قلقت على ولدي بسبب اهلي

[نسمات عطره]

السلام عليكم ورحمة الله وبركاته

انا ولدي عمره سنه و9 شهور للان مايتكلم فقط يقول كلمات بسيطه مثل حبه(يعني بوسه) وتعال و آآآح (يعني يألم) وببح(يعني يبغي يتحمم) المهم اذا اروح بيت اهلي دائما اسمع هالاسطونه هذا اخرس ومتى راح يتكلم صار هالكلام يزعلني و يقلقني.. البارحه رحت وكان يعمل حركات ومايجلس ابوي صارخ عليه يقول ليه اجلس بلا هالحركات اتكلم كل الاطفال يتكلمون الا انت اخرس.. حز في خاطري هالكلام وزعلت... تعبت من كثر مايقولون له اخرس وصرت اخاف يمكن فيه شي مع انه يفهم اذا اطلب منه شيء يجيبه لي مثل اقول ليه جيب منديل يعطيني اياه او اقول له عطني كره يجبها لي وماشاء الله فهمه تمام ويعرف الى كل الاشياء

[MissMe]

المشاركة الأصلية كتبت بواسطة نسمات عطره

السلام عليكم ورحمة الله وبركاته

انا ولدي عمره سنه و9 شهور للان مايتكلم فقط يقول كلمات بسيطه مثل حبه(يعني بوسه) وتعال و آآآح (يعني يألم) وببح(يعني يبغي يتحمم) المهم اذا اروح بيت اهلي دائما اسمع هالاسطونه هذا اخرس ومتى راح يتكلم صار هالكلام يزعلني و يقلقني.. البارحه رحت وكان يعمل حركات ومايجلس ابوي صارخ عليه يقول ليه اجلس بلا هالحركات اتكلم كل الاطفال يتكلمون الا انت اخرس.. حز في خاطري هالكلام وزعلت... تعبت من كثر مايقولون له اخرس وصرت اخاف يمكن فيه شي مع انه يفهم اذا اطلب منه شيء يجيبه لي مثل اقول ليه جيب منديل يعطيني اياه او اقول له عطني كره يجبها لي وماشاء الله فهمه تمام ويعرف الى كل الاشياء

الله يحفظلك ولدك يارب ..وتراه مافيه الا العافية..
مشكلة الاهل تبتدي بالمقارنات بين الاطفال ... هذه مشى وهذا للحين ماطلعت اسنانه وذلك ما حبى !!

عزيزتي تركني عنج كل هالكلام لان كل طفل ينمو بالطريقه اللي جسمه يقرر فيها .. بعطيك مثال وهو ولدي ... لي عمر السنه ما حبى لكن انتقل للمشى اسرع وصار يركض .. لانه شايف اليهال حوله يركضون وهو يحاول يجاريهم .. ف مخه قرر ان الاولوية تكون بالركض..

بالنسبة للكلام ... بعض الاطفال لما يشوفون الكبار انهم يفهمون منه الكلمة ولا الكلمتين ف تلقائيا ما يحاول يكون الجمل لان الهدف وصل بالنسبة له ..
انا طفلي اعتمد هالشي ... مثلا يقول لي ماء ف انا انط اسرع اجيب له الماء لاني فهمت مبتغاه وهذا غلط ..
وكلمت دكتورى بهالشي ف راح اخبرك شتسوين...
اذا جاء وقالك كلمة وحدة (انتي بالعاده راح تفهمين شنو يبي) سووو نفسك طفلة مثله وحاوريه ...مثلا قال ماء ... قولي شفيه الماء .. بيحاول يكرر الكلمة عشان يفهمك لكن انتي كرري الاسئلة ..
ماء ..شفيه الماء؟ \\ ليش تبي ماء \\ تبي ماء بارد ولا حار \\ ومثل هالمنوال

انا جننت ولدي بهالطريقه ليما اقتنع انه يسوي جملة مفيدة :)

اتمنى افدك من تجربتي :)

[نسمات عطره]

مشكوره حبيبتي ماقصرتي بردتي قلبي الله يبرد قلبك... ان شاء الله راح اتبع طريقتك