نغزات في الصدر ونزول أفرازات بيضاء مع ألم في الظهر والركبتين
نغزات في الصدر ونزول أفرازات بيضاء مع ألم في الظهر والركبتين
سلام عليكم
انا جديدة و اول مرة أكتب هنا
انا حملت أول مرة و محصلش نصيب و الاجهاض كان من حوالى شهرين .. بعد ما الحمل نزل الدكتورة قالتلى ان اول بيريود حتجيلك بعد الاجهاض حتيجي صعبة و بعد كده خلاص ... فعلا اول بيريود كانت صعبة و فيها من اعراض الحمل كمان و بعدها بردو جاتلى البيريود عادى
المهم بقا الشهر ده حصلي حاجات غريبة قبل البيريود بعشر أيام الأول فجأة ضغطى وطي جدا لدرجة مكنتش بتحرك و قيست الضغط لقيته نازل جدا مع انى كنت باكل كويس بعدها بيوم جات حاجات تانية ابتديت احس مغص شبه البيريود في جنابي و بطنى جامد فقلت البيريود ممكن اكون هتيجي بدري بس مفيش حاجه جت و بعدها بيوم تقريبا ابتديت أكل كتير جدا و اى حركة احس بارهاق و تعب مع احساس بالغثيان في الصبح حبه يكون قوي و حبه خفيف و نغز خفيف في الصدر و الجنب الايسر و نزل افرازات لونها ابيض بس بنقطة دم صغيرة مرتين يومين ورا بعض و طبعا الم في الظهر و الركبتين و عطش طول الوقت و صداع وعلى طول عايزة انام و بدروخ جدا بعد الاكل بالذات .....
انا شاكه في حمل بس إللى مخوفنى اكتر لو مطلعتش حامل ان يكون عندى مشكله او مرض ![hwaml13](images/smilies/TR (6).gif)