تجمع حــوامل التوائم

اول غرام · 12-09-2010, 10:24 PM

ساره

ربي يهون عليك ...

استخدمي زيت اللوز المر من وادي النحل مره زين للحكه ... والبسي قطني...

بالنسبه للحكه ماتضر الجنين بس تسببلك تشققات وصعب تعالجينها

بعدين فانتي لاتحكين امسحي على بطنك كأنك تدلكينه ..

وان شاء الله ماتشوفين شر ... وماعليك الا العافيه ...

اول غرام · 12-09-2010, 10:28 PM

ام سولي

كيفك واخبار سولي..؟!

مشكوره ع الاسماء الي طرحتيها .. بس زوجي رافضها ... قد عرضتها عليه قبل كذا ...

بالنسبه لسولي ... لاتأمنين بنتك عند اي احد ... خذيها معك بالزواج ... وان شاء الله ماعليها شر ... خليها بعيد عن البخور...

زود الغلا

اسم حلا صحيح مرررره حلووو ... ام زوجي بعد عاجبها ...

ربي يهون عليك بالسلامه ....

بنت الهدى · 12-09-2010, 10:30 PM

شخباركم يا كروشااات
الله يسهل عليكم يارب
مشكوووورين لك من بارك ليي

بنت الهدى · 12-09-2010, 10:41 PM

أكــــــــــشن ولادتــــــــــي
كان عندي طلوق لمدة يومين طبعا ما اقدر انام وكان الطلق مو منتظم انتظرت هاليومين يمكن ينتظم بس لا حياة لمن تنادي تعبت من الطلق وقررت اني اروح المستشفى وطلع في الجهاز اني في طلق بس الرحم مسكر تماما واستغربت الدكتورة ان لييي يومين وللحين حتى واحد سانتي مو مفتوح وعلى طووول ودتني غرفة الولادة وقررت لي عملية طبعا انا كنت اصيح ما ابغي العملية بس الدكتورة رفضت انها تعرضني للولادة الطبيعية ودخلت بعد معاناة لغرفة العمليات وبعدها بربع ساعة سمعت صوت أول بيبي وبعدها بدقيقة صوت البيبي الثانية ......
طبعا انا جربت من قبل القيصرية بس احس ان هالعملية تعبت وااااجد وللحين اتالم منها وظهري للحين يعورني احس ان جسمي يبغي له راااااااحة

جومانا · 12-09-2010, 10:53 PM

هلاااااا فييييك بنت الهدى
والحمدلله على السلامة
ومبروووك ماجبتي
بس ابي اسالك جربتي المشي وشربت شي يفتح الرحم

زود الغلا · 12-09-2010, 11:31 PM

ورود من نور .......بصراحة انا تعبانة لدرجة اني ماعاد اقدر اتحمل وبطني حدة مشدود ومافية مجال اكثر من كذي ووضعية الاجنة عندي اخر مرة وحدة فوق ووحدة تحت وعندي موعد يوم الخميس الجاي ااااااااااااخ احسة كانه بعد سنة وببكي :( عند الدكتور عشان يولدني .
جومانا ...كلنا تعبانين ومعاي طلوق صرلها فترة وتزيد بليل يااااااااااااااارب تهون علينا .
اول غرام ........ خليك على اسم حلا حييل حلو .
بنت الهدى ........الحمدلله على السلامة ومبروك ماجاك ...شلون البيبيات طلعوهم معاك والا لا .... وكم وزنهم ؟؟نفس السونار .

اول غرام · 12-09-2010, 11:32 PM

بنت الهدى

اهم شي سلامتك ياقلبي ... وسلامتهم ...

وان شاء الله ربي يقومك بالسلامه وتشافين ....

عشمانه في ربنا

عظم الله اجرك .... تروحين وترجعين بالسلامه ...

جومانا

الله يهون عليك ... بدا العد التنازلي ... ربي يكتبلك السلامه ولاطفالك يارب

ام عدي آل الشيخ · 12-10-2010, 12:10 AM

الغاليات : زود الغلا و اول غرام ما تفقدون غالي ابد ..
بس انا تعبت الفترة اللي راحت كان عندي آلام زي الطلق .زوماكنت اقدر اجلس ولا انام زين يعني تعبت حيل بس الحمد لله عطتني الدكتورة يوتوبار وكنت لما اكلها ارتاح شوي .والحين الحمد لله رب العالمين دخلت التاسع وربي يهون ان شاء الله ..ربي يهون عليكم بعد وتفرحون بتوائمكم اللهم آمييييييييييييين ..

زود الغلا · 12-10-2010, 01:00 AM

ام عدي . ماقالولك متى يولدونك ؟؟؟ اخر مهلة لك متى ؟

ماء المسك · 12-10-2010, 01:39 AM

مشاء الله مبروووووك حبيبتي بنت الهدى والحمد لله على سلامتك وسلامة البيبيات ويتربون في عزكم يارب وعقبال لبنات التاسع