الحمدلله على كل حال أجهضت ،، و صدري امتلى حليب وش الحل؟

[Naaanaaa]

السلام عليكم

الحمدلله على قضاءه و قدره ،، الله يعوضني بأفضل منه يا رب

احس تعبت مع هذا الحمل كثير تجارب جديده مرت علي ،، ما توقعت ابدا اني بيوم ابجهض ،، حزينه جدا و ودي تمر هذي الفترة بسرعه ،،
و صلت للأسبوع العشرين و يوم خلصته بالضبط بدا الم الطلق خفت في البدايه و رحت للمستشفى قالوا جفاف و أعطوني محلول و مسكن بس افرازاتي الورديه من الشهر الثالث ما توقفت و اذا كشفوا علي قالوا سليم و العنق مغلق،، رحت البيت عشان ارتاح بس رجع لي من جديد و على وقت المغرب رحت على اقرب عياده و أعطتني مثبت و محلول ،، اليوم الثاني صحيت الصبح على الم الطلق و احس أقوى من قبل ،، و كنت ابكي و حاسه اني ابجهض لان مو معقول بيجلسون كل يوم يسكنونه و غير كذا الالم نفس الم طلق الولاده بالضبط حار جدا ،، و عطوني مسكن و سئلت الدكتوره تتوقعين ابجهض قالت الدكتوره انا اشوف في السونار كل شي في مكانه و العنق متوسع اقل من نص سم و تقول هذا طبيعي لأنك قد ولدتي طبيعي قبل ،، و كنت اقولها ان ألمي ما يحتمل طلق فضيع و يرجع بعد المسكن على طول و انا خايفه أطلعه في السادس خايفه على الجنين ،، قالت اللي ربي كاتبه بيصير ،، طلعت ابكي مع انهم مسكنين الطلق بس من الهم و الخوف ،، و اليوم الثالث صحيت على نفس الطلق بس هالمره بمووت منه و رحت للطوارئ و احس الجنين نزل لدرجة اني ما اقدر اجلس كأني جالسه على كوره و كأن شي يشفط من تحت و هنا عرفت انها ولاده ، انا قد جربت الولاده الطبيعية بس كنت حاطه إبرة الظهر فأحس الحين شعور جديد احس بنزوله قبل لا ما احس بشي ،، يوم شافوني اقول بيططططلع بيطططلع جابوا سرير متحرك و حطوني بسرعه و انا دفعت غصب عني و طلع الجنين شعور يضيق الصدر و راح الالم بسرعه بس نفسيتي مره تعبانه و ابكي طول الوقت ،،، و قلبي تقطع يوم شفته كان كبير و يكسوه الجلد الا صدره احمر و وجه بس ملامح فيه سبحان الله الى الحين صورته في بالي ،، لي الحين يومين و ضايق صدري جدا جدا ،، و صايره اخاف من الفقد كثير ،،

الحمدلله على كل حال ،،

الحين صدري امتلى حليب هل أشفطهم و لا أخذ حبوب تجففهم ؟

[حياتي توأمي]

وعليكم السلام

لاحول ولاقوة الا بالله

مأجورة يا اختي وربي يعوضك شفيع لك يوم القيامة

الله يصبرك يارب حاسه فيك حبيبتي اكيد شعور صعب بس اصبري واجرك عند الله عظيم

[ترياق الحياه]

لاحول ولاقوة الا بالله
الله يربط على قلبك ياحبيبتي ويصبرك ويجعله شفيع لك بالجنه

ادعي ربي كثير مو مكتوب لك ياقلبي لاتزعلين وتاكدي ان كل شي يكتبه لك خير
حتى بالتعب وبالام الحمل والولاده الله يجعلها بميزان حسناتك وياجرك عليها ويجعلها تكفير ذنوب
تاكدي ان الولد اللي يموت لك بالدنيا هو شفيع لك بالاخره
يعني ولدك الحقيقي هو ولد الاخره اللي يبعدك عن النار ويدخلك الجنه باذن الله
اصبري واحتسبي وتاكدي انه رحيم وكريم ورؤوف بعباده
الله يعوضك بداله بتوؤم ياربي ياكريم

مثل هالاخبار تقطع قلبي وتفجعني
ياربي رحمتك فينا

[amany26]

لاحول ولا قوة الا بالله .الله يعوضك ويصبر قلبك حبيبتي و بإذن الله راح يكون شفيع لك .انا حاسة بألمك لاني مريت بنفس تجريبتك هي صعبة بس الحمد لله على كل شئ .هذي إرادة الله
من الاحسن تاخدي حبوب عشان ينقطع الحليب

[Naaanaaa]

المشاركة الأصلية كتبت بواسطة amany26

لاحول ولا قوة الا بالله .الله يعوضك ويصبر قلبك حبيبتي و بإذن الله راح يكون شفيع لك .انا حاسة بألمك لاني مريت بنفس تجريبتك هي صعبة بس الحمد لله على كل شئ .هذي إرادة الله
من الاحسن تاخدي حبوب عشان ينقطع الحليب

امين يا رب الله يجزاكم خير ،

تعرفين وش اسم الحبوب ؟

[amany26]

أنا أعطتني الممرضة حبوب بعد الولادة مباشرة وخبرتني انو الحبوب هذ عشان ما ينزل الحليب وما عرفت إسم الحبوب ممكن تسألي بالصيدلية أو دكتورتك ومن الأحسن ما تشطفي الحليب عشان ما يزيد إدرار

[مريمانه]

لا حول ولا قوة الا بالله العلي العظيم
حبيبتي ابد لتحزني عسى ان تكرهو شى وهو خير لكم الله يجعل تجربتك اجر وعافيه ويعوضك خير يارب بس الله يدري الخير وين بيكون دائمآ وابدآ الف الحمدلله ع كل حال استغفري ولهي نفسك باي شي طلعي من الجو روحي سيري عد اهلك وخواتك او اطلعي مع صحباتك يارب يصبرك ويرزقك توأم زي القمر عاجل غير اجل بحق النبي

[Om nony 3nony]

شفيع لك باْذن الله
الله يصبرك ويربط على قلبك
ويعوضك يارب باللي تتمناه عينك وقلبك عاجلا غير اجلا ..

[Om nony 3nony]

شفيع لك باْذن الله
الله يصبرك ويربط على قلبك
ويعوضك يارب باللي تتمناه عينك وقلبك عاجلا غير اجلا ..

[sofita]

الله يصبرك يا اختي.. الم الفقد كبير
انصحك لا تجلسي وحدك و لا تكتمي احاسيسك و تكلمي مع اقرب الناس اليك، و ابكي، لا تكتمي في صدرك
انا مريت بتجربة الفقد و هي صعبة .. انا فقدت صغيري الاول بعد الولادة بساعات و الحمد لله على كل حال

بالنسبة للحليب، مبدءيا استخدمي كمادات مية سخنة حتى تحسي قليلا بالارتياح
اما الحبوب، لازم استشارة طبية خصوصا انها تسبب دوخة و اكتءاب و غيرها، و تؤخذ بجرعات محددة

الله يعوضك يا اختي عاجلا غير اجل آمين