قصة ولادتي في الدوووووولي ..

[sendrellaa]

يسعد صباحكم ومسائكم كروشات ..
معليش تأخرت عليكم بس بتعرفوا السبب

ولدت في الاسبوع 40 مره تعبت من الانتظار واخر مراجعه خاصمني الدكتور يقول لازم
تمشين ساعه باليوم لان الراس مانزل كله بالحوض وشديت حيلي وصرت امشي كل يوم ساعه
وتاريخ 12 بشهر 2 الفجر احس بوجع زي الدوره رحت تحممت بمويه دافيه ومازال الألم يروح ويجي كل ساعه وأحس بتحجر قوي في بطني ومع الفجر زاد صار التحجر كل 10 دقايق
دخلت النت قرأت عن التحجر لقيت كاتبين انه طلق خفت
وجت الساعه 5 وزوجي كان بيروح دوامه وبيرجع الظهر خفت تجيني ولاده وهو مو موجود قلت له لاتروح دوامك خلينا نروح نشوف يمكن ولاده رحنا الطواري في مستشفى الطبي الدولي فتيحي
كشفت قالت الرحم مفتوح 3 ومع كشفها نزل دم والراس مانزل خفت
قلت لها لايكون عمليه قالت العلم عند الله
انتي روحي امشي في المستشفى لاتروحي بعيد ساعتين وتعالي قلت طيب ..
رحت مشيت 3 ساعات وحاطه السماعات اسمع الزلزله ومريم واردد مع الشيخ
ولما تجيني طلقه اوقف اتنفس ورا بعض استفدت منها بعد الله تسحب الوجع وبعدين ع الساعه 11 طلعت عندهم قلت اكيد فتح6 وكنت فرحانه احس الطلق زاد
كشفت علي قالت باقي 3 والراس كمان مانزل قلت طمنيني لايكون عمليه
قالت ان شاءالله لا بس بنخليك طبيعي مابنسوي شي ودخلوني الولاده ولبست وركبوا التخطيط والمحلول وانا انتظر اختي تجيني ترافق معاي لان زوجي رفض يقول مايبغى يشوف
حاولت اقنعه يجلس معاي واترجاه رفض قال كلمي اختك تجي كلمتها قالت شويات اخلص
شغلي واجي تفكر اني بطول في الولاده زي ولدي المهم جت الساعه 1 الظهر
احس الطلق زاد اعطوني ابر عضل وكمام طبعآ حاولوا يقنعوني اوافق ع ابرة الظهر بس رفضت وجت الممرضه ركبت الطلق الصناعي ويشتغل ضرب بظهري وبطني حار ورا بعض


انا ماسويت استدعاء للددكتوره محدده خليت اللي بطواري الولاده يولدوني ..
وكانت الدكتوره المسوؤله عني اسمها هاله سودانيه

الساعه 2 اختي جايه بالطريق وزوجي عندي ينتظر اختي تجي ..
وانا وهو جالسين والغرفه هدوء فجأه صوت مره عالي طق وانفجرت المويه بسم الله
زي الشلال احساس حلو ومخيف ههههه في ولادتي اللي قبل هما فكوها باانبوب
المهم زوجي انفجع وراح ينادي الدكتوره
جت الدكتوره كشفت قالت مفتوح 6 سألها زوجي قال متى تولد قالت بدري يمكن العصر او المغرب بدري انا انفجعت كيف تقول بدري واحس باالراس بيطلع يدف !!!
واصيح اقولها احس بشي يدف وهي طالعه مطنشه قالت لا باقي
واحس كمان يدف واقولها تعالي شوفي ومتجاهله كلامي قال زوجي تعالي شوفي قالت لا
فتح 6 باقي ماتولد الحين وهي تكلموا وانا كل ماحسيت باالدف ادف معاه شافتني الممرضه جت كشفت ونادت الدكتوره جت بكل برود كشفت قالت يلا الراس بيطلع
يلعن اوم برودك ياشيخه
وجلست تطالع فيني وانا ادف مره واتنين وهي تنتظر يصير تشقق لحاله وماقدرت اتحمل
صحت عليها قلت الله يخليك بنج كنت احس بالراس شوي حسيت بيدها توسع لانها شقت
وقامت تقول يلا دفي وزوجي كان موجود ويشجعني معاهم وهو مصدوم وخايف
هههههههه

وطلعت الحمدلله بالسلامه بنووتتي الدلوعه وحطوها ع صدري وجلسنا نضحك انا وابوها
احساس حلو لما تشوفي ضناك ع صدرك الله يرزق كل محرومه يارب ..
وطلعت المشيمه حسيت فيها وبعدها جلست تنظف الرحم تدخل شاش وتنظف
واصيح اقولها خلاص تعبت وبعدين جلست تخيط وطولت خيطت من جوه وبرا
وماخلتني انام لما اغمض تقومني ماادري ليه

بعدين خلصت وراحت وشوي اتصلت اختي قالت يلا انا وصلت بطلع لك هههههه
قلت انا ولدت ههههه قالت ماشاءالله مبروك انصدمت قلت الحمدلله تساهيل من الله ..

