تجمع حوامل المدينة المنورة

[رهف العواضي]

الســــــــــــــــلام عليكم جميعا"



وحشتووووووووني يا بنات لك ....



كلكم ...وخصوصا: بنات تجمع شهر ذو الحجة ومحرم لاني كنت في ها التجمعين



انا كنت محتارة متى باولد ...في ذو الحجة ولا محرم



بس ولدت في 9 محرم

والحمد الله



قصة ولادتي ابتدت من اسبوووووووووووع



الرحم كان مفتووووح 2 سانتي



والطلق باااااااااارد جدا جدا" ...ده الكلام كان من يوم الاحد ...



ويوم الجمعة صحيت تعبانة ومرهقة وكالعادة المغص لاعب فيني من يوم الاحد ....



الوالدة الله يحفظها شافتني قالت لي لازم ترووحي للدكتورة وشوفي ايش راح تقولك ...





وانا روحت العصرية وعشان يشوفوا اذا في ولادة ...



دخلوني غرفة نبض الجنين وشافوا ان الطلق موجوود بسس خفيف ....



وبعد كده روحت امشي انا وزجي لين ما حسيت انو التعب زااد شوي عن اول ...





بعدين روحت للدكتورة الساعة واحدة الليل













وقالت لي الرحم مهيأ للولادة وخيرتني ما بين التنويم او اني امشي وانا قلت خليني امشي احسن ..







وفي الصبااااااااااح دخلت الحمام اكرمكم الله ولقيت زي بداية الدورة عندي ....





وع طوول كلمت امي ...وزوجي لاني في الليلة نفسها روحت من عند الدكتورة لامي ..ما روحت بيتي نمت عند امي الله يحفظها ..













وع طوول روحت المستشفى ...واتنومت بالمستشفى والرحم كان لا زال 2 سانتي وموية الراس ما نزلت ...كانت الساعة 8 الصباااح ...



والدكتوة نصحتني امشي لين ما الرحم يفتح عشان يدوني الطلق الصناعي ...



والرحم يمكن ما انفتح الا ع الساااااااااااااااااااااااااااااااااعة ...كم؟؟؟؟!!!!



8 الليـــــــــــــــــــــــل...

ودخلت غرفة الولادة وكان من حظي اسوأ دكتورة في الموااااااااااااااااااااااساة ....





دكتورة إيمان ...



ايش اقولكم يا بنات يمكن كانت ولادتي متعبة ومتعسرة من ناحية الطلق والاوجاع المؤؤؤلمة جدا"



بسسسسسس موقف دكتورة ايمان ما انساه ..



تخيلوا يا بنات الراس كان في الاول مرفوووع بس ربي اذا اراد ان يقول له كن فا يكوون



الراس كان فووق بس سبحان الله نزل وهي في الاسفل بتراجع المرضى ...



هذا غير انو كان في ايدها اربع حالات ولادة ...وانا كنت من ضمن ها الحالات ... وهي بيرسلوا لها انو المريضة تعبانة جدا".. وهي يتقولهم الراس لسه فووق ..هذا غير انو حاطتلي ممرضة جديدة لسه متعينة جديد ...يعني ما هي عارفة ايش تسويلي اقولها حاسة رجولي تعورني تقولني لسه ....



وانا خلالالالالالالاص ..حاسة ما ني قادرة اتحمل الألم ...راحت الدكتورة توصي الممرضة انها تديني ابرة تهدي الطلق شوية وامي راح تصرخ عليها ( ع الممرضة )



انو انا من الساعة 8 الصبااح اتعذب ولما خلالاص قربت اخلص تبغى تهدي الالم عشان تمسك الحالات التانية ...



طبعا: الساعة وقتها تقريبا" 10 الليل ....



وزوجي اتصل ع امي يطمن عليا وامي قالت له زوجتك تعبانة ..فراح يدور ع الدكتورة وشافها قاعدة في غرفتها تعاين المرضى ..





وراح يهزأ في الطورائ ويقولها زوجتي بين الحياة والموووت وانتي هنا .....





طبعا هي وقتها دخلت الغرفة وراح تقولي ...انا اللي ادتيك الطلق الصناعي انا اللي سرعت الطلق ليكي الحق عليا ..ومن ده الكلام



وانا خلالاص دايخة لاني راس ولدت تحت ....واقولها معليش سامحني ......



اااااااااااااااااااااه كل ما اذكر اللحظة دي اقول في نفسي يااااااااااارب

حطها في الوضع ده نفسه ....



والحمد لله انو امي كانت معاي من غيرها ما ادري ايش كان راح يصيريلي ....



ولما قعدت زي اللي احرجت قالت الراس اهو ....

امي قالت لها شوفتي يعني احنى لما نادينا عليكي ..مو لعب والحمدلله ولدت ابني بالسلامة ...



طبعا انا ولدت في المواساة مرتين عند دكتورة منال ..وكانت ممتازة جدا" بس حظي طاح ع دكتورة ايمان ...لانو نظام انك تطلبي الدكتورة اللي تبينها التغت ...



الدكتورة المناوبة ..اهي اللي تولدك ...









ودمتــــــــــــــــــــــم سالمين