تجمع حــوامل التوائم

[ندى السعوديه]

حبيباتي استغفروا /

استغفرالله الذي لا اله الا هو الحي القيوم واتوب اليه من جميع

جرمي وظلمي وماجنيت على نفسي ...

[الشيخه]

مساكم ورد ...........................

[عذب]

مساء الخير...
أنا اليوم ضايق خلقي من بكره بروح أداوم في الكليه وأحاتي التعب ...

[ماء زير]

اخباركم كروشات

ندى السعوديه الله يرزقك بالحمل السليم الي يفرح قلبك اللهم امين

عذب نصيحه لي تعتذرين هذا الترم الراحه اهم شي

حزن الله يهون عليك وحساب حملك صحيح الهجري مع الميلادي راح تكون ولادتك في

ذو القعده

ام عدي ال الشيخ مبروك التؤام والله يتمم عليك ويسخر زوجك لك اصبري ويفرجها الكريم

محجبه وام ياسمين وبقيه الكروشات الله يحفظكم انتم واجنتكم

[حزن الزمان]

وينكم محد ...ماء الزير الله يعوضك خير ...ويا قلبي على ردودك الحلوة ...

[ام عدي آل الشيخ]

المشاركة الأصلية كتبت بواسطة ماء زير

اخباركم كروشات

ندى السعوديه الله يرزقك بالحمل السليم الي يفرح قلبك اللهم امين

عذب نصيحه لي تعتذرين هذا الترم الراحه اهم شي

حزن الله يهون عليك وحساب حملك صحيح الهجري مع الميلادي راح تكون ولادتك في

ذو القعده

ام عدي ال الشيخ مبروك التؤام والله يتمم عليك ويسخر زوجك لك اصبري ويفرجها الكريم

محجبه وام ياسمين وبقيه الكروشات الله يحفظكم انتم واجنتكم

الله يبارك في عمرك حبيبتي
ان شاء الله اني متفائلة خير بفرج الكريم قادر على كل شي..واسأل الله يالغالية لكي كل خير يارب..

[ام عدي آل الشيخ]

المشاركة الأصلية كتبت بواسطة ندى السعوديه

هلا فيك ام عدي

على فكره قبل ابتدي كلامي ترى والله اني دعيت لك وبالاسم في قيام اليل

بان الله يفرج همك ويرد لك زوجك ردا جميلا ....اللهم آمين

وصحيح كلامك المفروض اني انسى فكرة الحمل بس والله انا صارت لي مشاكل

كثيره مع زوجي واهله ...وكرهت كل شئ واخته تزوجت بعدي وحملت ومايبون

يعلموني ..! وانا عادي عندي الحمدالله راضيه بما قسم لي رب العالمين

انا الحين قاعده احاول اتوظف باي ش لو الراتب قليل اهم شئ اغير جو وانسى

فكرة الحمل ...وافرح بحمل من عنده سبحانه

وكلامك على عيني الله يوفقك ويسعد ايامك

الف شكر يالغاليه

مشكورة حبيبتي على دعائك لي وان شاء الله يالغالية ماراح انساكي من صالح الدعاء..وياحياتي كل هذي ابتلاءات من رب العالمين لعبيده فعلينا بالصبر ثم الصبر ثم الصبر.وبإذن الواحد الاحد الفرد الصمد تحملين في القريب العاجل وتتخطي كل المشاكل ,, وربي يعوضك كل خير يارب ..حبيبتي تحري ساعات الاجابة ,, وادعي ربك على طول وربك كريم سميع مجيب الدعاء يالغالية ..والحمد لله على كل حال وهذا كله يزيدنا قرب لرب العالمين ..مع حبي وتقديري لكي.

