تفسير الأحلام بإشراف المفسرة سعادة الروح

[um.shams]

كيفك سعادة الروح اشتقتلك ذاكرتيني شي والله كنت ملتهية ببنوتي ماعد حلمت من أساسه هههههههه لكن مبارح حلمت تلت أحلام ابشع من بعض دخيلك بتطمنيني كل ساعتين قوم رضع بنتي وارجع شوف حلم بينكرز المهم ياستي بلا طول سيرة اول حلم
شفت جوزي قاعد حدي وحاطط ايدو على كتفي ومقابيلنا اختو وقال هو سدلي تمي وانفي وانا فكرتو عم يمزح لحد ماصرت اختنق وبلعط لفك حالي وصحيت مختنقة وقبل بيومين شفت حالي عم اختنق وفكرتو كابوس لحد ماتكرر قلت في ان
الحلم التاني : شفت قال سمعت صفارات الانذار تبعت الحروب مشان ننزل عالملاجىء مع العلم انا ماحضرت بسوريا هالقصة ورحت جبت جواكيت لبنتي وابني ولبستن بسرعة وطلعت على بنتي الجديدة لقيتها محطوطة بهادا مضب البيبيات السميك تبع البرد وكان في تلج بقلب البيت ركضت عليها فكرتها ميتة من البرد لقيتها تحركت وفتحت عيونا لونهم بني وحلو كتير قلت منيح مافيها شي لننزل لكن وفقت كمان
الحلم التالت شفت قاعدين انا وجوزي مقابيل بعض بمنطقة ساحلية وهو عاطي ضهرو للبحر وكنت شوف موجة كتير عالية جاية صوبنا قمت قلتله اركوض وطلعت على درج انا وصلت باعلاه لقيت المي وصلت عندي ورجعت وهو مو مبين نزلت مرة تانية لشوف وينو وكانت ترجع هالموجة قمت رجعت ركضت لعالي هالدرج وكانت المي تصيل لعندي وكانت صافية زرقا ومبين تحت المي في عالم عم يمشو عادي قلت لحالي يمكن هدول ماتو لانو مستحيل يمشو وماعم يتنفسو وكنت شوف ولادي التلاتة قمت عم يمشو كمان تحت المي مذهولين وكنت اركض عليهم وحوشهم تلاتتهم وصير ابكي واتلفت حواليي وكومة عالم عم يتطلعو عليي وانا أتطلع فيهم وطاير عقلي من القصة وبس خلصت ليلتي السعيدة دخيلك انقذيني بتفسير