تجمع حــوامل التوائم

[عابره وللعمر وقفه]

إنتظري شوي ويحولج الرابط
هذي صورته ..

[محجبه]

شكرا لك عابره ربي يعطيك العافيه ان شاء الله بجربه
بس ابي شي غير الغسول يعني طبيعي مثلا اكل معين او اي شي يسوونه امهاتنا
انا اذا استخدمت غسول تخف الحكه بس تبقى افرازات تصب بس ابي شي ينشف لان الشي داخلي يعني ماابي الرحم يفرز ربي يكرمكم

انا سمعت العود السوداني وودي ادري يقولون ينشف ويكرب المنطقه

متلهفه رجعتي على الصامت
ويتك ياقلبي اليومين وشلون الكروشه الصراحه من اليوووووم احس بثقل فضيع وبيتي مليانه غبار كل يوم الجو متغير وتعبت حيل من الوقوف

[عابره وللعمر وقفه]

محجبه اهو مو غسسول مثل اللي خابرتهم البودر وغيره
لاء اهو سائل مثل الصابون شفاف تغسلين المنطقه الحساسه حتى ينشف ويخليها جافه واذا كان فيه روائح يوخرها ششوفي يالغلا
اللي يريحك وان شاء الله تلقين الحل المناسب ..

[متلهفة لحظوركم..]

تسجييييييييل دخول بكرشه طبعااا يارب متى يجي اليوم الللي اسجل بدون كرشه ...

محجبه تسلمين على السؤال بس انشغلت هاليومين مسويين عندناا حفلة لليوم الوطني ,,,, صباح الخير خخخخخ وجلسنا نجهز ونرتب ونحوس ...

قبل امس كان عندي موعد ولحد الحين عيالي راسهم فوق وبيني وبينك ماابيهم يتعدلون خاااايفه مره من الطبيعي..

الافرازات ياقلبي شي طبيعي مع الحمل عااادي احس كلنا قاعدين نمر بهالشي بس المهم مايكون فيهاا ريحه او لون الله يكرمك بس اذا صار معهاا حكه لازم لازم تروحين للدكتوره لانها ممكن تكون التهابات والله يشفيك وان شاء الله مافيك الا العافية...

والشغل ياقلبي لاتتعبين نفسك وخلي البيت محيوس انتي معذوووره ولا جيبي شغالة اي احد من اهلك وخليهاا تنفظ لك البيت وترتبه..

[محجبه]

ان شاء الله بجربه يعني بدل مااشتري اي غسول احطه براسي
شكرا عابره تعبتك معي ياقلبي

لاعاد اتعودين له ياام كرشه تنقطعين لاعاد ماودك يتعدلون هههههههههه ياليتهم يااختي يتعدلون وتجي العافيه معهم
صراحه ضحكتيني طبيعي مااحد يعافه اجل انا بدعي اتك تولدين طبيعي خخخخخخخخ وحده مجربه طبيعي وعمليه
بالنسبه للافرازات الحمل ماتصير معي ابد استانس ودي احمل كل سنه عشان ابو الشباب يستانس بس هالمره مااستانس لانه ممنوع ياخذ راحته خخخخخخخخ
الافرازات هي دايم معي الايام بدون الحمل اكره عيشتي واذا لبست كلوت كل ساعه يغير رطوبه فضيعه
تحرين اهل كندا وش ياكلون عشان الافرازات خخخخخ وهم يتكبون خخخخخخ

طيب وش ناويه تاكلين بنفاسك ومن بيساعدك ولابتجين للسعوديه صراحه رحمتك
ولاده بكر وتوام ترحمين

[متلهفة لحظوركم..]

تراك اذا دعيتيلي بالطبيعي كنك داعيه علي خخخخخخ ..

ياختي الكنديين اشوفهااا تولد اليوم وبكره تروح تسوي رياضه ولا بعد تاكل ماكدونالدز وتشرب ببسي ورجاجيلهم يحبونهم ويسمعون حكيهم احنااا الله يخلف علينااا يالخليجين ناكل من ذا الخرابيط والرجاجيل مهوب على سنع ..

واذا على اكلي في نفاس فيه صديقاتي هنااا والشكوى لله ياختي محد جاينني ماعندي الا رجلي خليه ينفسني علشان يبطل يقول احملي هههه...

وتعالي الحين انتي تناديني ام كرشه ماشفتي كرشتك في المرايه ياام كرشه خخخخخخخخ...

[حزن الزمان]

هلا بنات شخباركم ... اللي سألت شلون الدكتورة تعرف 3سم بالسونار اقولك لا حبيبتي هذا فحص داخلي باليد ويقيسون السنتم باليد ...

