لحقو علي دخلت العاشر وانا مافيني طلق

[ام احمدان]

بنااااات لحقوو علي
انا خلصت شهري وزيااده
صار لي 5 ايام من دخلت العاشر
ياربي لا طلق طبعا ولا هم يحزنون بس يوم فحصتني الدكتوره قالت لي مفتوحه 2 سانتي
وقالت تعالي بعد يومين نعطيج طلق صناااعي ~> ماااااابي

شسوي بنات ماكو دارسين و زنجبيل شربنا ومشي ومشينااا
مابي طلق صناعي ابي اولد طبيعي وانا توني بجريه مابي اتعقد على اول حمال

ساعدوني شسوي اروح لهااا واخذ الطلق ولا انطر جم يوم ؟

[حامل الله ياجرنا]

ليه بس 5 ايام وتقول طبق صناعي حنا يعطونا اسبوعين بعد الموعد يعني تعطيج المفروض اسبوع زياده ..
او يمكن ان كانت سوت سونار شافت المشيمه شاخت خلاص فحبت تعجل ولادتج
او ان قلب الجنين بسبب انتهاء قدرة المشيمه ضعف المهم انتي سألي دكتورتج شسالفه تعجيل الطلق واتولاده لان هي ادرى مني ومنك
وربي يهون عليك يارب

طيب كل شي من المحرضات عملتيه ؟؟؟ شرايك تندعسين عند ابو الشباب اليوم الجماع من المحرضات كود يفتح الرحم اكثر ويجيك طلق
لان زوجي من يجامعني يجيني طلق بس انام بفراشي لاامشي ولا اشرب شي ساخن خخخخخ
خبرج انا كسوله مره وانتظر الشي على برادات

[ام شوق2]

اختي انا انصحك تشربين زيت خروع يقولو اذا شربتيه والرحم فاتح تولدين بسرعه انا صراحه ما جربته بس ناويه اذا عوشرت اشربه لاني كل مره استنى اسبوع ما يجي طلق ويحطون لي صناعي واذا شفتي ما في فايده روحي للمستشفي لا تتأخرين

[rose]

كلام البنات صصصصصصصح
جربي الجماع وزيت الخروووووووع
ونصيييييحة لاتروحي الا وانت مستوووووووووية ع الاخر يعني لو كل5 دقايق جاك طلق

[عاشقة الجنه]

طيب بستفسر زيت الخروع يسبب اسهاااال يعني بيرهقها والامعاء مالها دخل بالرحم؟
لازم اسبوعين بعد التاسع يعطونك فرصه علا ايش مستعجله الدكتوره

[ام شوق2]

صح اختي زيت الخروع يسبب اسهال وتعب بس اهون من الانتظار والقلق انا اولد بالعسكري وما يعطوني فرصه اكثر من اسبوع بعد ما ينتهي التاسع لانهم يقولون خطرالتاخير اكثر من كذا

[مرومه]

نفس الحاله لي بالعاشر 5 ايام

ومارحت المستشفى

مافيني الا الام خفيييييييييييييفه تجي كل يومين 3 وتروح

ومدري اذا الرحم انفتح والا لأ

[ام احمدان]

وااااي فديتكم والله
انا قالت لي تعالي بعد يومين عشان نبض البيبي شوي كان مو اوك انا حااسه بهالشي
وزيت خروع شربته وياليتني ماشربته متعبني حييييييل ولا جاب نتيجه
نصيحه لا تاخذونه مو شي
والجماااااااااااااااع اخييييييييييه زوجي مو عندي اصلا لو مو الجماع جان ما انفتحت 2 سانتي
اخيييه ريلي ماطول يومين قعد عندي وراااح ~>خبرج اهو اهله فديره وانا اهلي فديره وانا عند اهلي الحين

و من صجكم احس خلاص اشتقت للبيبي بشوفه ماقدر اصبر بعاد انا بشوف بكرا بسوي تخطيط اذا قالو كل شي اوك ماباخذ الطلق بنطر كم يوم

اذا ماشي نتيجه باخذه وبفتك وربي الحافظ

بنات تكفوووووووون ادعولي اول طبيعي ويكون بس ادخل المستشفى اكون فاتحه 5 ولا 6 سانتي وادخل ولاده ع طووول وان شاء الله اكون انا والبيبي بصحه ممتازه ماهمني شي اهم شي الصحه والسلامه

وتسلمون فديتكم عالردوووود

[زهرة البنفسج]

الله يسهل عليك يارب وتقومين بالسلامه يارب

[أإأم ع‘ـــزُوـوزُ]

الله يسهل عليكي يـآـآرب