح كريم والله يسعدكم مع بعض .

[راجيه لله]

والله مدري وش اقول لك ادميتي قلبي من قد مامشكلتك صعبه
زوجك من حقه يغار لانك بمكان اختلاط وانتي حاولي قد ماتقدرين تبعدين الشك اللي ب قلبه فيك وحاسبي ع تصرفاتك دائما قدامه و معه
لان الرجال اكثر دقه بتصرفات زوجته حتى قومتها وجلستها وًمشيتها كيف لو مكالمات !!!

انتبهي حبيبتي و ابعدي فكرة الطلاق من راسك ولا تخسرين زوجك و حياتك مع بعض الخساره م تتعوض

["ربي لا تذرني فردا"]

انا راي انسي الطلاق
الطلاق يهتز له عرش الرحمااان
هو غلط بس حبيبتي معظم الرجال ضربو نسوانهم و غلطو و ما اطلقوااا
لا تنسي اهم شيئ انو ما كان يعرف بحملك
انتي يكفي تهديدك بالطلاق
لا تخربي حياتك و لا تطولي بالزعل راااح يعمل الجفا حتى من جهته و تندمي و الله
انا بنصحك متل اختي
صفحة و اطويها و الحمد لله مادامك حملتي ربي راح يرزقك باذن الله
و هو اصلا مو كاتب هذا الولد بس اسبااااب
لا تخربي حيااااتك و لا تطولي بالزعل ارجووووكي
الله يسعدك و يرزقك و يرزقنا الذرية الصاااالحة

[عقيلة]

ياحبيتي لا تتسرع يفي الطلاق
والله يعوضك في جنينك