[هجران]

السلام عليكم كروشات ورشيقات بعد الولادة
والله لكم وحشه عووووووووووووووووووده

الحمد لله أنا بخير والبنوتات الحمد لله رب العالمين بخير وعافيه ربي يحفظهن

التؤام حلوين بس بنفس الوقت ما شاء الله التعب بزياده

يعني دبل سهر

محجبه حبيبتي وحشتيني حيل وسألت عنك العافيه يا عمري
انا النت ما متوفر معي وامس طلبت لابتوب أختي ودشيت بس ما قدرت ارسل
والحين قدرت الحمد لله

وش هي اخباركم حد ولد غيري
شو اخبار حزن الزمان

وش هو الجديد طمنوني عليكم

انا بنوتاتي مرات يصيحوا ومرات هدوء والحمد لله
في اول اسبوع تعبت كثير وما قدرت اسيطر على الوضع لدرجة اني على وشك استخف لكن الحمد لله بعد اسبوعين حست أني بديت أنظم وقت الرضاعه

بس بخبركم شغله للاسفاده من تجربتي
انا ولدت العصر وعلى المغرب جابوا لي البنات حتى ارضعهم طبعا علموني كيف ارضعهم لأني بكريه

وعلى الليل جلس عندي زوجي وبعد على الساعه 12 جلست لوحدي بغرفة العناية حتى يتابعوا حالتي وحالة البيبات مع ان الامور كلها تمام بس حتى ما تصير لي مضاعفات
الحمد لله وعلى الليل جلسوا البنات يصيحوا وانا ارضع كل مره وحده بيسكتوا دقيقه وبيصحوا مره يصيحوا تعذبت ما عرفت السبب ليش يصيحوا من هنا صدري يألمني كانه متجرح

وجلس للصبح سهرانه وكل مره وحده تبكي
وعلى الظهر جاتني الممرضه تقولي الحليب معك ما ينزل عشان كذا يبكوا فعرفت السبب
وبعدها جات الدكتور وخبرتها ان الحليب معي ما يكفي قالت عشان هم 2 ويحتاجوا كميه حليب وانتي لسه الحين والده
المهم قبل لا اطلع من المستشفى سألت الدكتور أي نوع استخدم لهم حليب قالت لي خذي اوبتميل 1 كثير زين وما يعمل غازات وبالفعل استخدمته والحمدلله

ومع الاستمرار في حليبي مع الحليب الصناعي قدرت امشي الوضع لو أني ما خاطري أعطيهم صناعي بس أيش اسوي ما بيدي حيله لأن الطبيعي ما يكفيهم وبالدليل يقعدوا يبكوا بعد الرضاعه الطبيعيه ب10 دقايق


بنات اذا شفتوا اطفالكم يبكوا بعد الرضاعه بوقت بسيط فتأكدوا انهم جوعانين وان حليبكم ما يكفيهم فأنصحكم بحليب أوبتميل كثير مفيد وما يسبب غازات

وبعد أريدكم تعملوا شيء خلوهم يناموا وعلى حدود الساعه 10 بالليل صحوهم وخلوهم يتنشطوا العبوا معهم بدلوا لهم الحفاظ بس عشان يصحوا وخلوهم صاحين بحدود ساعه ونص وزين لو قدرتوا أكثر ولما تجي الساعه 12 أعطوهم حليب بالزين وخلوهم يناموا وراح يناموا مرتاحين وراح يصحوا أما الساعه 4 أو 3 ونص
طبعا على جوع

أنا الحين أعمل كذا عشان أقدر انام ساعتين او 3 ساعات
لكن أذا معهم مغص هنا الورطه لأن المغض يعذبهم كثير
بتعرفوا أنه مغص لأنه يروح ويرجع الالم ومن حركه رجولهم تكون سريعه أعرفوا أنه مغص

عطوهم ماء غريب كثير ممتاز ربع ملعقه صغيره
انا اعطي وحده من بناتي لأن يصير عندها امساك اما الثانيه جربت مرتين اعطيها وعلى طول يصير لهما مثل الاسهال وهي اضعف من أختها عشان كذا توقفت أني اعطيها فاعطي الاولي والثانيه ما تحتاج إلا لما راح اشوف بطنها مسك أكثر من يومين

هذا تجاربي البسطة اتمنى انكم تستفيدوا منها

باليوم كملت 22 يوم من ولادتي والحمدلله يعني 3 اسابيع

طمنوني عليكم

[زود الغلا]

ام منصور ......... تسلمين على الدعوة الحلوة والله يرزقك بالتوام السليم المعافى .
هجران ............ الحمدللة على سلامتك والله يخليلك بناتك يارب وتشوفينهم عرايس ومشكورة على المعلومات الحلوة .
توم روحي .......... شلونك اللحين وشلون نفسيتك ....... وعيالك شلونهم ..... شنو قالولك عنهم ؟؟؟؟؟؟؟؟؟؟

[قمرين 2]

شخباركم يا بنات انشاء الله كلكم تكونون بخير
هجران
ما شاء الله عليج زين يوم انج منظمه لهم وتعرفين كيف تتصرفين والله يحفظ لج البنوتات
حزن الزمان
هانت يا قلبي لما كنت اقرا الصفحات اللي فاتت كنت أقول اكيد ولدت وارتاحت بس لما وصلت للصفحه الاخيره عرفت انه للحين ما ولدتي .. شكلها نارا سبقتج
الله يهون عليج وعلينا

أنا كملت 32 اسبوع الحمدالله ووزني ما زال ثابت ونقصت كيلو بعد رمضان وللحين ما تغير وعندي مراجعه يوم الاربعاء يا رب يكون وزن البيبيات زاد