قصتي وكلما اشتد الكرب اقترب الفرج اسميتوها

[maanoosh]

بعدها بثلاث سنوات وكنت خلال هالفتره اكره شي عندي الحمل وتعبت نفسيتي
من كلام العالم وكل شي بس على بداية السنه الرابعه حملت وكنت متابعة حملي وكل شي سبحان الله كان تمام صحيح انا نسيت اخبركم انا وزوجي ابناء عم
وكانت ولادتي قيصرية ولدت وكان ولد لما طلع من بطني كان صاحي معهم واول ماقطعوا السر جاه ارتخاء فضيع لدرجة جفنه مايقدر يحركه انا جلست بالمستشفى قرابة العشر ايام ولكن ماكتب له ربي الشفاء فسافرت لبيت اهلي بالرياض وهو فالجبيل وكنا ندور له اخلاء طبي وفعلاً الحمدلله لقينا النقل وتنوم بالعسكري بالرياض وجلس قرابة 8اشهر دون اي تحسن يذكر وكانت تمر به ازمات واخر شي مسك الدكتور زوجي وقال له والله اني ارحمه وانتوا ارحموه اذا جته الازمه ماراح نساعده وراح نخلي رحمة ربي تتولاه لانه يقطع القلب ولا خبرني زوجي ووالله اني احياناً اجيه وقت الزياره ويكون توه فاك من الازمه تشوفين عيونه مليانه دموع 😢 😢 😢 وانا اقول وش فيه قالت الممرضة حطيه بحضنك ولما احطه بحضني سبحان الله يهدأوينام ولما جاء ذاك اليوم وكنت بالليل اتقلب ماعرفت انام وقلبي مقبوظ لما صحيت الفجر وصليت ورحت اجهز فطور زوجي الا يجيه اتصال من المستشفى انت ابو ابراهيم قال نعم قال ولدك توفى انا كنت واقفه لاني استغربت من الاتصال في وقت زي كذا وقال لي شوفي المؤمن مبتلئ والانسان مايدري وش مكتوب له في هالدنيا قلت وش السالفه حليت بطني تكلم قال ابراهيم توفى كانه صاب علي مويه حاره كيف قال استرجعي واحمدي الله ولك الحمد ياربي على كل حال

[maanoosh]

في هذا الوقت قررت الانفصال عن زوجي وقلت انا لااستطيع ان اتحمل اكثر من ذلك وكان لا يرد علي قال لي نحن لانعرف ماهو السبب ......
اعذروني لا استطيع ان اكمل تقطع قلبي من البكاء اتمنى تدعون لي والله ان الهم ذبحني والشيطان بس رجائي واملي بالله كبير انه يخلي لي هاللي ببطني ولا يخيب تعبي ويفرح نظرتي وجميع الحوامل