عشرت عمر 👸🏼

[ملك ملاكي]

السلام عليكم ورحمه الله وبركاته كيف حالكم جميعاً اخواتي انا هذي اول مشاركه لي اتمنى احد يفيدني



ذكرئ زواجي بعد شهر من اليوم وحابه اجهز له من الان صار لي 10 سنوات الحمد الله
بس هالمره محتارا ايش أسوي الله يوفق اللي ترد ويسعدها ويحقق ماتمنت

[انامل طفله]

مبروك يا عمري الله يخليكم لبعض يارب
وبالنسبه للمفاجاه .. تقدرين تسوين فيديو ف الكمبيوتر
تحطين صوركم من ايام الملجه لين اليوم مع اضافه الاحداث المهمه اللي صارت
في هالسنوات مثل اطفال او ترقيه او تخرج .. وكتبي كلام من قلبج ف الفيديو
واذا ما كنتي تعرفين لهاي البرامج تقدرين تسوين البوم تجمعين فيهم ذكرياتكم الجميله ..

ممكن تحتفلون في فندق وترتبينه من الالف للياء او يخت او حتى اذا صعبه عليج
في غرفه نومكم مع اضافه لمسات جذريه فيها ..

بالنسبه للهديه ييبي له هديه شي هو ف خاطره .. مثلا انا زوجي يحب الرياضه
وهالعيد قررت اشتري له آلتين رياضه ومتاكده راح يعجبونه .. مثال بسيط

اذا يحب الساعات خذيله ساعه او عطور او فون يديذ اذا تيلفونه قديم ..
وطبعا لا تنسين نفسج من الكشخه وتغيير اللوك كصبغ شعر ولمسات اخرى ..

ووممكن تسويله فلم هندي هههههه
انا مره سويت جي مع زوجي
تضاربت معاه ورحت بيت اهلي وقعدت يومين ارتب ويحاول يراضيني وانا مافيه
مو راضيه وكنت مجهزه غرفه في فندق باسم اخوي ومرتبه الغرفه انا وخواتي
وانصلت عليه الساعه ١١ بالليل قلتله تعال ابيك بموضوع ضروري ولازم نتكلم
لما اجا ركبت السيازه وقلتله امش المكان الفلاني .. صار يسال كثير وقلتله خليت اخوي يحجز
غرفه ابا اكون معاك لحالنا بدون الاطفال لازم اتكلم معاك وما ابي حد يسمعنا
وكنت حيل متضايجه واتاففف وكان مستغرررب متعجب ع الاخر
واول ما دخلنا سبرااااااااايس هههههه
انهبل بصراحه سويتله فلم هندي يعني ما اعرف اذا زوجك ممكن يصير تسوي معاه كذا
انتي ادرى اذا ممكن يتقبل او لا
بس كان يوم لا ينسى وللحين يذكرني بالمقلب هههههه
ان شاءالله اكون فدتج :) وسمحيلي ع الاطاله

[عايشه يوسف]

ههههههههههههه انامل طفله موتيني ضحك
الله يخليلكم ازواجكم يارب واختي انامل ماقصرت
او اذا تبين احجزي مكان خاص في مطعم وبلونات وكيك وحركات اشوف
الحركه هاذي كاثره السنه هاذي