تفسير الأحلام بإشراف المفسرة سعادة الروح

[لحظات سعاده]

السلام عليكم رمضان مبارك عليكم جميعا
من فضلك يا حبيبتي
حلمت اني في بيت عمت امي ( كنت عايشه معاها قبل الجواز) وكان زي ما يكون في حرب او ارهاب وقنابل وكده ولقيت ولد عنده حوالي 9 سنين او 11 سنه والولد ده كان هو الارهابي اللي مطلب انه يدمر البلد انا اخدته وقعدت اهدي فيه وافهمه ان اللي بيعمله ده ضدد الدين والانسانيه الولد ملامحه لانت شويه وصدق كلامي وبعدين اتعصب تاني وقالي لا ربنا يرزقني الشهاده والزريه الصالحه ويبقوا زي كده قولتله ذريه زيك الاهي ما تشوفهم ولا يجوا لو كانوا زيك كده فجاه لقيت جتله رصاصه والرصاصه دي مموتهوش بس رجعته طفل رضيع زي العسل جميل الوجه و قعدت ادور علي اهله علشان ابعتهلهم بصيت في البطاقه بتاعته لقيت اسمه صعب او مستحيل او تعب حاجه زي كده مش فكراه بس كان اسمه وحش اوي
امهم معرفتش اوصل ل اهله وفي ناس حبت تاخده مني انا رفضت وقولت لو ملهوش اهل هاخده انا وسميته عمر وكنت خايفه لحسن جوزي ميرضاش بس قولت مش مهم وروحت جبتله علبه زبادي واحده بامبرز وكنت فرحانه من جوايا اوي لان اول مره اشتري حاجه ل ابني بجد