مرحبا جميعا اردت ان احكي قصتي مع الحمل من البداية ممكن افرغ قليلا من كل الي في قلبي لاخواتي بالمنتدى ...
بعام 2011 تزوجت كان في بالي انو الحمل سهل يعني في جماع اكيد في حمل ....بس لما اتزوجت كان غير هالشي قعدت شهر و شهرين و ثلاثة ابتدت الناس تتساءل شو في ليش ما في حمل و صايرين يقولولي شوفي دكتور و هيك كلام ...استمريت على هلحال كل شهر اتوقع الحمل و بعدين اتشرف دورتي رحت لدكتورة قالت لي انو لازم تعملي تحاليل انتي و زوجك ...رحنا عملنا التحاليل زوجي لقو عندو قلة حركة و انا بويضات كتير صغيرة ...شربنا الدواء و اعدنا التحاليل زوجي اتحسن بس انا..........لاء...غيرت دكتورة رحت لدكتور كان كل شهر يعطيني ابر تنشيط بس البويضة تكبر ل 15 بس و توقف ..قعدت على هالحال مدة سنة و لما ما نفع شي كمان غيرت الدكتور رحت لواحد قال لي تعمل اختبار للانابيب ادا هي مسكرة او مفتوحة ...رحت عملتو ما كانت مسكرة بس مفتوحة طول السنة كان يعطيلي ابر تنشيط و ما في فايدة لما هالدكتور عمل كل شي و ما فاد رح قال لزوجي روح اتزوج انت ما فيك سي المسكل بمراتك ما بتولد قا لي لو ما رحتي تعملي تلقيح ما رح جيبي ولاد....تعرفو نفسيتي بعد هالكلام ما سكتت من البكاء بعدين قال لي زوجي بنروح نعمل تلقيح رحنا بس بالاول ما ارادو يعملونا تلقيح مجهري جربنا التلقيح الصناعي مرتين و ما في فايدة بعدين عملنا تلقيح مجهري بس لم اجو يلقحو البويضات في المخبر ادواتها المستعملت كانت خلصت مدة صلاحيتها يعني البويضات كلن ما تلقحو و التلقيح هالمرة مو ممكن تاجلت المساة و ما حبو يرجعونا المصاري لانو هون بندفع يوم السحب بندفع كل شي و يوم الارجاع بنكون دفعنا ....ما حبو يرجعولي مصاريف عدم الارجاع .....قمت غيرت العيادة لعيادة اخرى و لما شاف الدكتور ملفي قال لي انو قنوات فالوب طالعة لفوق و بعيدة عن المبايض يعني لما بتخرج البويضة تسقط و قال لي هيك ما يصير احمل ..قال لي ممكن تعملي منظار رحمي بس هذا الاخير يمكن سنة اخرى عشان احمل قال بنسوي تلقيح مجهري ....
ابتديت ابر التنشيط بالاول كان عندي 17 بويضة عملت ابرة التفجير و رحت عشان السحب
لما سحب كان ما في غير خمسة 05 قلت معلش المهم انها تتلقح
اليوم الي بعدو اتصلو فيني و قالو لي انو 2 منهم بس الي تلقحو و كمان درجة ثانية و حددولي موعد بعد 3 ايام
رحت و شبرت ماء عشان الامتلاء و رجع لي البويضتين الملقحتين ...
انا اليوم باليوم التاسع و بكرة رح احلل لانو ما قدرت اصبر اكتر و اليوم فيي الم كبير و مؤلم جدا زي الم الدورة و مو حاسة باي احساس اخير غير ده متوكلة على ربنا بس المشكل انو زوجي حاط الفكرة في راسو 100ب100 و مو متقبل فكرة انو ما نجحت انا هيك احساسي يقولي انو كمان هالمرة فشلت
تعبت كتيييييييييييييييييييييييييييييييييييييير من هالموضوع لحتى عيوني نشفت و ما بقى فيها دموع
تعبت من كلام الناس ...تعبت من شوفتهن الي و خوفهم على ولادهم مني ....حتى سلفتي ما ارادت تقول لي انها حامل و الكل كان بيعرف غيري انا من خوفها على لي في بطنها و الله تعبتت تعبت تعبت هاي حكايتي كلها باقي 3 شهور على 4 سنوات
04-19-2015, 08:32 PM
قصتي و هاجس الحمل ليومنا هذا
sarfi 
استغفر الله العضيم و أتوب اليه 
جديد منتدى منتدى علاج العقم و تأخر الحمل
العرض العادي
