يوم السابع من ترجيع الاجنه المجمده

[ام_صالح]

السلام عليكم بنات .. انا اليوم لي سابع من ترجيع الاجنه ومن امس بديت احس بلوعه جبد وعوار ظهر وعوار جسم كل جسمي يعورني كله. ما قدرت انا احس بشد اذا نمت علي جواني ما ادري شنو السالفه .. احد يقدر يفيدني منو صار معاه نفس الشي .. ومتي اقدر اسوي تحليل منزلي؟ الله يعطينا كلنا ويثبت اجنتنا اللهم امين وجزاكم الله الف خير

[رحيل بعالم النسيان]

ان شاء الله علامة خير يارب
حللي بيوم12 راح يبين لك اذا فيه حمل او من عدمه
ويارب يحقق امنيتك بالحمل السليم المعافى

[زهرة ال]

ان شاء الله اعراضك اعراض حمل

[بحــ العيون ــــــــر]

ان شاء الله تكونين حامل ياالغلا

ربي يرزقك ان شااء الله

[ريحانة المطر]

الله يرزقك بذريه الصالحه

[Fetwn2016]

ام صالح كيف حالك عسى امورك بخير
يارب تطمنينا وتبشيرنا بحملك

حابه استفسر اذا ممكن
انا عندي جنينين مجمدين ومتردده ارجعهم ولا ابدا من جديد
حابه اعرف وين مسويه العمليه
كم صارلك مجمد
وهل قالوا لك فرصه ترجيع الاجنه المجمده نفسها الاجنه لفرش؟
متى بديتي اخذ الادويه قبل ترجيع الاجنه وكيف كانت الادويه منشطه او حبوب


اتمنى ما اكون طولت عليك ومشكوره حبيبتي وربي ما يضيع لك تعب ويقر عينك بالذريه الصالحه

[ام_صالح]

المشاركة الأصلية كتبت بواسطة fetwn2016

ام صالح كيف حالك عسى امورك بخير
يارب تطمنينا وتبشيرنا بحملك

حابه استفسر اذا ممكن
انا عندي جنينين مجمدين ومتردده ارجعهم ولا ابدا من جديد
حابه اعرف وين مسويه العمليه
كم صارلك مجمد
وهل قالوا لك فرصه ترجيع الاجنه المجمده نفسها الاجنه لفرش؟
متى بديتي اخذ الادويه قبل ترجيع الاجنه وكيف كانت الادويه منشطه او حبوب


اتمنى ما اكون طولت عليك ومشكوره حبيبتي وربي ما يضيع لك تعب ويقر عينك بالذريه الصالحه

هلا حبيبتي انا سويت عميلي عند دكتوره هنوف السميط مستشفي السيف الكويت. صار لهم مجمدين 6 شهور. تجزهت للعمليه قبلها بشهرين يعني يتني الدوره الاولي وبديت ابر بثاني يوم الدوره لمده 21 يوم وهذي الابر مهتها تحبيط التبويض عكس التحفيز. بعدين تجيكي الدوره في يوم 28 وتبدين مثبتات من حسب السونار اللي اهو ثاني يوم الدوره وبعدين يوم 17 انا رجعتهم من غير بنج.
ونعم المجمد نفس الفرش وفيه دراسات تقول ان الحمل علي المجمد اعلي من الفرش. طبعا فيه مخاطره انه لما يفك التجميد يموتون فلازم تحطين هالاحتمال. انا وربي لك الحمد وما شاء الله عاشو. واليوم المفروض احلل دم واشوف نسبه هرمون الحمل. الله كريم وربي لك الحمد اني وصلت لهالمرحله والله لايضع تعبنا كلنا.

الله معاج ويوفقج وان شاءالله نفرح بخبر حملج عن قريب .. يااارب

[Fetwn2016]

المشاركة الأصلية كتبت بواسطة ام_صالح

هلا حبيبتي انا سويت عميلي عند دكتوره هنوف السميط مستشفي السيف الكويت. صار لهم مجمدين 6 شهور. تجزهت للعمليه قبلها بشهرين يعني يتني الدوره الاولي وبديت ابر بثاني يوم الدوره لمده 21 يوم وهذي الابر مهتها تحبيط التبويض عكس التحفيز. بعدين تجيكي الدوره في يوم 28 وتبدين مثبتات من حسب السونار اللي اهو ثاني يوم الدوره وبعدين يوم 17 انا رجعتهم من غير بنج.
ونعم المجمد نفس الفرش وفيه دراسات تقول ان الحمل علي المجمد اعلي من الفرش. طبعا فيه مخاطره انه لما يفك التجميد يموتون فلازم تحطين هالاحتمال. انا وربي لك الحمد وما شاء الله عاشو. واليوم المفروض احلل دم واشوف نسبه هرمون الحمل. الله كريم وربي لك الحمد اني وصلت لهالمرحله والله لايضع تعبنا كلنا.

الله معاج ويوفقج وان شاءالله نفرح بخبر حملج عن قريب .. يااارب

مشكوووره حبيبتي على الرد ويارب تبشرينا ياكريم ولا يضيع تعبك ويطعم كل محرومه
انا التبويض عندي كان زين بس صابتي فرط نشاط بالهرمون قالوا فيه خطوره على صحتي
ووقت العمليه كان عندي ثلاثه درجه اولى وخمسة درجه ثانيه رجعت اربعه وتوقعت اربعه راح يجمدونهم لي
استغربت بعد كم يومين كلموني عن الانقسامات ما كانت جيده واذا حابه اجمد جنين درجه اولى وجنين درجه ثانيه لكن اكد علي الدكتور انه مو اكيد

فراح اتكل على الله وابدا كل شي من جديد بعد ثلاث شهور

[اميرة المغربية]

يارب يثبت اجنتك حبيبتي
ويبشرك بالحمل السليم ويجبرك بخاطرك يا كريم

[ريحانة المطر]

حبيتي Fetwn

لما كانت عندك 3درجه اولئ
ليش مارجعو كلهم دررجه اولئ والرابع درجه ثانيه



انا رجعولي 2 الاعلئ درجه والله يبارك لنا ويرزقنا

مافيه تجميد لان الباقي ماتنفع من الدرجه الرابعه والخامسه


اايه بسأل بعض البيويضات ماتلحقت ياترى ماهو السبب
من التبيويض والا المني ضعيف