بسم الله الرحمن الرحيم
السلام عليكم
صبحكم الله بالخير
أكلمكم اليوم عن عصبية ولدي وبصراحة عمري ما توقعت إن في رضيع بهذه العصبية وحتى أخواتي لما يعصب يعطون نظرات تعجب وابوي يقول أكيد موسخ حفاضته
والمشكلة البيبي ما يقدر يتكلم كل الي يقدر يسويه يصرخ ويشمخ وجهه وراسه حتى لو كانت أظافره قصيرة وصار شكله كأنه متهاوش مع القطط
قبل الشهر الخامس كنت ألفه بالقماط وألبسه قفازات بس أحياناً ما يكونوا عليه ويجرح نفسه وأحاول ألفه بسرعة وهو معصب ويشد ويعطي بكس ويرفس وآخذه بحضني وأعطيه المصاصة أو أرضعه ويهدأ وينام
بعدين لما صار يتحكم بإيديه أكثر عرفت أنه يعمل كذا عشان عنده حكة في وجهه وراسه لأن راسه صار فيه قشرة ووجهه فيه أكزيما وشكلها تهيج أكثر لما ينعس عشا كذا كنت افكر أنه معصب عشان نعسان
طبعاً في كل موعد كنا نقول للدكتور على الحبوب الي في خدوده بس الدكتور يقول عادي أكثر الأطفال كذا بعدين يروح من نفسه ولا أعطانا أي حل
رحنا مستشفى ثاني وأعطانا الدكتور أدوية فيها كورتيزون وخفت أستخدمها لأن أكثر الناس يقولون مجرد ترك الأدوية ترجع مرة ثانية
ومستمرة على ترطيب البشرة بالفازلين
بس مرة أخذنا مرهم من الصيدلية وهيج خدود الولد وصارت قطعة حمراء مرعبة ورجعت للفازلين والحمد لله راحت بسرعة
أفكر حالياً أستخدم كريم جليسوليد الأحمر
الي جربته تقول لي كيف كانت النتيجة ؟
وإذا تنصحون بعلاج ثاني قولوا لي
مع السلامة