السلام عليكم
اشتقتلكم كتير حبيباتي غبت مدة عن المنتدى ورجعت ومعي خبر سار يخلي كل وحدة منكن تتفاءل مهما كان وضعها لانو ربنا قادر على كل شي طبعا انا مثل اي وحدة تحلم تصير ام بعد زواجي صرت اترقب كل شهر واتابع الأعراض وشهر عن شهر مافي حمل سويت تحاليل انا وزوجي وطلعنا سليمين والحمد لله ،ومر كم شهر ومافي حمل كمان ،رحت للدكتورة وصفتلي كلوميد وإبرة تفجيرية مرتين وظليت اتابع الاعراض وسجلها بالمنتدى لكن مافي حمل وكان حجم البيوضات في المرتين منيح يعني مابين و18 -20 ووآخر مرة وصل 22 ودائما فيه أكثر من بيوضة والحمد لله لكن ماحصل حمل ككنت كل ماتشرف الدورة اسلم امري لله صحيح احزن ونفسيتي تتعكر وتعبت كتير حتى اهملت شغلي ودراستي وصرت منهكة نفسيا آخر مرة رحت للدكتورة دخلت جلست قدامها ابتسمت قالت حاااااامل قلت لالا ،قالت خلاص انت ماعندك شي وقفي كل الأدوية وفاضل أشعة الصبغة ارجعي بعد شهرين اذا مافيه حمل راح تسويها خرجت من عند الدكتورة مرتاحة نفسيا وقلت ان شاء الله يرزقني الله وماضطر لهالأشعة . وقلت يالله راح خليها على الله وماعدت افكر في الموضوع راح انسى الموضوع وافكر في شغلي وزوجي ودراستي بس لكن الماما كانت بين لحظة واخرى تتصل وتسأل بالموضوع ماخلاتني انسى الموضوع نهائي وفي كل الحالات هو في اللاشعور اكيد انا بس كنت اتظاهر اني نسيتو لاني بنفس الشهر اللي هو أفريل .شهر4 كنت اتمنى انو ماتشرف الدورة واتابع الاعراض في سري يعني دون مايحس زوجيوحتى ايام التبويض ماقلتلو انو هالايام فيه تبوض حاولت انو اتناسى الموضوع تماما واعيش حياتي بنفسيه منيحه وكان صادف يوم 14 من الدورة عيدج ميلادي وانبسطت فيه مع زوجي كتير وفرحت بالهدية وحاولت اني اقرب منو واعيش وقت حلو معو والحمل على الله لانو المسكين تعب معي ومن نكدي ودموعي وقلقي .طولت عليكم بس معليش خليكم معي لتشوفو السر الحقيقي صحيح العامل النفسي لو دور كبير في زيادة نسبة الحمل لكن ماخبي عليكم كنت افكر في الموضوع من حين لآخر ومتأملة يكون حمل بهالشهر..لكن فوضت أمري لرب العالمين وعملت برنامج وتوكلت على الله وكانت ثقتي بالله كبيرة انو الأمر بيدو وقادر يحققلي إياه:أل شي عملتو :سورة البقرة بنية الحمل ونية ابطال العين والحسد قرأتها يومين استغرقت المرة الأولى حوالي ساعة ونصف ،اليوم التاني ساعة وبس. صراحة كنت اقاوم لحتى اكملها لانو كان يجيني قلق كبير سبحان الله بعد القراة لحد البكاء ومن المفروض يرتاح ويطمئن قلبي وثالث يوم شرفت الدورة ويالها من دورة نزلت كتل كتل عمري ماشفتها بهالشكل وبهالقوة وفي الأسبوع اللي كنت فيه حائض حلمت حلم حلمت اني رحت لبيت أهلي وخبرت أمي اني حامل بالبداية وقالت ،بالحرف الواحد إنّها البقرة. وصحيت متفاءلة كتير وتحمست اني بعد الاغتسال راح اداوم على قراءتها وبشكل يومي وحصل كان تحدي كبير مع حالة القلق اللي كانت تزول تدريجيا حتى صرت ارتاح لما اتم القراءة وفضلا عن سورة البقرة كان الاستغفار والدعاء في السجود أربعين مرة ربي لاتذرني فردا وأنت خير الوارثين والصدقة كثفت هالبرنامج مع بعض طبعا كان يجيني احساس اني راح احمل هالشهر وساعات أتعمد أغيّب هالإحساس حتى مانصدم . وقبل هالحلم حلمت بأخي الله ب يرحمو يقولي اقرئي آيات الرزق استخرجت آيات الرزق من النت لكن ماداومت عليها ،المهم طلعت انا وزوجي مشوارفي يوم المسا ولما كنا في طريق العودة ماقدرت اصبر قتلو بدي تاست وكان فاضل عالدورة حوالي 12 أو 13 يوم وحكايتي مع التاست حكاية أخرى كنت ككل شهر اصرف عالتستات اكثر من اي شي ،المهم قالي ليش عدى موعد الدورة قتلو لا ماعدى لكن حبيت اعمل تاست وفجأة تذكرت شو نصدمت أمام التاست وأمام زوجي نزل واشترى التاست وبعدين قتلو هذا فضول بس لانو عندي آلام دورة والحقيقة كانت فعلا آلام دورة وسبحان الله كان تعشيش فعلا. عملت التاست وقبل الدورة بكل هالأيام وطلع خط واضح على طول طرت من الفرحة وكنت مخططة كتير خطط لخبر زوجي لكن فشلت وعرف في وقتها وماصدق من الفرحة حتى انو خاف ليكون متل مرة من المرات حصل معي هيك يقولو عنو حمل كيميائي وقالي انتظري لموعد الدورة ،و كان لازم ازور أمي قبل رمضان بيومين وفعلا تحقق الحلم كما هو وخبرت ماما انو فيه حمل ببدايتو واني قرأت البقرة وقالت البقرة السبب سبحان الله كلو تحقق بالحرف كان وصل موعد الدورة بهادوك اليومين وجري على المختبر عملت تحاليل وكانت النتيجة إيجابية واكدت لجوزي الخبر هو نفسو ماصدق اللي صار معي .أنا بس كانت ثقتي بربي كبيرة أحسنت الظن به فجزاني بالحمل والله مانفعني يابنات شي لا ابرة ولا كلوميد ولا اعشاب اللي كنت بجربها ميريمية وعصير اناناس وخزامى وغيروو مما جربتو نفعني كلام رب العالمين والعودة اليه ضعيفة متضرعة خاشعة له وحده القادر على كل شي، والآن انا [الأسبوع 12 ومعي موعد للدكتورة الأسبوع الجاي .هذي حكايتي عذرا لاني طولت عليكم .يارب ارزق حبيباتي متل مارزقتني واغمر قلوبهن بفرحة متل مافرحتني .