ولدت الحمدلله بالاسبوع 33

[حمووشه المطيري]

اانات الحمدلله انا ولدت وجبت بنوته

وجايه اقول لكم اللي صار معاي وياريت الكل يستفيد وان شاء الله م تصير معاكم

انا من دخلت الشهر الثامن وكنت احس بتعب وافرازات بكثره تنزل مني وكانت حالتي النفسيه اكس مشاكل مع زوجي وام زوجي
المهم وانا غبيه تركت نفسي مارحت لدكتوره عن الافرازات خليت نفسي وصار يجيني مغص يروح ويجي خفيف وافرازاتي كثرت وبليوم اللي رحت فيه للمستشفى نزل مني دم خفيف وخفت حيييل صرت ابجي وبعدين قلت لزوجي وع طول رحنا اللمستشفى واتصلت ع امي تجيني وحياتي هي لقيتها ناطرتني ودخلت ع الدكتوره وافحصتني 1 سم وعطول دخول ودخلوني ملاحظه الوضع وسوو لي تخطيط وسونار المهم خف الطلق وودوني للجناح ويجيني طلق خفيف بين ساعتين وضليت عندهم لحد م اختفا الطلق عني وسبحان عطوني امر خروج وقالو لي اذا جاج طلق م تخافين الولاده زينه لج لان معطيني ابره الرئه ولبست عبايتي وانا طالعه ولا ينزل مني ماي الجنين ع الساعه 12 الظهر وخفت حيل وصار يكب وبلغتهم ودخلوني وجا الدكتور وفحصني مفتوح 2 سم اخ وكنت بلغرفه لحالي اتالم وعطوني مضاداتواخذوا عينه من الماي بيعرفون السبب من شنو وتعبت انا بسرير لحالي وصرت اطلق لساعه 5 حسبت انه كل 10 دقايق وع طول ناديت السستر ودخلوني الوضع واتالم وادعي والكمام اشمه كل م تجيني الطلقه وبعدها جا الايم الصجي وانفتحت 10 سم بس تعبت لما طلعت البنت لانها صغيره وماتقدر تطلع نفسها لاصقه واللع يا رنات احس اني مت وحييت وصرت اصارخ واشد والدكتور معاي يلا شدي والحمدلله طلعت وارتحت ونمت وقعدت واسمعهم يقولون المشيمه لاصقه ما طلعت هني صج خفت مع اني مخدره ويحاولون مافي وعطول دخلوني عمليات جراحيه قلت انا راح اموت خايفه حيل كنت والحمدلله نوموني وم قعدت الا انهم خلصوا كل شي وصرت ابجي وسبب ولادتي طلع التهاب بالمشيمه :( مادري من شنو وهي سبب الافرازات وقعدوني عندهم 3 ايام عشان المضاد وبنوتي للحين بشيشه يبيلها اسبوعين تطلع وخايفه عليها كثير ادعولها بالصحه

[نوت "̮]

يالله عانيتي طبيعي وقيصري :'(
الله يكتب لك الاجر
الحمدلله على سلامتك وسلامة بنوتتك
الله يخرجها لكم بالسلامة ويجعلها طفلة صالحه باره ي رب

[ام روزي ويوسف]

يا عيني ربي يرجع بنوتك لأحضانك بأقرب وقت، يعني المشاكل ما تحلاه للناس الا لما يشوفون الحامل كل حمل تطلع مشاكل جديده سبحان الله، ربي يكومج بالسلامه

[ريوم^^]

الحمد الله على سلامتك وسلامه بنتك
والله يرجع بنتك بحضنك وهي باحسن صحه وعافيه

[dr.loly]

الحمدلله ع سلامتك
مأجوره ان شاء الله
والله يحفظلك بنوتك

[υм вtℓαα]

الحمدالله على سلامتك
مبرؤك البنوته تتربى بعزكم يارب
اجر وعافيه

[حمووشه المطيري]

الله يباارك فيكم ويسلمكم ♡♡♡

[اكتوبرية]

الف مبرووك
والحمدلله ع سلامتك وسلامة البنوته
والله يحفظها لكم

[GhadoOosh]

اجر وعافيه وربي يقومك بالسلامه انتي والنونو وتفرحي فيها ويزيل عنك الهم

[NoNa roze]

حمد لله على سلامتك ومبرووك المولوده السعيده
تتربى فى عزكم