اسئلة في بالي بعد الولادة

[تعبنا نشرب الغربة]

أختي الخيوط تذوب في الجلد انا صار معي كذا
وبعضها تنفك من حالها بس استمري على المر
والزيت زيتون والميبو عشان يلتئم جرحك و تنفك خيوطك بإذن الله
والخيوط تختلف من حرمة لأخرى بس إذا صرتي تمشين طبيعي ولا فيه ألم إلا ألم بسيط هو ألم الجرح كذا تكون انفكت خيوطك
الشي الثاني حبيبتي لازم تهتمي بأكلك يعني لازم تشربين قرفة بدون سكر وحليب بزنجبيل وحلبة وقشر قهوة مع زنجبيل أخضر ولازم تكثري من المشروبات الحاااارة حتى يتنظف رحمك وبطنك
وحطي في غرشة موية فاضية مر و عليه مويه وخليه يتنقع واشربيه وكلي لك ملعقة عسل طبيعي على الريق وخلي مامتك تسوي لك في الفطور فته بالتمر والسمن البري مع حليب بالزنجبيل وتداركي عمرك لإنك راح تندمين بعد الأربعين إذا جاك هوا و قعدت تنزل عليك مويات وخرابيط
والبلاط لاتمشي عليه حافيه تدفي زييييين وتبخري بالمرة والكمون وقشر البصل
و مرة تبخري بالخوا جوا
زبعد ماتتبخرين البسي شرابات وطرحة و روب يدفيك وناااامي في مكان مافيه مكيف والرشاد ماانصحك فيه لإنه يفكك الظهر وريحي ظهرك زيييين والفترة هذي مهمممممة جدآ لازم تريحي فيها
والله يقومك بالسلامة يآآآرب