توقف نبض الجنين في الأسبوع 12

[Om Mohammad]

السلام عليكم ورحمة الله وبركاته

يابنات انا حامل حاليا في الاسبوع ال 13 وكانت كل مراجعاتي كويسه واموري طبيعية وفي كل زيارة تسمعني نبض الجنين واخر زيارة حتى قمت اشوفه يحرك يدينه ورجلينه

لكن بعدها بعشر ايام رحت لموعدي وللأسف بلغتني الدكتورة انه الجنين متوقف نبضه وقالت لي من الواضح انه اليوم توقف نبضه ولا يتحرك وحاولت كثير بالجهاز ولا حصلت نبض
( وهذي الدكتورة مو اللي اراجع عندها دايما كنت اول مرة اروح لها وبمستشفى ثاني)

طلعت منها منهارة ورحت لطوارئ مستشفى الولادة وحطت الجهاز علي وعلى طول قالت فعلا النبض توقف اليوم عطتني موعد للتنظيف لان الحبوب اللي تنزل الجنين مقطوعه عندهم او قالت لي تضلين بالبيت لين ينزل لوحده

وانا حاليا تعبانه نفسيا واحيانا يجيني امل بسيط انه يرجع النبض واحيانا اقول مستحيل وفيه اكثر من وحده قالت لي لا تنزلينه فيه ناس يرجع لهم النبض
هل فعلا فيه ناس قالو لهم النبض متوقف في الاسبوع 12 وبعدها يرجع ؟

وسؤال ثاني بنات وين افضل اروح تنظيف مباشر والا انتظر ينزل في البيت لوحده

وسؤال اخير كيف الالم لما ينزل نفس الولادة او اخف ؟ انا خايفه كثيييير

جزاكم الله الف خير وربي يوفقكم

[متفائلة بالخير دوما]

إن شاء لله خير
غيرى الدكتورة واعملى سونار تانى

[دلوعة بالحيل]

راجعي دكتوره ثانيه للتأكيد
و اذا متوقف النبض
ربي يعوضك خير و يرزقك الحمل السليم

[ياشمس عمري]

مرحبا اختي..اللي صار معاكي نفسه بالضبط صار معايا رحت عند دكتورتي وخبرتني بتوقف النبض رحت حكومي واكدو وكنت نفس اسبوع حملك والحمد لله ..وقالتلي الدكتورة ننتظر اسبوعين اذا مانزل من حاله نسوي تنظيف والحمد لله بعد اسبوع نزل من حاله بس كان بسبب شي فجعني..المهم من ناحية الالم طبعا فيه الم نفس الدورة واقوى شويتين..والنزف كان شديد من ٢ بالليل ل ٩ صباح وانا بالبيت مارخت المستشفى ونزل قطع كثيره والحمد لله مااحتجت تنظيف..لانهم اعطوني طلق فنظف كل تللي اللي برحمي وسلامتك ومعوضه خير يااارب.

[Om Mohammad]

مشكورين بنات

انا الحين صار لي اسبوع بالضبط وانتظر الفرح ومو حاسه بشي ولا ينزل علي شي
فيه شي اشربه عشان اعجل نزوله ؟

[Om Mohammad]

مشكورين بنات

انا الحين صار لي اسبوع بالضبط وانتظر الفرح ومو حاسه بشي ولا ينزل علي شي
فيه شي اشربه عشان اعجل نزوله ؟

[كنزة زوجي]

أنا صار لي مثلك سبحان الله،بس نزل مني دم ولما رحت للموعد قالو سبب النزيف هو موت الجنين رجعت للبيت وبالليل إجاني طلق بس على خفيف مو مثل الولادة أبدا هذه ياريت الولادة كذاًالمهم لمن زياد الالم رحت طوارىء والدكتورة طلعت البيبي في كيس الحمل مثل كلية الخروف كان الكيس ،بس أنا شربت قرفة كثير كثير وبعد ما نزل البيبي كمان ضليت اشرب قرفة يوم وليلة حتى نزلت المشيمة تبع البيبي والحمد لله على كل شيء

[دانة البيلسان]

مرحبا
صار لي چذي توقف نبض الجنين في الأسبوع 12
وجاني عقبها بيوم نزيف وآلام ولادة وسوو لي عملية تنظيف
الله يعوضك ان شاء الله