وبعدين جابوا البنوته قالوا رضعيها قلت دوبي ولدت تعبانه بنام وكمان انا كنت مواصله مانمت وجوعانه وهما باقي ماطلعوني غرفتي قالوا لازم ترضعينها
قلت مافي حليب قالوا لازم ترضع السائل الاصفر مفيد لها وحطوها ع صدري وطلعت صدري اخصائية الرضاعه وتحاول فيها تعبتتني ..
خلوني ساعتين عندهم وبعدين قالوا مانطلعك لازم تدخلي الحمام قلت ابي انام الحمام بعدين
قالوا خلاص نركب لك قسطره قلت لالالالالالا بدخل الحمام ودخلت زي الطيبين
وطلعوني غرفتي جلست منومه عندهم يوم وطفشت ماخلوني انام كل ساعتين يقولوا رضاعه والساعتين الثانيه ياابر او علاج او تنظيف مافي راحه قرفت ومره مرهقه مواصله مانمت
وطلعت البيت طبعآ من بعد ماولدتني الدكتوره هاله مامرت علي ابدآ جت وحده غيرها ..
وقضيت فترة النفاس بتعب ومضاربات مع عيالي الله يهديهم وانتظر اليوم 7 مااعطوني مراجعه واتصلت عليهم قالوا مافي الا رجال حريم فل مافي
قلت لالالا صعبه صبرت لما وصلت اليوم 12 وماارتحت لازم اكشف اتطمن ورحت الجدعاني كشفت علي الدكتوره ثناء قالت كله تمام بس ليه نوعين خيوط وماادري ايه فجعتني
في النهايه قالت لا طبيعي ورجعت البيت ع كلامها انه كل شي طبيعي
لما خلصت 40 وطول هالفتره احاول احجز عند دكتوره في الدولي قالوا مافي فل موجود رجال بس قلت لا صعبه وخاصمتهم قلت اهمال منكم المفروض تعطوني كرت مراجعه مو تولدوني والسلام

المهم وانا احلق من تحت انتبهت لشغله دمرتني
لقيت المنطقه متغيره انفجعت وجلست ابكي ورحت مستوصف جنبي كشفت قالت
الخبر اللي صدمني تقول الدكتوره اللي ولدت سوت توسعه شقت بس ماخيطت كل اللي قطعته
خيطت غلط من برا ولازم تسوي عمليه من جديد نشق من جديد ونخيط كأنه ولاده من جديد وبنج كامل انا جلست اتحسب ع الدكتوره المعفنه حسبي الله عليها والله ينتقم منها
وعشان اتأكد رحت الاطباء المتحدون عند فاطمه النمر قالت نفس الكلام
وانا الحين افكر اخلي فاطمه النمر تعطيني تقرير بحالتي واروح اشتكي المعفنه حسبي الله عليها ....
بالنسبه للخدمات والاهتمام والنظافه والديكور ممتاز لكن الدكتوره زباله عدمتني الله ينتقم منها
انتبهوا منها يمكن غيرها افضل او كلهم سوا الله اعلم ..
يعني وش خسرانه لما تشتغل باامانه
والله يكون بعوني ع التعب من جديد

حكيت لكم بالتفصيل عشان تستفيدووا

[R y o o M]

الحمدلله ع السلاااامه ياقلبي

ومبروووك ماجااك وتتربى بعزكم وعلى طاعة الله

وجعل ماجاك تكفير ذنوب ان شاءالله

[violy]

الحمدلله على سلامتك وسلامة البيبي
ياحلو ابرة الظهر مافكر اولد ثانيه بدونها-بس كويس ماخذتيها شكل المستشفى كله فاشل
بعض الدكتورات مايخافون ربي - و من اسلوبها في البدايه و هي واضح انها زفت
اهم شي لاتتركيها و اشكيها لانها بتسويها في غيرك

ربي يهون عليك العمليه

[ريحانة الجنة]

الف الحمد لله ع لاسلامة
ومبروووووك ماجاكم الله يجعلها قرة عين لكم
والله يكتب اجرك ويعينك

[qurtz]

الحمد لله ع سلامتك وسلامة البنوته و تتربى بعزكم
حسبي الله عليها مبين عليها من اول مو عارفه حتى كم فتح الرحم
تقول تو ع الولاده والراس واصل خلاص
جد لا تخلينها اشتكيهاا

[jojo 123456]

الف مبررررررررررررررررررررروك والحمد لله ع سلامتك

[مسك أبيض]

الدكتورة مستفزة صراحه اهم شي الحمدلله على سلامتك ومبروك ماجاكم الله يخليها يارب ويرزقني وكل منتظرة يارب

[هدوء أنثي]

الف مبرووووووووووووووووووووووك ياقلبي وحسسسسبي الله ونعم الوكيل ع امثال هالدكاترة ا.....الله يااخذهم ولا يكثر من امثالهم

[sendrellaa]

الله يبارك فيكم ويسلمكم ياغاليات
وان شاءالله اشتكيها والله يكون بعوني يارب

[ام جوري&&]

الحمدالله ع سلاااااااااااامتك....