[احمر الورد]

احمر الورد تحكي قصه ولادتها
في يوم الخميس 3/8 رحت العصر عند الدكتوره الخاصه واخذت صور السونار من اول ماحملت لان الدكتور المشرف على الولاده طلبها وكانت تقول باقي لك في الثامن اسبوعين وقالت كل شي تمام ورجعت البيت وجلست شوي وفي شي في نفسي يقول قومي نظفي قمت كنست وجمعت القمامه الله يكرم الملائكه والسامعين وبخرت ومسحت وكل شي تمام وجلست على النت الى الساعه 2 ورحت نمت وفي الصباح يوم الجمعه4/8 صحيت صليت الفجر وقريت سوره الكهف ورجعت نمت الى الساعه 6 الصبح وبعدين بدت المويه تنزل شوي شوي وانا رايحه راجعه الحمام وعلى هذا الحال الى الساعه عشره وبعدين بدا الطلق وكل نص ساعه يقوي الى ماصار كل4/ د واصحي زوجي وكان نايم جنبي وطيران علي المستشفي ودخلت غرفه الولاده قالت الممرضه اوقفي على الميزان وانا اصيح ماقدر اوقف الراس نازل حاسه فيه والراس طالع واصيح ابغى الدكتور والطفل يدف نفسه غصب عني وانا ميته خوف لايطلع الاول قبل مايجي الدكتورو جاء الدكتور ويصارخ لاتدفين عشان يبي يصلح اشعه يشوف الراس تحت اولا ويوم تاكد ان الراس تحت راما بجهاز الاشعه وقال بسرعه دفي وبرحمه ربي خرج الاول ياقلبي عليه مزرق مافيه دم وطيرررررررررررررران على العنايه الخاصه بالخدج وبعدها بداء يسوي لثاني تهيئه واعطى الممرضه ابره كبيره وقال انفقعي الكيس وجاء جنب عشان المويه ماتجي فيه وسبحان الله المويه جات كلها في وحهه ونزل الثاني بعد عذاااااااااااااااااااااااب لاني مت تعب ماقدرت ادفه وبعدها يلحق اخوه علي العنايه وجلست في المستشفي اسبوع بعدين طلعت وقلبي عند اولادي في المستشفي وجلست اسبوع في البيت بعدين اتصلوا علينا ورجعت المستشفي وجلست مع اولادي اسبوع وبعدين طلعت هذي حكايه المستشفي اما البيت فحكايه ثانيه تعببببببببببببب وسهر و قله نوم واكل وفوق هذا زوج واولاد طبعا باقي اولادي علي العلاجات وباقي ماطهرناهم عشان اوزانهم قليله باقي ماوصلوا 3 كيلوا علي الرغم من وصلوا الشهر الثالث وبس هذي الحكايه من طق طق الي السلام عليكم وا سأل الله لكم الذريه الصالحه ويثبت حملكم وتوصلون التاسع بصحه وسلامه ويحفظ اجنتكم في بطونكم وسلامتكم وادعولي ان الله يلهمني الصبر ونسيت اقلكم سميتهم اياد ووليد طبعا جدهم المسميهم وبس

[محجبه]

السلام عليكم
يارب انك تهون علينا وترزقنا ذريه تقر بها اعيننا
يارب من لم يرزق فهب له ذرية صالحه ياارحم الراحمين

وين النااااااااااااااس اكيد جتكم غيبوبه بس يالله كالعاده تنامون وتصحون يارب تهون عليكم

مبرووووووووووووووووك احمر الورد يتربون بعزكم وربي يخليهم لك الف الف سلامه ويجعلها سلامة دايمة

[ندى السعوديه]

ماء الزير

تسلمين يالغاليه عسى الله يسعدك ويعوضك خير ياقلبي

محجبه

الله يسعد ايامك ويوفقك ويكتب لك كل خير


ام عدي

صحيح احنا في هذي الدنيا مبتلين الله يجعلنا من الصابرين

اللهم لك الحمد بكل حال .. وموفقه يالغاليه وسلمي على ولدك الله يحفظه ويخليه لك


احمر الورد

الف الف مبروك ياقلبي الله يجعلهم من الصالحين ويبارك ربي لك فيهم

اللهم امين





لا اله الا انت سبحانك اني كنت من الظالمين ,,,,