للتفاؤل جيت هنا تكفون لاتخلوني

[ماسه]

مرحبا بنات ..
اولا اسفه اني جيت هالقسم وبكتب موضوع ماله علاقه بهالقسم لكن جد احتاج اكتب موضوعي هو فضفضه اكثر منه استشاره ..
اه يارب ترحمني ..
قصتي قبل شهرين بالضبط سويت اشعه صبغيه والحمدلله ماطلع عندي اي مشكلة إلا رحمي راجع لورى وتعبانه من هالقصه للحين لاني سمعت كثير يقولون انو مايصير حمل الا لما اسوي تمريخ وانا ابي وحده ثقه وعن تجربه وللحين ادور مالقيت :( ..
..
المهم انو بعد الاشعه الصبغيه طحت وانا اغسل مطبخي على ظهري ومن بعدها جلست3ايام اسفل ظهري يألمني وبطني كأن الدوره وفعلا نزل مني دم فاتح يوم7محرم واستمر يمكن ساعات وبيوم8محرم وقف و9محرم نزلت دورتي طبعا انا من يوم 7محرم بنفس اليوم رحت لها وقالت عادي تصير تقدم الدوره والطيحة مالها شغل وساعات يجي لخبطت هرمونات وتنزل الدوره بدري موغلط ..
..
المهم ان الدوره اساسا عندي 4ايام بس لكن هالمره دوره غريبه جدا استمرت حتى اليوم السابع تنزل مني وانا بنفس اليوم رحت للدكتوره وقلت لها ان دورتي مطوله وش السالفه واعطتني دوفاستون وقالت تبدأين من اليوم تأخذينه لمدة20يوم ..
حبتين باليوم ولو ماوقف الدم تأخذينها 3حبات يعني كل8ساعات ..
والحمدلله وقفت تماما الدوره واستمر الطهر عندي 5ايام وباليوم السادس نزل مني افرازت بنيه وهذا يعتبر اليوم 11 من الدوره قلت يمكن تبويض قوي لاني قريت كذا بالنت ومارحت للدكتوره ولما جلست يومين ضايقتني هالافراازات صارت تنزل احيان دم احمر فاتح فقررت اخذ دوفاستون3حبات زي ماقالت لي قبل واخذتها يومين وفعلا وقفت هالافرازات
قلت اجل برجع استخدمها مرتين ولما رجعت استخدمها مرتين باليوم رجعت تنزل هالافرازات!!!!!!!!!!
اه يابنات جد تعبت والله العظيم تعبت ..
اليوم رحت للدكتوره وشرحت كل هالشي وقالت لي هذي مشكلة ببطانة الرحم والحني لام تاخذين دوفاستون 4حبات باليوم كل6ساعات .. لحد يوم الاحد وبعدين وقفيها
وبعدين انتظري5ايام وبتجيك الدوره ولو ماجت تجين تحللين يمكن ربي كتب لك حمل ..

انا طبعا واستغفرالله من هالكلمه يأست بصراحه من اني حكون حامل هالشهر
لان هالافرازات كانت اغلب الاوقت موجوده تخيلوا يعني ماطهرت صح الا 5ايام بس وكانت بعد الدوره مباشره يعني نسبة حملي بعد الدوره مباشره مو كبيره اساسا اكيد مافيه تبويض !!!!
بنات ..
جد اسفه اني كتبت هنا وجد اسفه اني تكلمت كثير لكن والله العظيم تعبانه نفسيتي تعبانه كثير بس طلب صغير
تكفون ادعوا والله العظيم تعبانه ..نفسيتي جدا سيئه ..
يااااااااااااااااااااااارب تصير معجزه إلهيه واحمل هالشر تخيلوا رغم كل مامريت فيه الا اني لازملت بلحظات معينه اتفائل اني بحمل ..
الله كريم وعذرا يامشرفات بس لو موضوع مخالف للقسم عالاقل خلوه لي يوم بس يوم ابي ادخل هالقسم القى نفسي كاتبه شي هنا ..

[حرير]

اولا حالتك ياحبيبتي ماهي صعبه والحمد لله
ثانيا خلي ظنك بالله حسن دااائما لا تتشائمي
لان الله عند ظن عبده ان كان خير اعطاه خير وان كان شر اعطاه على حسب ظنه
ثالثا اعرفي ان كل تاخيره هي خيره وعسى ان تكرهوا شيئا وهو خير لكم
وفيه ناس كثيرررر حالتهم اصعب من حالتك تكاد تكون ميؤس منها وسبحان الله بقدرت الله ومنه وفضله حملوا وبعض الاحيان بدون علاج او غيره
رابعا ادعي ربي الواحد الاحد الفرد الصمد الكريم المنان الرزاق انه يفرح ويرزقك ويرزقنا ويرزق كل من تتمنى الحمل عاااجلا غير اجل
اللهم امين يارب العالمين
الله يشرح صدرك ويمكن قلبك ياغاليه

[ماسه]

حبيبتي حرير ..
شكرا كثير لردك .. انا ولله الحمد مؤمنه بقضاء الله وقدره والحمدلله مطمني ان وضعي مو سيء للغايه بس تعرفين ضغوطات من كل جهه خصوصا انو كل اللي تزوجوا معاي وبعدي خلفوا ماشاء الله تبارك الله ..
وفهي ناس بجد مايفهمون وش معنى انك تصرفينهم لازم كل شوي يسألونك كل ماشوفك يقولون وش فيكم لايكون فيكم شي ..
وربي صرت جد اتضايق من اسئلة الناس .. تدرني حتى ام زوجي بدت تتكلم عند الناس انو ولدي الكبير وللحين ماشفت خلفته ومادري وش فيهم ومحد قالي
يحسسوني اني مذنبه طيب شي موبكيفي وانا وزوجي متفقين ابدا مانعلم احد على الاسباب وجوابنا دايم واحد الله يرقنا ان شاء الله لسى بدري ..
..
جد شكرا لك وربي بأذن الله معاي وانا وكلت امري للواحد القوي الجبار القوي..
اللهم ارزقني يارب .

[**سماسم**]

وكلي أمرج يالغاليه على الله و إن شاء الله بيفرجها
,,