تجمع امهات التوام حياكم

[زود الغلا]

صبااااااااااااااااح الخير
شلونكم يا امهات
سارة :) يا حلوك توك انت واسألتك .... ياقلبي انا اخذتها في الاسبوع 33 بالخاص والحكومة مارضوا يعطونها لي والدكتورة بالخاص عصبت قالت لازم تاخذينها لانه التوام من الحالات المعرضة للولادة المبكرة .
يااااااااااااابنات
امس صارلي موقف يعور القلب بنتي شرقت بالحليب وختنقت ووقف النفس عندها دقايق وصار لونها ازرق وانا وامي نحوس فيها ونبكي مو عارفين نتصرف وعيونها تتقلب وطرت فيها انا وابوها المستشفى وفحصوها وسولها اشعة وقاسولها الاوكسجين وكل شي تمام الحمدلله .. واخذت لها ساعة دايخة ويالله فتحت يااااقلبي الله يحفظها لي ويخليلكم لاعيالكم ساعدوني اخاف ترجع لها الحاله تكفووووووووون الله عندها فكرة تفيدني .

[بروفكشن]

هلا بنااااااات شخباااركم

زود الغلا انتي اذا رضعتيها شديها ودايما خلي راسه مرفووع اشوي علشان حتى لو شرقت مايرجع لها الحليب وتختنق

انا بنتي يوم رضعتها نسيت مترفعت راسها اشوي رجع الحليب لها وخفت عليها مررررره

قامت تطالع ماتتحرك شلتها بسررعه بغى يوقف قلبي

انتبهي على بنتك

[محجبه]

زوز شلونكم وباااااقي البنات
انا شرقت بنتي ماردني الا الطواري اه من الشرقات ترووووع لكن لقينا الحل سريع قال لنا واحد اكب بنتي اقلبها واطققها على ضهرها كم مره ثم اعدلها واضغط على مكان فوق البطن اللي بين الضلوع ضغط خفيف باصابعي يمكن خمس مرات وبعدها تنفس على طول وترتاحين من الروووووعات اللي كنت زيك

[الذوق]

بسم الله الرحمن الرحيم
نوع الحمل=مشيمه وحده وكيسين
هل الولاده طبيعي اوعمليه وبنج كامل اونصفي=عمليه بنج كامل
مدة الحمل=اول يوم في الاسبوع 39
هل جلسوا في الحضانه=لا الحمدلله
كم اوزانهم وقت الولاده=ماشاءالله الواحد كيلوين و800
نوع المواليد=ذكور
طريقة الرضاعه=طبيعي وصناعي
اذاكان طبيعي كيف توفقين بينهم اذاقل الحليب اونشف=اعطيهم الصناعي
كيف نبدا بتنظيم النوم بالليل=اعطيهم رضعه صناعي عشان مايجوعوابسرعه واكوفلهم(امهدهم)واحضنهم بقوه الين مايناموا على صدري واحطهم بسريرهم
نوع الحليب ومميزاته ومساؤه=جربت كذاواحد لكن الكتور عطاهم رونلاك جنتل كبرهم ماشاء الله
نوع الحفائظ=بيبي جوي
وش اكثرشي متضايقه منه ويعانون منه=الزكام جابلي الجنان والحمدلله راح والمغص
الادويه اللي ياخذونها=الحمدلله مافي
مين يعاونك فيهم وعلى شغل البيت واخوانهم اللي من قبل=اخوهم الكبير وجبت لي شغاله لكن للاسف بتروح الله يعيني
وش تستخدمي لهم للمغص والانتفاخات والامساك=على طول اليانسون والشمر
وش تعطونهم يشربوا غير الحليب=ولاشي
متى بتبدؤن معاهم اكلوراح تبدؤ بايش=يمكن من الرابع اذاسمحت صحتهم وراح ابتدي بالسيريلاك
هل حملهم طبيعي اووراثه اومنشطات=الحمدلله طبيعي
طريقة استحمامهم وكل كم =اخلي المويا داااافئه واقفل البانيووانزل ملابسهم واحطهم في البانيوواروح اجهز لبسهم لاتنسون اخلي المويا تصب بشويش في البانيووارجع اروشهم بالشامبووبعد الصابون واخليهم شوي في المويا احسهم حتى النوم يبوا يناموا واخذهم على الغرفه واحد واحد موبارده طبعا والبسهم واحممهم كل يوم

[الذوق]

زودالغلا وجومانا الحمدلله على سلامتكم واللللللللللللللللللللللللللللف مبروك يتربوا بعزكم وربي يعينا على تربيتهم وهلا ومرحبا فيكم بصف امهات التؤام

[ام الحلوين""]

السلام عليكم

كيفكم بنات والله اشتقت لكم والحمد لله علي سلامتكم
وقريب بأذن الله انظم لكم عمليتي بعد عشرايام الله يسهل علي ادعولي اقوم بسلامه
انا والتوينز ويرجعني لعيالي سالمه والله احاتي وبالي مشغول مع بنتي الصغيرة

[زود الغلا]

بروفكشن ........ محجبة ... الله يجزاكم خير على ردودكم والله لا يحطكم بهالمواقف .
الذوق ...........الله يبارك فيك ياقلبي .
ام الحلوين ............الله يسهل ولادتك ويخليلك بنتك اودعيها الله وسبحانة بيحفظها .

[بروفكشن]

هلا بنات

زود شنو الحليب اللي تستخدمينه لبناتك

واذا جاهم مغص شنو تعطينهم

[زود الغلا]

المشاركة الأصلية كتبت بواسطة بروفكشن

هلا بنات

زود شنو الحليب اللي تستخدمينه لبناتك

واذا جاهم مغص شنو تعطينهم

هلا والله حليب بناتي نوفولاك ... والمغص اعطيهم ماي غريب وبعدة انومهم على بطونهم وسوي مساج لظهورهم واسمعي الاصوات اللي تطلع :) ويرتاحون .
قالتلي الدكتور اذا عطيتيهم ماي غريب بعده لالالالالالالالالالالازم تنومينهم على بطنهم والا ما في فايدة منه .

[ام عدي آل الشيخ]

هلا بنات كيفكم وكيف التربية معاكم..تقبلوني معاكم بالتجمع ؟؟ ههههههههه..
عسى القى الوقت وادخل النت الله يعيننا يارب ..طمنوني عن احوالكم واخبار توائمكم ربي يحفظهم .. تصدقون ..وحشتوووووووووووووووووووني مووووووووووووووووت..يابنات اللي كانوا بصفي ولدت طبيعي في عاشر يوم من التاسع ياربي لك الحمد والشكر..